“Folem Jisas Kraes wetem Fet long Evri Wokbaot—Samfala Pat,” Blong Ol Yut Oli Kam Strong, Novemba 2022.
Folem Jisas Kraes wetem Ol Wokbaot blong Fet
Samfala Pat
Ol brata mo sista. Mi testifae se taem yumi folem Jisas Kraes wetem ol wokbaot blong fet, i gat hop i stap. I gat hop long Lod Jisas Kraes. I gat hop blong evriwan long laef ia. I gat hop blong winim ol mistek blong yumi, ol sore mo ol hadtaem blong yumi, mo ol tes mo trabol blong yumi. I gat hop long fasin blong sakem sin mo blong oli fogivim yu mo blong yu fogivim ol nara man. Mi testifae se i gat hop mo pis long Kraes. Hem i save helpem yumi blong go tru ol hadtaem. Hem i bin mekem hemia long ol fas paeonia, mo Hem i mekem tedei long wanwan long yumi. …
Taem mi tingbaot ol paeonia we oli bin mekem rere rod blong ol nara man, mi tingting faswan long Profet Josef Smit. …
Ol misinari blong yumi tedei oli ol paeonia blong tedei from oli serem naesfala mesej ia [blong Restoresen] wetem ol pipol raon long wol, mo hemia i openem rod blong ol pikinini blong Papa blong yumi long Heven blong save Hem mo Pikinini blong Hem Jisas Kraes. …
Presiden Nelson i bin wan paeonia insaed long Jos. …
Hem i stap tijim yumi olsem wanem blong stap dipen long yumiwan moa long saed blong spirit. …
Sevya blong yumi Jisas Kraes, i bigfala paeonia blong stap mekem rod i rere. I tru, Hem i “rod ia” [Jon 14:6] blong plan blong fasin blong sevem man i hapen blong mekem se yumi save sakem sin mo tru long fet long Hem, yumi save gobak long Papa blong yumi long Heven. …
Bae yumi oltaem folem ol wokbaot blong Jisas Kraes mo wetem fet long evri wokbaot blong yumi, lukluk nomo long Hem, stap kipim ol leg blong yumi i stap strong long kavenan rod.