“Fasin blong stap Olsem wan Disaepol—Samfala Pat,” Blong Ol Yut Oli Kam Strong Novemba 2022.
Fasin blong stap Olsem wan Disaepol
Samfala Pat
Ol eksperiens olsem ol konfrens blong BYS, ol kamp, ol sakramen miting, mo ol misin, i save helpem givim paoa long ol testemoni blong yumi, we i tekem yumi kasem long laen blong gro mo faenemaot ol ples we i givim pis. Be wanem nao bae yumi mekem blong stap ia mo gohed blong “wokabaot fored wetem strong bilif long Kraes” (2 Nifae 31:20) mo nomo gobak? Yumi mas gohed blong mekem olgeta samting we i tekem yumi i kasem ples ia long fas ples, olsem blong prea oltaem, draonem yumi long skripja, mo stap givim seves wetem wan tru tingting. …
Long BYS, i gat samples tu handred taosen mo moa yut we oli bin kam blong save moa long Sevya taem oli yusum wan simpol paten, we i soem se,tu o tri man oli joen wanples long nem blong [Hem] (luk Matiu 18:20blong stadi gospel mo ol skripja, singsing mo prea tugeta, mo stap faenem pis long Kraes. Hemia i wan narafala wei blong filim paoa blong spirit. …
Ol fetful yut blong Saeon oli stap wokbaot tru ol spesel taem. Stap faenem glad long wol ia we oli profesae abaot noes blong hem, be blong no kam pat blong wol ia, wetem ol blaen mak we i save kavremap tabu fasin, oli mas luksave hemia olgetawan. …
Mi save se tru long tras long Lod Jisas Kraes mo kavenan rod blong Hem, yumi save faenem paoa blong spirit blong no fraet mo pis taem yumi lukaotem ol tabu fasin mo ol klin fasin we i save gohed blong mekem mo laetem faea blong fet blong yumi. Bae yumi muv i go kolosap moa long faea ia blong kipim testemoni blong yumi i wom, nomata long wanem we i save hapen, bae yumi gohed blong stap.