« Faufa’a ’āi’a nō te fa’aitoitora’a––Fa’ahitira’a parau », Nō te Pūai o te feiā ’āpī, Novema 2022.
Faufa’a ’āi’a nō te fa’aitoitora’a
Fa’ahitira’a parau
Mai tā tō’u metua vahine i parau mai iā’u, ’ia amuamu ana’e au nō te fifi o te hō’ē mea, « e Hal, e mea fifi iho ā. Mai te reira iho ā. E tāmatara’a te orara’a nei ».
E nehenehe tāna e parau i te reira ma te marū ’e ma te ’ata’ata ato’a, nō te mea ’ua ’ite ’oia e piti ’ohipa. Noa atu te ’arora’a, te ’ohipa faufa’a mau, ’o te taera’a ïa i te fare i pīha’i iho i tōna Metua i te ao ra. ’E ’ua ’ite ’oia e nehenehe tāna e rave i te reira nā roto i te fa’aro’o i tōna Fa’aora […]
Te faufa’a ’āi’a nō te fa’aitoitora’a tāna i vaiiho mai nā mātou, ’ua fa’ata’a-maita’i-hia ïa i roto i te Moroni 7, ’a fa’aitoito ai Moromona i tāna tamaiti ia Moroni ’e i tōna nūna’a […]
’Ua tu’u ’oia ia Iesu Mesia nā mua, e mea nā reira tā te mau ta’ata ato’a e manuia nei i te fa’aitoitora’a i te feiā, e ’aro nei nō te ta’uma atu i ni’a i te ’ē’a o tō rātou nohora’a i te ra’i ra […]
’Ua fa’ariro Moromona i te ha’eha’a ’ei tāpa’o nō te pūai o tō rātou fa’aro’o […]
I muri iho, ’ua fa’aitoito Moromona ia rātou nā roto i te fa’a’ite-pāpū-ra’a ē, tei ni’a rātou i te ’ē’a nō te fāri’i i te hōro’a o tō rātou ’ā’au, ’ia fa’a’īhia i te here mau o te Mesia […]
’A hi’o ai au i muri, tē ’ite nei au i teienei e mea nāhea taua hōro’a o te aroha ra—te here mau o te Mesia—i te ha’apūaira’a, te arata’ira’a, te pāturura’a ’e te tauira’a i tō’u metua vahine i roto i te ’arora’a i ni’a i te ’ē’a nō te ho’ira’a
[…] Ua ’ite te Fa’aora i te hu’ahu’ara’a o tā ’outou mau ’arora’a. ’Ua ’ite ’oia i tō ’outou pūai rahi nō te tupu i te rahi i roto i te fa’aro’o, te tīa’ira’a ’e te aroha.
Te mau fa’auera’a ’e te mau fafaura’a tāna e pupu mai nei ia ’outou, e ’ere ïa i te mau tāmatara’a nō te arai ia ’outou. E mau hōro’ara’a nō te fa’ateitei ia ’outou i te fāri’ira’a i te mau hōro’a ato’a a te Atua, ’e nō te ho’ira’a i te fare i pīha’i iho i tō ’outou Metua i te ao ra ’e i te Fatu, tei here ia ’outou.