Te tauturura’a i te veve ’e tei māuiui

Fa’ahitira’a parau

Peresideni Dallin H. Oaks

Tauturu hō’ē i roto i te Peresidenira’a Mātāmua

Fa’ahitira’a pia nā Oaks

Fa’auta uira i te PDF

’Ua parau fafau te ’Ēkālesia a Iesu Mesia ’ia tāvini i te feiā nāva’i ’ore, ’e parau fafau ato’a ’ia ha’a ’āmui e vetahi ’ē i roto i teie ā tauto’ora’a.

Peresideni Dallin H. Oaks

’Āmuira’a rahi nō ’Ātopa 2022

E rave rahi mau ’ohipa tōtauturu ’e te tauturura’a nā te ao nei i tō tātou mau ta’ata tupu tei ha’api’ihia ’e tei fa’a’ohipahia e Te ’Ēkālesia a Iesu Mesia i te Feiā Mo’a i te mau Mahana Hope’a nei ’e tātou, ’ei mau melo. ’Ei hi’ora’a, e ha’apae tātou i te mā’a i te tai’o mātāmua o te mau ’āva’e ato’a ’e e pūpū i te tuha’a moni e tano nō te mā’a ’aita i ’amuhia, nō te tauturu i te feiā nāva’i ’ore i roto i tā tātou iho mau pāroita. Tē pūpū ato’a nei te ’Ēkālesia i tāna hōro’ara’a rahi nō te tauturura’a i te ta’ata ’e te tahi atu mau tāvinira’a nā te ao nei.

Noa atu te mau mea ato’a tā te ’Ēkālesia e rave nei, te rahira’a o te mau tāvinira’a tauturu i te mau tamari’i a te Atua, ’ua ravehia te reira e te mau ta’ata ’e te mau tā’atira’a nā te ao nei, ’aita ho’i tō rātou tū’atira’a ’e tā tātou ’Ēkālesia […]

’Ua parau fafau te ’Ēkālesia a Iesu Mesia ’ia tāvini i te feiā nāva’i ’ore, ’e parau fafau ato’a ’ia ha’a ’āmui e vetahi ’ē i roto i teie ā tauto’ora’a. …

Tē ha’api’i nei te heheura’a ’āpī ē, tō tātou Fa’aora ’o Iesu Mesia, ’o ’oia « te māramarama mau ’o tē ha’amāramarama nei i te mau ta’ata ato’a ’o tē tae mai i roto i te ao nei » [Te Ha’api’ira’a Tumu ’e te mau Fafaura’a 93:2]. Nō te reira, e māramarama te mau tamari’i ato’a a te Atua nō te tāvini iāna ’e ia vetahi ’ē ma tō rātou ’ite ato’a ’e te ’aravihi […]

Tē fa’a’ite ato’a nei te reira ē, e mea ti’a i te rahira’a o tātou ’ia ’ite i te maita’i e ravehia nei e vetahi ’ē ’e ’ia turu i te reira nō te mea e taime ’e e mau rāve’a tā tātou nō te rave […]

Tē fa’a’ite pāpū nei au nō Iesu Mesia, ’o tōna ho’i mōrī ’e tōna Vārua e arata’i nei ia tātou pā’āto’a i roto i te tauturura’a i te veve ’e tei māuiui nā te ao nei.

Hi’o i te tā’āto’ara’a o te a’ora’a i ni’a conference.ChurchofJesusChrist.org

E nehenehe ’outou e tauturu

E nehenehe te hōro’ara’a i te ō ha’apaera’a mā’a ’e te tauturura’a i te ao nei e tauturu ’ia tāmarū i te māuiui nā te ao ato’a nei. Nō te pūpū i tā ’outou ō, ’a fa’a’ohipa i te mau parau ō i roto i tā ’outou pāroita ’aore rā ’āma’a, ’aore rā, ’a hōro’a atu nā ni’a i te tahua natirara a te ’Ēkālesia.