Fanontaniana sy valiny

“Mila torohevitra mahakasika ny fandrafetana fiaraha-mientan’ny zatovo aho. Inona avy ireo hevitra tsara ho an’izany?”

“Mifantoha amin’ny zavatra ilain’ny kilasy [na ny kôlejy] misy anao ary manomàna asa fanompoana sy fiaraha-mientana isan-karazany mba hampiraisana sy hampatanjahana ireo olona ao amin’ny kilasy, hanorenana fijoroana ho vavolombelona, hitahiana ny hafa, ary hahazoana fahafinaretana.”

“What Should I Focus On?,” My Calling as a Young Women Class Presidency Member, Gospel Library.

Mifandimbiasa dia miaraha manao drafitra

“Mifandimby mandrafitra fiaraha-mientana izahay isan-kerinandro. Manala ny rarin-tsaina mety hahazo ny olona iray miasa irery izany, ary mahazo hevitra isan-karazany izahay. Manampy ihany koa ny manao fiaraha-mientana izay arahan’ny rehetra harafitra. Tia miara-milalao sy miara-mihomehy ary manompo izahay.”

Adelynne S., 17 taona, Utah, Etazonia

Mitondra ny hafa ho any amin’ny Mpamonjy

“Anontanio an’ireo olona ao amin’ny kilasy na ny kôlejy misy anao ny zavatra mahafinaritra azy ireo. Misafidiana fiaraha-mientana izay mampifanakaiky ny zatovo sy mitondra azy ireo hanatona ny Mpamonjy, dia miaraha fotsiny miala voly! Isan’ireo tena tiako indrindra foana ny fiaraha-mientana hanaovana asa fanompoana. Mahazo namana vaovao foana aho!”

Katie G., 18 taona, Washington, Etazonia

Miezaha mampandray anjara ny tsirairay

“Mahatonga ny hafa hahatsapa ho voaray tsara kokoa ny fiaraha-mientana izay ahafahan’ny rehetra mandray anjara. Tena manampy ny fanontaniana ny fialam-boly na ny zavatra hafa tian’ny vondrona misy anao.”

Lily D., 13, Arizona, Etazonia

Fanontaniana telo

“Matetika ny kilasiko no mandrafitra fiaraha-mientana miainga amina fanontaniana telo: Amin’ny inona isika no tokony hivoatra? Iza no mila ampiantsika? Fotoana hanaovana fiaraha-mientana mila fotoana sy hery kelikely kokoa noho ny fiaraha-mientana hafa ve izao? Sady mieritreritra ireto zavatra ireto, mivavaka, misaintsaina, ary miara-midinika. Afaka manao izany koa ianao!”

Isabella R., 14 taona, Oregon, Etazonia

Tranon-tsary ara-panahy

“Mila gazetibokin’ny Fiangonana maromaro ianao mba hahafahanao manety sary na hafatra ara-panahy izay manentana ny fanahinao. Dia apetraho ao anatina tranon-tsary araka izay fandaminana tianao manokana hanaovana azy ny zavatra nohetezanao. Azonao apetraka amin’ny toerana azonao hijerena izany ilay izy.”

Florence M., 14, Colombie Britanique, Kanadà

Ireo valin-teny dia natao ho fanampiana sy ho fanoroan-kevitra fa tsy fanambarana ôfisialy ny fotopampianaran’ny Fiangonana.

Inona no hevitrao?

“Ahoana no ahafahako mahafantatra fa marina ny zavatra vakiko ao amin’ny Bokin’i Môrmôna?

Alefaso ny valin-teninao sy ny sarinao hatramin’ny 15 febroary 2024.

Andefaso email izahay ao amin’ny [e-mail]. Na mankanesa ao amin’ny ftsoy.ChurchofJesusChrist.org dia tsindrio ny “Submit Your Work.” Midira ao amin’ny alalan’ny kaontinao ao amin’ny Fiangonana ary safidio ny “For the Strength of Youth” eo ambanin’ny “Choose Magazine.” Tsindrio ny “Add File” hisafidianana ny fichier sy ny sarinao, dia tsindrio ny “Submit” hampidirana sy handefasana ny fichier izay anao aty aminay.

Mety hasiam-panamboarana ireo valinteny noho ny halavany sy mba hampazava kokoa izay tiana hambara.