11 իրական կարճ պատմություն ավետարանով կիսվելու մասին

Եվ ինչպես դուք նույնպես կարող եք կիսվել:

երիտասարդ կին, աղոթող երեխաներ

Ցույց տվեք, թե ինչպես կարող է ավետարանը օգնել

Մի օր դասի ժամանակ նստած էի ընկերոջս կողքին։ Մենք պատրաստվում էինք քննություն հանձնել, և նա ինձ ասաց, որ իսկապես նյարդայնացած է։ Ես զգացի, որ պետք է սովորեցնեմ նրան, թե ինչպես աղոթել: Հետո երկուսս էլ գլուխներս խոնարհեցինք և լուռ աղոթեցինք, որպեսզի օգնություն ստանանք քննության համար: Ես երախտապարտ եմ, որ աղոթքի շնորհիվ ընկերոջս նյարդերը հանգստացան:

Աբիգաիլ (Ուրուգվայ)

երիտասարդ տղա, երիտասարդները այցելում են տարեց կնոջը

Սպասավորեք կարիքավոր մարդկանց

Մեր ծխում մի տարեց կին կար, որը չէր կարող անձամբ գալ հաղորդության ժողովին՝ առողջական խնդիրների պատճառով: Հայրս և ես եպիսկոպոսին հարցրինք՝ արդյոք կարող ենք հաղորդությունը տանել նրա տուն ամեն շաբաթ: Նրա ամուսինը, որը քիչ ակտիվ էր, նույնպես սկսեց հաղորդություն ընդունել։ Հավաքել Իսրայելը նշանակում է, որ մենք պետք է հրավիրենք ուրիշներին ավելի մոտենալ Հիսուս Քրիստոսին: Սպասավորությունը այդ հավաքման մեջ մեծ դեր ունի:

Շիոն (Յուտա, ԱՄՆ)

երիտասարդ տղաներ, երեխաները խաղում են

Հրավիրեք միջոցառման

Ես հեծանիվ էի քշում եկեղեցու մոտ, երբ տեսա, որ այնտեղ շատ մարդիկ պարում էին: Ես ձայն տվեցի մի երիտասարդի (անունը Կուրաժ էր) և հարցրի, թե ինչ էին նրանք անում: Նա ասաց, որ նրանք մասնակցում են սեմինարիա կոչվող դասերի: Նա ասաց, որ եկեղեցում միջոցառում է լինելու և հարցրեց՝ արդյոք ես կգնամ իր հետ: Իմ ընկեր Կուրաժը իսկապես փոխեց իմ կյանքը՝ օգնելով ինձ իմանալ ավետարանի մասին:

Դեյվիդ (Գանա)

երիտասարդ տղա, երիտասարդները բարձրանում են աստիճաններով

Եղեք օրինակ

Ես շատ բան եմ սովորում՝ հետևելով ավագ եղբորս։ Ես սիրում եմ տեսախաղերը և ֆուտբոլը, և, անկեղծ ասած, ես, հավանաբար, անընդհատ կխաղայի դրանցով, եթե նա չլիներ: Նրան նույնպես դուր են գալիս այդ բաները, և շատ ժամանակ մենք դրանք խաղում ենք միասին, բայց նա միշտ ժամանակ է հատկացնում զարգանալու և կատարելագործվելու համար: Ես երբեք չեմ մոռանա, թե ինչպես էին ինձ հրավիրում թմրանյութեր օգտագործել դպրոցում: Ես անմիջապես մտածեցի եղբորս մասին և գիտեի, թե նա ինչ ընտրություն կկատարեր. քանի որ ես ուզում եմ նմանվել նրան, ես ճիշտ ընտրություն կատարեցի և ասացի՝ ոչ:

Էմիլիո (Թենեսի, ԱՄՆ)

երիտասարդ կին, գրկախառնվող աղջիկներ

Օգնեք ուրիշներին զգալ Քրիստոսի սերը

ԵԶՀ համաժողովի ժամանակ ես ինձ շատ միայնակ էի զգում: Ես աղոթում էի ամեն օր՝ հույս ունենալով զգալ Հիսուս Քրիստոսի Հոգին և սերը: Ելույթներից մեկից հետո մի երիտասարդ կին, որին այնքան էլ լավ չէի ճանաչում, մոտեցավ և գրկեց ինձ: Ես զգացի Քրիստոսի սերը նրա գրկում, կարծես Նա ինձ ասում էր, որ սիրում է ինձ:

Նատալի (Չիլի)

