Valiny fohy sy mivantana

Iza no nahita ireo takela-bolamena ankoatra an’i Joseph Smith?

Nahita ireo takela-bolamena i Mary Whitmer

Sary nataon’i Steve Nethercott

Ankoatra an’i Joseph Smith dia nahita ireo takela-bolamena ireto olona 12 ireto:

Ireo vavolombelona telo: I Oliver Cowdery, David Whitmer, ary i Martin Harris. Ny anjely Môrônia dia nampiseho azy ireo ireo takelaka, nijoro ho vavolombelona momba izany, ary nandidy ireo lehilahy telo ireo mba hijoro ho vavolombelona momba izany.¹

Ireo vavolombelona valo: Christian Whitmer, Jacob Whitmer, Peter Whitmer Jr., John Whitmer, Hiram Page, Joseph Smith Sr., Hyrum Smith, ary i Samuel H. Smith. Nasehon’i i Joseph Smith azy ireo ireo takelaka ary navelany nohazonin’izy ireo.²

Mary Whitmer: Nasehon’ny anjely Môrônia azy ireo takelaka ary nampahery azy izy noho ny enta-mavesatra tsy maintsy nentiny tamin’ny fikarakarana zanaka valo sy vahiny telo nandritra ny fotoana nandikana ny Bokin’i Môrmôna tao an-tranony.³

Nahita ny zoron’ireo takelaka i Josiah Stowell. Ary farafahakeliny dia nisy olona efatra hafa nibata ireo takela-bolamena raha mbola tao anaty fitoerany na nifono ireo takelaka: i Lucy Mack Smith, Emma Smith, William Smith, ary i Katharine Smith.⁴

Tsy nisy nandà na oviana na oviana ny zavatra hitany sy niainany ireo olona 17 ireo.

Fanamarihana

1. Jereo ny “Ny Tenivavolombelon’ny Vavolombelona Telo, ” Bokin’i Môrmôna.

2. Jereo ny “Ny Tenivavolombelon’ireo Vavolombelona Valo,” Bokin’i Môrmôna.

3. Jereo ny Olomasina, boky. 1, Ny fanevan’ny fahamarinana, 1815–1846 [2018], 70–71.

4. Jereo ny Sujets de l’histoire de l’Église, “Les témoins du Livre de Mormon,” ChurchofJesusChrist.org/study/ history/topics; jereo koa ny witnessesofthebookofmormon.org/witnesses-of-the-plates.