« Ma te ’ā’au ato’a—Fa’ahitira’a parau », Nō te pūai o te feiā ’āpī, Novema 2022.
Ma te ’ā’au ato’a
Fa’ahitira’a parau
’Ei pipi nā Iesu Mesia, tē ti’aturi nei tātou ’e e tupu tātou i te rahi i roto e toru parau mau faufa’a roa.
A tahi, e nehenehe tātou e ha’apa’o i tā tātou mau fafaura’a, noa atu e ’ere i te mea ’ōhie
’Ia tāmata-ana’e-hia tō ’outou fa’aro’o, tō ’outou ’utuāfare, tō ’outou ’ānanahi—’ia uiui ana’e ’outou nō te aha e mea fifi te orara’a, ’a rave ai ’outou mai tā ’outou e nehenehe nō te ora i te ’evanelia—’a ha’amana’o ē ’ua parau mai te Fatu ia tātou ’ia ara i te mau fifi rahi. Tei roto te mau fifi rahi i te ’ōpuara’a ’e ’aita te reira e parau nei e vai ’ōtahi noa ’outou ; e tuha’a te reira nō te mea e parau ra ’ia riro nōna […]
’Aita te orara’a i roto i te fāna’ora’a e hōpoi mai te mana. Te mana ’o tā tātou e hina’aro nō te fa’aruru i te ve’ave’a o tō tātou mahana ’o te mana ïa o te Fatu ’e e nīni’i mai tōna mana nā roto i tā tātou mau fafaura’a ’e ’ōna […]
Te piti, e nehenehe tātou e ’ohipa ma te fa’aro’o
’Ei pipi nā Iesu Mesia, ’ua hāro’aro’a tātou ē te fa’aro’o iāna e tītauhia te ’ohipa—i roto iho ā ra i te mau taime fifi rahi […]
Te toru, e nehenehe tātou e riro ma te ’ā’au ato’a ’e ’ia ’oa’oa i roto i tā tātou pūpūra’a ia tātou iho.
’E e mea pāpū e’ita roa e ti’a iā’u ’ia feruri ē, te tāmatara’a i teie mahana e ha’afē’a’ara’a te reira i te here o te Atua nō’u ’aore rā e fa’atūrori i tō’u fa’aro’o iāna […]
’E tae roa i te mahana, i reira te mau pēpē o te mahana tāta’itahi o te ao nei e fa’aorahia ai, e tīa’i māite au i te Fatu ’e e ti’aturi iāna—i tāna tārena, tōna pa’ari, tāna ’ōpuara’a.
Ma te tauahi ia ’outou, hina’aro vau e ti’a i tōna pae e a muri noa atu. Ma te ’ā’au ato’a. Ma te ’itera’a ē, ’ia here ana’e tātou ia Iesu Mesia ma tō tātou ’ā’au ato’a, e hōro’a mai ’oia ia tātou te tā’āto’ara’a i muri iho.