երիտասարդ կին, հեռախոսով աղջիկներ

Հետևեք հուշումներին

Մի օր ես հոգևոր հուշում զգացի, որ պետք է դպրոցի իմ լավագույն ընկերուհուն հրավիրեմ հոգևոր հավաքի: Ես ուզում էի անտեսել հուշումը, բայց, ի վերջո, հավաքի նախորդ օրը ես նրան հաղորդագրություն ուղարկեցի: Հոգևոր հավաքի ժամանակ, երբ նստած էի նրան կողքին, ես նյարդայնանում էի: Բայց երբ ժողովն ավարտվեց, նրա դեմքին լայն ժպիտ կար։ Դա մի հիշեցում էր ինձ համար, որ Աստված ավելի լավ է ճանաչում Իր զավակներին, քան ես, և որ ես միշտ պետք է հետևեմ Հիսուս Քրիստոսի՝ ավետարանով կիսվելու հուշումներին:

Էլիզա (Մինեսոտա, ԱՄՆ)

երիտասարդ տղամարդ, երիտասարդները այգում

Աղոթեք այն մասին, թե ինչ ասել

Ես և քույրս Եկեղեցու միակ անդամներն ենք մեր դպրոցում: Մարդիկ նկատում են, որ մենք տարբերվում ենք մյուսներից, և միշտ հարցեր են տալիս: Սկզբում ես նյարդայնանում էի նրանց հետ խոսելուց, բայց ես աղոթում էի, որ կարողանայի ճիշտ խոսքեր գտնել, իսկ նրանք լսում էին և հարգում իմ ընտրությունը:

Ռուբեն (Նորվեգիա)

երիտասարդ կին, աղջիկը թվային սարքով

Առցանց կիսվեք ավետարանի ճշմարտություններով

Նպատակիս հասնելու համար ես կարդացի Եկ, հետևիր ինձ ձեռնարկը և գտա սուրբ գրությունների հատվածներ և մեջբերումներ՝ սոցիալական ցանցերում կիսվելու համար: Մարդիկ թողեցին մի քանի մեկնաբանություններ, որտեղ ասում էին, որ իրենք զգում են Հոգին իմ հրապարակումների միջոցով: Ավետարանով կիսվելը կարող է օգնել մարդկանց այնպես, ինչպես մենք չենք կարող պատկերացնել տվյալ պահին:

Ռաքել (Բրազիլիա)

երիտասարդ կին, երեխաները դպրոցում

Եղեք ստեղծագործական

Դպրոցի դասերից մեկի ժամանակ մենք մի գիրք էինք կարդում, որը քննադատում էր Եկեղեցին: Ես գիտեի, որ պետք է խոսեի վերականգնված ավետարանի ճշմարտությունների մասին: Այսպիսով, ես բարձրացրի ձեռքս: Ուսուցիչը կանչեց ինձ, բայց ես չգիտեի, թե ինչ ասել: Չգիտես ինչու, ես սկսեցի երգել Հավատո հանգանակի երգերը։ Ի զարմանս ինձ, սենյակում քար լռություն տիրեց։ Դրանից խառնաշփոթը համարյա դադարեց, և իմ ուսուցիչն ու դասընկերները ավելի հարգանքով վերաբերվեցին դասարանային քննարկմանը և ինձ:

Մոնիկ (Մասաչուսեթս, ԱՄՆ)

երիտասարդ կին, ընտանիքը տանը

Լույս եղեք

Երբ ես 15 տարեկան էի, որոշեցի, որ սկսելու եմ եկեղեցի փնտրել հաճախելու համար: Մի քանի օր անց ես դպրոցում ընկերացա մի աղջկա հետ, որը կարծես, լույս էր ճառագում: Մի քանի շաբաթ անց նա ինձ հրավիրեց իր տուն։ Երբ տեղ հասա, նրա ընտանիքը հրավիրեց ինձ միանալ իրենց ընտանեկան երեկոյին: Ես սկսեցի հետաքրքրվել Հիսուս Քրիստոսի Վերջին Օրերի Սրբերի Եկեղեցով, հիմնականում հիմնվելով այն բանի վրա, թե որքան երջանիկ էր իմ ընկերոջ ընտանիքն այդ երեկո:

Մակքայլի (Կոլորադո, ԱՄՆ)

երիտասարդ տղա, երիտասարդ տղամարդիկ խոսում են

Կիսվեք սիրուց մղված

Իմ զարմիկը հորդորեց ինձ հանդիպել միսիոներների հետ․ կարծում եմ, որովհետև նա ուզում էր, որ ես վայելեմ այն օրհնությունները, որոնք նա վայելում էր այդ ժամանակ: Ես զգացի, որ զարմիկս ու իմ ընկերը՝ Ենովքը, սիրում էին ինձ և ուզում էին ինչ-որ լավ բան անել ինձ համար։ Դրա շնորհիվ ես ինձ շատ լավ էի զգում եկեղեցի հաճախելիս:

Էրիկ (Գանա)