« Te ti’ara’a pipi taraire—Fa’ahitira’a parau », Nō te pūai o te feiā ’āpī, Novema 2022.
Te ti’ara’a pipi taraire
Fa’ahitira’a parau
Te mau ’itera’a mai te mau ’āmuira’a JSF, te mau pūhapara’a, te mau purera’a ’ōro’a ’e te mau misiōni e nehenehe e tauturu i te fa’a’oira’a i tō tātou ’itera’a pāpū, e arata’i ia tātou nā roto i te ’āpeu o te mara’ara’a ’e o te māhu’ira’a pae vārua i te mau vāhi e hau ai. E aha rā tā tātou e rave nō te fa’aea noa ’e ’ia tāmau ā i te « haere ti’a atu i mua i te ti’a-maite-ra’a i te Mesia » (2 Nephi 31:20) ’eiaha ’ia ho’i mai i muri ? E ti’a ia tātou ’ia tāmau noa i te rave i te mau mea tei ’āfa’i ia tātou i reira i te ’omuara’a, mai te pure-pinipine-ra’a, te tāumira’a ia tātou i roto i te pāpa’ira’a mo’a ’e te tāvinira’a ma te ’ā’au tae […]
I te JSF, te tahi hānere tauatini ’e hau atu o tā tātou feiā ’āpī tei ha’api’i maita’i a’e i te ha’amātau mai i te Fa’aora, ma te fa’a’ohipara’a i te hō’ē parau ’ōhie nō te ha’aputuputura’a i te vāhi tei reira e piti ’aore rā hau atu o rātou i te putuputura’a nā roto i tōna i’oa (hi’o Mataio 18:20), te ’āparaura’a i te ’evanelia ’e te mau pāpa’ira’a mo’a, te hīmene-’āmui-ra’a, te pure-’āmui-ra’a ’e te ’itera’a i te hau i roto i te Mesia. E fa’auera’a mana pūai teie nō te fa’aarara’a pae vārua […]
Te feiā ’āpī ’āueue ’ore nō Ziona e tere nei nā roto i te tau fa’ahiahia roa. ’A ’ite mai i te ’oa’oa i roto i teie ao tei ’ī i te ’āhuehuera’a tei tohuhia, ma te ’ore ’ia riro ’ei tuha’a nō teie nei ao, ’e tāna mau fa’anahora’a e ha’apōiri i te mo’ara’a, tē vai ra ānei te tahi fa’autu’ara’a ta’a ’ē […]
’Ua ’ite au ē, nā roto i te ti’aturira’a i te Fatu ia Iesu Mesia ’e i tāna ’ē’a nō te fafaura’a, e nehenehe tātou e ’ite mai i te ti’aturira’a pae vārua ’e te hau, nā roto i te fa’a’amura’a i te mau peu mo’a ’e te mau mātarora’a parauti’a ’o tē nehenehe e aupuru ’e e tūtahu i te auahi o tō tātou fa’aro’o. ’Ia fa’anu’u fa’ahou atu ā tātou tāta’itahi i taua mau auahi ra ’o tē ha’amāhanahana mai, ’e noa atu te mea e tae mai, ’a fa’aea mai.