« Te ha’api’ira’a tumu o te rirora’a—Fa’ahitira’a parau », Nō te pūai o te feiā ’āpī, Novema 2022.
Te ha’api’ira’a tumu o te rirora’a
Fa’ahitira’a parau
Te hina’aro nei au e paraparau atu nō ni’a i te mea tā’u e parau nei ē, te ha’api’ira’a tumu o te rirora’a ’ei melo i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei […]
Ma te fāri’ira’a i teie ha’amaita’ira’a, e’ita ïa tātou e nehenehe e fa’ati’a i te hō’ē noa a’e ’ia tātī nūna’a ’ē, ’ia fa’a’ino i te ’ōpu ta’ata, ’aore rā i te tahi atu mau ’āmahamahara’a ’ia tupu i roto i te ’Ēkālesia nō te mahana hope’a nei a te Mesia […]
E mea faufa’a te mana’o o te rirora’a nō tō tātou maita’i i te pae tino, i te pae ferurira’a, ’e i te pae vārua. Terā rā, e nehenehe mau tātou tāta’itahi, i te hō’ē taime, e mana’o ē, e ’ere nō tātou teie vāhi […]
E vaiiho na tātou i te ha’avāra’a i roto i te rima o te Fatu ’e i te feiā tāna i fa’aue, ’e ’a ha’apa’o ana’e i te here ’e i te fa’ariro i te tahi ’e te tahi ma te maita’i roa e ti’a ia tātou […]
Te piti o te tuha’a o te ha’api’ira’a tumu nō te rirora’a nō ni’a ïa i tā tātou iho mau hōro’ara’a. Noa atu e mea varavara tātou i te feruri i te reira, te tuha’a rahi roa a’e o tō tātou rirora’a ’ei melo, nō roto mai ïa i tā tātou tāvinira’a ’e te mau tūsia tā tātou e rave nei nō vetahi ’ē ’e nō te Fatu […]
Te mea hope’a ’e te faufa’a roa a’e o te ha’api’ira’a tumu o te rirora’a ’o te ’ohipa tumu ïa a Iesu Mesia. ’Aita tātou i tomo mai i roto i te ’Ēkālesia nō te auhoara’a noa, noa atu e mea faufa’a te reira. ’Ua tomo mai tātou nō te fa’aorara’a nā roto i te here ’e te aroha o Iesu Mesia. ’Ua tomo mai tātou nō te ha’apāpū i te mau ’ōro’a nō te fa’aorara’a ’e nō te fa’ateiteira’a nō tātou iho ’e nō te feiā tā tātou e here nei i nā pae e piti o te pāruru. ’Ua tomo mai tātou nō te ’āmui mai i roto i te hō’ē ’ōpuara’a ’ohipa nō te ha’amau ia Ziona ’ei fa’aineinera’a i te ho’ira’a mai o te Fatu.