“Wetem Tru Hat—Samfala Pat,” Blong Ol Yut Oli Kam Strong, Novemba 2022.
Wetem Tru Hat
Samfala Pat
Olsem ol disaepol blong Jisas Kraes, yumi bilif mo save gro long tri impoten trutok.
Faswan, Yumi Save Kipim Ol Kavenan blong Yumi, Nomata Se I No Isi
Taem fet, famli o fiuja blong yu oli jalenj—taem yu stap tingting se from wanem laef i had tumas taem yu stap traem bes blong yu blong laef folem gospel—tingbaot se Lod i talem se bae ol trabol oli kam. Ol trabol oli pat blong plan mo i no minim se oli blong fogetem yu; oli pat blong wanem i minim se yufala i blong Hem. …
Blong stap laef gud mo nogat jalenj, i no save givim paoa. Paoa we yumi nidim blong stanap strong agensem ol hadtaem long dei blong yumi hem i paoa blong Lod mo paoa blong Hem i kam tru long ol kavenan we yumi mekem wetem Hem. …
Nambatu, Yumi Save Tekem Aksen tru long Fet
Olsem ol disaepol blong Jisas Kraes, yumi andastanem se fet long Hem i nidim aksen—speseli long ol hadtaem. …
Nambatri, Yumi Save Stap Gat Tru Hat mo Glad long Wok blong Yumi
… Mo mi sua se mi mas neva tingting se, ol hadtaem blong tedei i mekem mi kwestinim lav blong God long mi o i tanem fet blong mi long Hem i kam tu tingting. …
Mo kasem dei we ol evri dei kil long wol ia oli kam oraet, bae mi wet long Lod mo trastem Hem—taem blong Hem, waes blong Hem, plan blong Hem.
Wetem han blong mi long han blong yu, mi wantem stanap wetem Hem blong oltaem. Wetem tru hat. Taem yumi save se yumi lavem Jisas Kraes wetem ful hat blong yumi, Hem i givimbak evri samting i kambak long yumi.