« Ha’afātata atu ā i te Fa’aora—Fa’ahitira’a parau », Nō te pūai o te feiā ’āpī, Novema 2022.
Ha’afātata atu ā i te Fa’aora
Fa’ahitira’a parau
Tē ’ite nei tātou ē, ’a rahi noa ai te ’ino i roto i te ao, e ora mai tātou i te pae vārua, ’e rātou ato’a ’o tā tātou i here, maoti tō tātou fa’a’amu-hope-ra’a, te ha’apa’arira’a ’e te ha’apūaira’a i te mau a’a o tō tātou fa’aro’o ia Iesu Mesia.
Mai tā tātou i ’ite maita’i, ’ua hau atu te fa’atupura’a i te fa’aro’o ia Iesu Mesia ’e te vai-noa-ra’a ’ei pipi mau nāna, i te hō’ē fa’aotira’a hō’ē taime—’e te hō’ē ’ohipa hō’ē taime. E ’ohipa tau maoro mo’a ’e te tāmau, ’o tē tupu i te rahi ’e ’o tē fa’a’ā’ano i roto i te tau o tō tātou orara’a ē tae noa ai e tūturi tātou i tōna ra ’āvae.
Nō te sītona e tupu ra i rotopū i te zīzānia o te ao nei, nāhea tātou e fa’ahōhonu ai ’e e ha’apūai i tā tātou parau fafau i te Fa’aora, i te mau mahana i muri nei ?
Teie e toru mana’o :
’A tahi, e nehenehe tātou e utuhi hope atu ā ia tātou i roto i te orara’a o Iesu, tāna mau ha’api’ira’a, tōna hanahana, tōna mana ’e tāna tusia tāra’ehara […]
I muri iho, ’ia mātau maita’i a’e tātou i te Fa’aora ’e ’ia here maita’i a’e iāna, e hia’ai rahi atu ā tātou i te parau fafau atu i tō tātou ha’apa’o maita’i ’e tō tātou ti’aturi. E rave tātou i te mau fafaura’a iāna ra […]
Maoti te ravera’a ’e te ha’apa’ora’a i te mau fafaura’a e ti’a ai i tō tātou here i te Fa’aora ’ia puta hōhonu atu ā i roto i te ’ā’au […]
Te toru o te mana’o : i roto i teie tītaura’a mo’a, e ha’afaufa’a tātou, ma te vai ara, ma te pāruru ’e ma te fa’aherehere, i te hōro’a nō te Vārua maita’i […]
’Ia vaiiho ’outou i tō ’outou here nō te Fa’aora, ’e i tōna here nō ’outou ’ia puta hōhonu i roto i tō ’outou ’ā’au, tē parau fafau atu nei au i te ti’aturi rahi atu ā, ’e te hau ’e te ’oa’oa i mua i te mau fifi o tō ’outou orara’a.