“Wan Wok Plan blong Revelesen blong Yuwan—Samfala Pat,” Blong Ol Yut Oli Kam Strong, Novemba 2022.
Wan Plan blong Folem blong Kasem Revelesen blong Yuwan
Samfala Pat
Yumi nid blong andastanem plan we tabu Spirit i wok long hem blong givim revelesen long yumiwan. …
Ol skripja oli mekemap fas pat blong plan ia blong kasem revelesen blong yuwan. Blong kakae gud ol toktok blong Kraes, olsem we i stap long ol skripja, bae i save leftemap tingting blong kasem revelesen blong yuwan. . …
Seken pat blong plan ia, i we yumi kasem revelesen blong yumiwan nomo mo blong ol eria we yumi gat wok long hem be i no blong ol narawan. . …
… Doktrin, ol komanmen mo ol revelesen blong Jos, oli blong profet nomo we i laef, we hem i kasem olgeta tru long Lod, Jisas Kraes. …
… Profet nomo i save kasem revelesen blong Jos. …
Revelesen blong yuwan i blong wanwan man nomo. Yu save kasem revelesen, eksampol, abaot wea ples blong stap, wanem rod blong wok from, o huia blong maredem. …
Namba tri pat blong plan ia i we revelesen blong yuwan i mas wok wan wetem ol komanmen blong God mo ol kavenan we yumi bin mekem wetem Hem. …
Taem yumi askem revelesen abaot wan samting we God i bin givim klia daereksen finis, i save mekem yumi save talem rong mining blong ol filing mo harem wanem we yumi wantem blong harem. …
Namba fo pat blong plan ia i blong luksave wanem God i bin talemaot finis long yuwan, taem we yu stap rere blong kasem moa revelesen we i kam long Hem. …
… Mi save se Tabu Spirit i save mo bae i soem long yu, evri samting we yu mas mekem.