“Stap Tru long God mo Wok blong Hem—Samfala Pat,” Blong Ol Yut Oli Kam Strong, Novemba 2022.
Stap Tru long God mo Wok blong Hem
Yurugwe
Wan long ol gudfala eksampol long skripja … abaot lukaotem wan testemoni blong wok blong God mo Jisas Kraes i stap long toktok blong Alma i go long trifala boe blong hem—Hileman, Siblon, mo Korianton. …
Fas wari blong Alma … i we wanwan i gat wan testemoni blong Jisas Kraes mo stap tru long God mo long wok blong Hem.
…Siblon i wan stret mo gud man olsem brata blong hem Hileman. Impoten toktok we mi wantem tokbaot hem i Alma 38:12we wan pat i rid olsem, “Meksua se yu kontrolem ol strong filing blong yu, blong mekem se yu save fulap wetem lav.“
Bodi ia i no ivel—hem i naes tumas mo i impoten—be sam strong filing mo tingting, sapos i no yusum gud mo gat gud kontrol, bae i save seperetem yumi long God mo long wok blong Hem mo i save spolem testemoni blong yumi. …
Blong save kontrolem fasin blong stap kros mo gat kontrol long ol nara filing, yumi nidim blong lidim wan laef we i klin blong save kontrolem tingting blong yumi, lanwis, mo ol aksen. …
From se Korianton i tekpat long rabis tingting, i nid blong Alma i tijim hem abaot fasin blong sakem sin. …
So, kaonsel blong Alma i blong stopem samting we i blong kontrolem ol filing blong lav mo sore, be kaonsel blong hem long olgeta we oli brekem loa, i blong sakem sin. …
I no gat man i save gobak long God tru long gud wok blong hem nomo; yumi evriwan i nidim sakrifaes blong Sevya. Evriwan i mekem sin, mo hem i tru long Atonmen blong Jisas Kraes nomo i mekem se yumi save kasem sore mo laef wetem God.