Maswali na Majibu

“Wakati mwingine nafikiri wazazi wangu wanazidisha ukosoaji juu yangu. Ninawezaje kuwajibu kwa heshima?”

“Kumwalika Bwana kuwa sehemu ya baraza letu la familia kupitia sala kutaboresha uhusiano wetu na kila mmoja. Tunaweza, kwa usaidizi wa Baba yetu wa Mbinguni na Mwokozi, kuwa na subira zaidi, makini zaidi, wenye msaada zaidi, wenye kusamehe zaidi na wenye kuelewa zaidi wakati tunaposali kwa ajili ya kupata msaada.”

Rais M. Russell Ballard, Kaimu Rais wa akidi ya Mitume Kumi na Wawili, mkutano mkuu wa Apr. 2016 (Ensign au Liahona, Mei 2016, 65).

Tumieni Muda Pamoja

msichana

Wazazi wako wanatoa ushauri na masahihisho kwa sababu wanakupenda na wanataka kukusaidia ili ufanikiwe. Wakati masahihisho hayo yanapoonekana kutokuwa ya haki, pata muda wa kujadiliana uso kwa uso na wazazi wako katika wakati ambapo ninyi wote mmetulia. Unaweza kupata muda wakati ninyi yote mnafanya kitu mnachopenda kukifanya pamoja, kama vile kupika au kufanya mazoezi. Hii inasaidia kumwalika Roho katika maongezi yenu.

Rebekah M., 17, Maryland, Marekani

Kumbuka kuwa Wanakupenda

msichana

Kama utakumbuka kwamba wazazi wako wanakusahihisha na kukushauri kwa sababu wanakupenda, ni rahisi zaidi kukubali masahihisho yao. Kusema sala fupi ya haraka ili kumwomba Roho akusaidie kubaki mwenye heshima na mnyenyekevu kutakusaidia wewe kuwasiliana nao vyema zaidi.

Lauren M., 16, Texas, Marekani

Uaminifu Unaponya

msichana

Maongezi mazuri na ya uaminifu yanaweza kutatua aina zote za migogoro. Kaa chini na wazazi wako na uongee nao. Waambie kile kinachokuumiza na sikiliza kile kinachowahuzunisha au kuwakatisha tamaa. Tumia muda zaidi pamoja nao na palilia upendo na amani katika uhusiano wenu na nyumbani kwenu. Unapokuwa umekasirika, mwombe Baba wa Mbinguni ili autulize moyo wako.

Rafaella P., 17, São Paulo, Brazil

Waambie Kuwa Unawapenda

msichana

Unaweza kujibu kwa heshima, hata kama ni vigumu. Waambie wazazi wako kuwa unawapenda, kwamba unajali kuwahusu wao na kwamba unajua kuwa wanakupenda. Acha wajue kuwa kile wanachosema kinaumiza hali yako ya kihisia, kiroho, na kiakili. Sali kila mara. Baba wa Mbinguni hakika atakusaidia.

Wellie S., 13, Luanda, Angola

Wao Wanaona Uwezekano Wako

msichana

Mungu anategemea yaliyo bora zaidi kwetu na anaweza kuona uwezekano wetu wa kweli. Hii ndio sababu anataka mengi kutoka kwetu. Wazazi wako pia wanaona uwezekano wako na wanataka yaliyo bora kwa ajili yako na kwa wewe kufanikiwa. Wanaweza wasiwe wakamilifu katika kukutia moyo katika maendeleo yako, nawe si mkamilifu katika kuyafikia. Kuwa na maongezi ya uaminifu na upendo na wazazi wako na Roho atakuongoza ili kupata muafaka.

Brooke T., 18, Arizona, Marekani

Kuwa Msikilizaji Mnyenyekevu

Hivi karibuni nimejaribu kuwa msikilizaji mzuri. Ninajaribu kusikiliza kwa utulivu kabisa kile wazazi wangu wanachokuwa wakisema badala ya kubishana au kuwakata kauli. Inahitaji uvumilivu mwingi na unyenyekevu, lakini kufanya hili kunaweza kuimarisha uhusiano wenu na wazazi na kuruhusu uelewa zaidi kwa kila upande.

Kami K., 18, Utah, Marekani

Majibu yanakusudiwa kwa ajili ya msaada na mtazamo, na siyo kama matamko rasmi ya mafundisho ya Kanisa.

Je, Wewe Unafikiria Nini?

“Ninahitaji msaada kupanga shughuli za vijana. Je, kuna mawazo yapi mazuri?”

Tuma jibu lako na picha kabla ya Februari 15, 2023.

Tutumie barua pepe kwenye [e-mail], au nenda ftsoy.ChurchofJesusChrist.org na ubofye “Submit Your Work.” Ingia kwa kutumia Akaunti yako ya Kanisa kisha uchague “Kwa Ajili ya Nguvu kwa Vijana” kwenye sehemu ya “Chagua Gazeti.” Bofya “Ongeza Faili” ili uchague faili na picha zako, kisha ubofye “Wasilisha” ili upakie na utume faili lako.

Majibu yanaweza kuhaririwa kwa ajili ya urefu au ufafanuzi.