Ireo toerana ao amin’ny soratra masina

Ny Renirano Jordana

Inona no zava-nitranga teo sy ny zavatra azontsika ianarana avy amin’izany?

Aiza no misy azy?

Sarintany avy amin’ny Getty Images

Ao avaratry ny tendrombohitra Hermona no misy ny loharano ipoiran’izany.

Mikoriana mianatsimo mankany amin’ny Ranomasin’i Galilia, ary mivoaka avy ao indray.

Mikoriana sy mifarana ao amin’ny Ranomasina maty izany.

Raha ny ankamaroan’ny halavany dia ambany ny haavon’ny ranomasina izany.

Io no renirano manan-danja indrindra ao amin’io faritra io.

Inona no nitranga teo?

I Josoa dia nitarika ny zanak’i Isiraely niampita ny Renirano Jordana tamin’ny tany maina mba hidirana ny tany nampanantenaina (jereo ny Josoa 3–4).

I Jesoa Kristy dia nataon’i Jaona Mpanao Batisa batisa tao amin’ny Renirano Jordana (jereo ny Matio 3).

Moa ve mba fantatrao?

Ny teny hoe Jesoa dia endrika Grikan’ny anarana hoe Josoa. Koa ireo zava-nitranga teo amin’ny Renirano Jordana dia ny fifandraisana eo amin’i Jesoa Kristy sy i Josoa mpaminany ao amin’ny Testamenta Taloha.

Josoa	Jesoa Kristy
Tonga taorian’i Mosesy.	Tonga mba hanatanteraka ny lalàn’i Mosesy.
Nitarika ny zanak’i Isiraely ho any amin’ny tany nampanantenaina.	Nampiseho antsika ny lalana hidirana ny fanjakana selestialy.
Niampita ny Renirano Jordana tamin’ny tany maina.	Nankeo amin’ny Renirano Jordana sy natao batisa.
Nasainy nitondra ny fiaran’ny fanekena nitsoboka tao amin’ilay renirano ireo mpisorona ka nizara roa ny rano.	Ny batisany dia nataon’i Jaona Mpanao batisa, izay nanana ny fahefan’ny fisoronana. Izany dia maneho amintsika ny dingana voalohany mba hanaovana fanekempihavanana amin’ Andriamanitra.