« Pe’e ia Iesu Mesia ma te ta’ahira’a ’āvae nō te fa’aro’o––Fa’ahitira’a parau », Nō te pūai o te feiā ’āpī, Novema 2022.
Pe’e ia Iesu Mesia ma te ta’ahira’a ’āvae nō te fa’aro’o
Fa’ahitira’a parau
Te mau taea’e ’e te mau tuahine, tē parau pāpū nei au ē, ’ia pe’e tātou ia Iesu Mesia ma te ta’ahira’a ’āvae nō te fa’aro’o, tē vai nei te tīa’ira’a. E tīa’ira’a i roto i te Fatu Iesu Mesia. E tīa’ira’a nō te tā’āto’ara’a i roto i teie orara’a. E tīa’ira’a nō te upo’oti’a i tā tātou mau hape, te ’oto ’e te mau tāfifira’a, ’e te mau fifi ’e te mau pe’ape’a. E tīa’ira’a i roto i te tātarahapara’a ’e te fa’a’orera’a hara, ’e i roto i te fa’a’orera’a i tā te ta’ata hapa. Tē parau pāpū nei au ē, e tīa’ira’a ’e e hau ho’i i te Mesia. E ti’a iāna ’ia amo ia tātou i teie mahana i roto i tō tātou mau taime fifi. ’Ua nā reira ’oia nō te mau pionie mātāmua, ’e e nā reira ’oia i teienei nō tātou tāta’itahi […]
’Ia feruri au i te mau pionie tei fa’aineine i te ’ē’a nō vetahi ’ē, e mana’o mātāmua ïa vau i te peropheta Iosepha Semita […]
E mau pionie nō te tau ’āpī tā tātou mau misiōnare i teie mahana, nō te mea tē fa’a’ite nei rātou i teie poro’i hanahana i te mau ta’ata ’ati a’e te ao nei, ma te fa’atoro i te ’ē’a i te mau tamari’i a te Metua i te ao ra, nō te ’ite iāna ’e tāna Tamaiti ia Iesu Mesia […]
E pionie te peresideni Nelson i roto i te ’Ēkālesia […]
Tē ha’api’i nei ’oia ia tātou e nāhea i te fa’arahi atu ā i tō tātou fa’arava’ira’a ia tātou iho i te pae vārua […]
’O tō tātou Fa’aora Iesu Mesia te pionie rahi roa a’e i te fa’aineinera’a i te ’ē’a. ’Oia mau, ’o ’oia « te ’ē’a » [Ioane 14:6] ’ia tupu te fa’anahora’a nō te fa’aorara’a, ’ia ti’a ia tātou ’ia tātarahapa ’e, nā roto i te fa’aro’o iāna, ’ia ho’i tātou i tō tātou Metua i te ao ra […]
’Ia pe’e tātou i te mau ta’ahira’a ’āvae o Iesu Mesia, ’e ma te fa’aro’o i te ta’ahira’a tāta’itahi, ’ia rōtahi tātou i ni’a iāna, ma te ha’amau pāpū i tō tātou ’āvae i ni’a i te ’ē’a nō te fafaura’a.