“Yok blong Hem I Isi, mo Wok blong Hem I No Hevi—Samfala Pat,” Blong Ol Yut Oli Kam Strong, Novemba 2022.
Yok blong Hem I Isi, mo Wok blong Hem I No Hevi.
Samfala Pat
Plante lida blong Jos oli bin givim toktok abaot bigfala lav, yuniti, fasin blong stap kaen, lav mo sore, fasin blong fogiv,. Mi biliv se Sevya i stap invaetem yumi long wan moa hae mo tabu wei—wei blongHem blong lav we evriwan i filim se hem i pat mo hem i impoten.
Hem i givim komanmen long yumi blong lavem nara man,be blong i no jajem olgeta. Letem yumi stopem hevi wok ia; we i no blong yumi blong karem. Be, yumi save mekem wok blong hem we i no hevi we i blong soem lav mo sore. …
Olgeta we Hem i tajem oli filim lavblong Hem, mo lav ia i hilim mo jenisim olgeta. Lav blong Hem i givim insperesen long olgeta blong wantem blong jenisim laef blong olgeta. Stap laef folem wei blong Hem i givim glad mo pis, mo Hem i invaetem ol narafala man long rod ia blong laef wetem fasin blong stap kaen, mo lav. …
Taem yumi stap lan moa blong mekem wanem we Hem i askem yumi blong mekem—i no from se yumi mas mekem from ol blesing we bae yumi kasem be from yumi lavem Hem mo Papa blong yumi long Heven—Lav blong Hem bae i fulumap yumi mo mekem evri samting we Hem i askem we i no posibol nomo be i moa isi mo laet mo fulap wetem glad we yumi no save pikjarem.
…Evriwan i nidim blong filim se oli pat mo oli nidim olgeta long bodi blong Kraes. Stamba tingting blong Setan i blong divaedem ol pikinini blong God, mo Hem i bin mekem i hapen, be i gat moa paoa long yunit. !Mo olsem wanem yumi nid blong wokbaot tugeta tru long ol jalenj long rod blong laef long wol ia!