« Te fa’a’amura’a ’e te fa’a’itera’a i tō ’outou ’itera’a pāpū—Fa’ahitira’a parau », Nō te pūai o te feiā ’āpī, Novema 2022.
Te fa’a’amura’a ’e te fa’a’itera’a i tō ’outou ’itera’a pāpū
Fa’ahitira’a parau
’Ua ’ite ānei au ’e ’ua ta’a ānei au e aha te hō’ē ’itera’a pāpū ?
Tō ’outou ’itera’a pāpū, ’o te hō’ē ïa tao’a faufa’a rahi a’e, ’o tē ’āpitihia i te mau mana’o pae vārua hōhonu. I te rahira’a o te taime, ’e fa’a’itehia te reira mau mana’o ma te marū ’o tē tātarahia ’ei « reo iti marū » [1 Ari’i 19:12]. ’O tō ’outou ïa ti’aturira’a ’aore rā tō ’outou ’itera’a i te parau mau, ’o tei hōro’ahia ’ei fa’a’itera’a pae vārua nā roto i te fa’aurura’a a te Vārua Maita’i.
’Ua ’ite ānei au e mea nāhea ’ia fa’a’ite i tō’u ’itera’a pāpū ?
E fa’a’ite ’outou i tō ’outou ’itera’a pāpū ’ia fa’a’ite ana’e ’outou i te mau mana’o pae vārua ia vetahi ’ē. ’Ei melo nō te ’Ēkālesia, tē vai ra te taime fa’a’itera’a i tō ’outou ’itera’a pāpū parau vaha i roto i te mau putuputura’a mātarohia a te ’Ēkālesia, ’aore rā te mau ’āparaura’a te tahi ’e te tahi ’e tō ’outou ’utuāfare, tō ’outou mau hoa ’e te tahi atu mau ta’ata.
Te tahi rāve’a nō te fa’a’ite i tō ’outou ’itera’a pāpū, e nā roto ïa i tō ’outou huru […]
E ti’a te mau melo o te ’Ēkālesia ’ei mau ’ite nō te Atua i te mau taime ato’a, i roto i te mau mea ato’a, ’e i te mau vāhi ato’a. E mea hope ’ore te mau rāve’a nō te rave i te reira i roto i te ao rorouira ma te fa’a’ohipa i tā tātou iho mau parau fa’auruhia ’aore rā ma te fa’a’ite i te mau parau fa’aitoito tei fa’aineinehia e vetahi ’ē […]
E aha te mau fifi nō te fa’a’ite i tō’u ’itera’a pāpū ?
Teie te tahi mau fifi nō te fa’a’itera’a i tō ’outou ’itera’a pāpū, ’oia ho’i, te pāpū ’ore i te mea e parau […]
Te tahi atu fifi… ’o te mata’u īa […]
Te fāri’ira’a i te fa’aro’o… e tauturu te reira ’ia ’outou ’ia upo’oti’a i ni’a i te reira mau mana’o […]
Nāhea vau i te tāpe’a maīte i tō’u ’itera’a pāpū ?
Tē ti’aturi nei au ē, e vaira’a tumu tō te ’itera’a pāpū i roto ia tātou, terā rā, nō te tāpe’a maīte ’e nō te fa’ahotu pāpū i te reira, ’ua ha’api’i mai ’o Alama ē, e tauturu ïa tātou ma te tīa’i maīte [hi’o Alama 32:37] […]
E tā’u mau taea’e ’e mau tuahine here, tē fafau atu nei au ē, mai te mea, e hāro’aro’a hope hau atu ’outou e aha te ’itera’a pāpū, ’e mai te mea, e fa’a’ite ’outou i te reira, e upo’oti’a ’outou i ni’a i te mau fifi o te huru pāpū ’ore ’e te taiā, ’e nā te reira e tauturu ia ’outou ’ia fa’a’amu ’e ’ia tāpe’a maīte i teie tao’a faufa’a rahi roa a’e, ’oia tō ’outou ’itera’a pāpū.