“Eksampol blong Fasin blong Stap Leftemap Tingting,” Blong Ol Yut Oli Kam Strong, Nov 2022.
Eksampol blong Fasin blong Stap Leftemap Tingting
Samfala Pat
Olsem we mama blong mi i talem long mi taem we mi komplen long hamas wan samting i had tumas, “O Hal, yes, hem i had. I sapos blong i had ia nao. Laef i wan tes.”
Hem i save talem hemia long wan kwaet voes, iven wetem wan smael, from hem i save tu samting. Nomata long had taem, wanem we i moa impoten hem i blong gobak hom blong stap wetem Papa long Heven. Mo mama i save se hem i save mekem tru long fet blong hem long Sevya. …
Stori blong leftemap tingting we mama i lego i stap, Momon i tokbaot long Moronae 7taem Momon i stap leftemap tingting blong boe blong hem mo ol pipol blong hem. …
Hem i putum Jisas Kraes faswan, olsem evriwan we oli bin win blong leftemap tingting blong olgeta narawan we oli stap traehad blong folem rod ia i go long hom long heven. …
Momon i bin luk fasin blong no stap flas olsem wan pruf blong strong fet blong olgeta. …
Afta Momon i leftemap tingting blong olgeta taem hem i stap testifae se oli stap long rod blong kasem presen ia blong ol hat blong olgeta i fulap wetem klin lav blong Kraes. …
Lukluk i gobak, naoia mi luksave olsem wanem presen ia blong bigfala lav—klin lav blong Kraes—i bin mekem mama i strong, i gaedem hem mo sastenem hem long ol hadtaem blong hem long rod blong hem i go hom. …
… Sevya i save evri samting abaot ol hadtaem blong yu. Hem i save se yu gat paoa ia blong gro long fet, hop, mo bigfala lav.
Ol komanmen mo ol kavenan we Hem i givim i no ol tes blong kontrolem yu. Oli ol presen blong leftemap yu blong kasem evri presen blong God mo blong gobak hom long Papa long Heven mo Lod, we i lavem yu.