“Wok Wan Wetem Lod—Samfala Pat,” Blong Ol Yut Oli Kam Strong, Novemba 2022.
Wok Wan Wetem Lod
Samfala Pat
Gospel blong Jisas Kraes we i kambak i tokbaot prinsipol ia blong wok wan bitwin woman mo man, tugeta long laef ia mo long laef we i no save finis. Nomata woman mo man i gat ol spesel fasin mo tabu responsabiliti, woman mo man i gat ol impoten wok we i semmak insaed long plan blong God blong stap glad, we i blong evri pikinini blong Hem. …
… Folem gospel doktrin,wanem we i defren bitwin woman o man, i no win ova long ol promes blong God we i no save finis we oli blong evri pikinini boe mo gel blong Hem. I nogat wan long tufala i gat bigfala janis blong kasem selestial glori bitim narawan long ol taem we i no save finis. Sevya Hemwan i invaetem evriwan long yumi, ol pikinini blong God, “blong kam long Hem mo tekpat long gud fasin blong Hem; mo Hem i no tanem baksaed blong Hem long eniwan we i kam long Hem.” [2 Nifae 26:33]. From hemia, yumi evriwan i semmak long fored blong hem.
Taem hasban mo waef i andastanem mo yusum prinsipol ia, bae tufala i no putum tufala long posisen olsem presiden o vaes presiden long famli blong tufala. I nogat wan i bos long narawan o narawan i blong folem tingting blong narawan long wan mared rilesensip, mo i nogat wan i go fastaem o biaen long narawan. Tufala i wokbaot tugeta, semmak nomo olsem ol tabu pikinini blong God. Tufala i kam wan long tingting, long nid, mo long stamba tingting wetem Papa long Heven mo Jisas Kraes, we i stap lidim mo gaedem famli tugeta.