“Hapi mo blong Oltaem—Samfala Pat,” Blong Ol Yut Oli Kam Strong, Nov 2022.
Hapi mo blong Oltaem
Samfala Pat
Tru glad we i blong oltaem, mo taem we i no save finis wetem olgeta we yumi lavem i stret plan ia nao blong God blong stap glad. …
Yet, i nogat wan long yumi i stret mo gud evriwan, no gat eni famli. …
… Yumi gat wan bigfala janis mo presen blong faenemaot niufala save long andastaning blong yumi long saed blong spirit, lav, fasin blong sakem sin mo fogiv wetem wanwan long yumi mo ol famli blong yumi blong taem ia mo taem we i no save finis. …
… Tru long plan blong God blong fasin ia blong pemaot man mo blong stap glad, Jisas Kraes, tru long Atonmen blong hem, i promes blong yunaetem spirit mo bodi blong yumi, “we bae i neva seperet bakegen, blong yumi save kasem wan glad we i fulwan.” [Doktrin mo Ol Kavenan 138:17].
… Atonmen—at-on-men long Kraes— … i save karem karem yumi kam wan wetem Hem mo wanwan long yumi.
… God i save mo lavem yumi stret mo gud evriwan. …
Long spirit wol, iven olgeta we oli gat sin mo brekem loa oli gat janis blong sakem sin. …
… Lod i givim long yumi tabu janis ia blong kam moa olsem Hem taem yumi stap givim seves blong mekem ol tempol odinens blong olgeta we oli no save mekem blong olgetawan. …
… Blong stap fiksim rilesensip blong yumi mo hilim ol hat blong yumi i had, ating i no posibol blong yumi taem yumiwan. Be heven i save givim paoa long yumi mo waes we i no blong yumiwan blong save long wanem taem blong holem taet, mo olsem wanem blong lego. …
… Bae yumi kam kolosap long Sevya blong yumi insaed long tabu haos blong Lod, mo bae Hem i karem yumi go kolosap long God mo long wanwan long yumi, taem yumi putum hat blong yumi tugeta wetem bigfala sore olsem blong Kraes, trutok, mo sore long evri jeneresen blong yumi—long taem ia mo long taem we i no save finis, hapi mo blong oltaem. Long Jisas Kraes, hem i posibol, long Jisas Kraes, hem i tru.