« Teie nei mahana—Fa’ahitira’a parau », Nō te pūai o te feiā ’āpī, Novema 2022.
Teie nei mahana
Fa’ahitira’a parau
Teie i roto i tō’u rima te hō’ē Buka a Moromona. Nō te matahiti ra 1970, e mea faufa’a roa te reira iā’u. ’Ia hi’ohia e mea tahito ’e te marau, ’aita rā e buka faufa’a a’e i teie buka, nō tō’u orara’a ’e tō’u ’itera’a pāpū. I te tai’ora’a vau i te reira te noa’ara’a tō’u ’ite nā roto i te Vārua ē, ’o Iesu Mesia te Tamaiti a te Atua, o ’oia tō’u Fa’aora, ’o teie mau pāpa’ira’a mo’a te parau a te Atua, ’e ’ua fa’aho’ihia mai te ’evanelia […]
« I teie nei mahana », te hō’ē misiōnare rahi roa a’e nō te Buka a Moromona, ’o te peresideni Russell M. Nelson ïa […]
E mau Buka a Moromona tāna i hōro’a i e hānere ta’ata, ma te hōro’a ato’a i tōna ’itera’a pāpū nō Iesu Mesia […]
Tē rave nei tō tātou peropheta ora i tāna tuha’a nō te diluvi i te fenua i te Buka a Moromona. E’ita rā tāna e nehenehe e ’īriti i te mau fa’atuea aravai ’o ’ōna ana’e. ’Ia pe’e tātou iāna e ti’a ai […]
… Tē ani nei au ia ’outou, i teie nei mahana, ’ia hōro’a i te hō’ē Buka a Moromona i tō ’outou mau hoa ’e te mau fēti’i, tō ’outou mau hoa ’ohipa, te ta’ata fa’aineine tu’e pōpō ’aore rā te ta’ata ho’o i te mātete. Tītauhia te mau parau a te Fatu i roto i teie buka nō rātou …
Tē parau pāpū nei au ē, e ’ōpuara’a hanahana i fa’aineinehia ai te Buka a Moromona i Amerika tahito ra nō te tae mai ’e nō te fa’a’ite i te parau a te Atua, nō te hōpoi i te mau vairua i te Fatu Iesu Mesia ra ’e i tāna ’evanelia i fa’aho’ihia mai i « teie nei mahana ».