Go from Paoa blong Hem

Long Gospel blong Mak, yumi ridim stori blong wan woman we i sik blong 12 yia. Wan man i bin talem long hem abaot Jisas. Mekem se, taem Hem i kam tru long taon blong woman ia, hem i sidaon long saed blong rod, i stap wet. Taem Hem i pas, woman ia i pusum han sloslo mo tajem en blong klos blong Hem.

Hem i hil long semtaem. Be i no hem wan nomo i luksave merikel ia; Jisas i luksave tu. “Mo Jisas, kwiktaem i save long Hemwan se paoa i bin aot long Hem, Hem i tanemraon long medel blong ol man ya, mo i se, Huia i bin tajem klos blong Mi?” (Mak 5:30). Klin Fasin i save minim paoa. Jisas semtaem nomo i save se wan man i bin risivim paoa blong Hem. Hem i tanemraon kwiktaem blong faenem woman ia, blong toktok long hem, mo blong rimaenem hem long paoa blong fet blong hem. Hem i singaotem hem “Gel blong Mi.” Tru long Hem, woman ia i bin oraet fulwan.

Mi bin lanem se wan prea blong paoa, neva, se i no gat ansa blong hem. Sapos yumi go long Hem, Hem i “tajem yumi taem yumi stap go” (luk long Hym, namba 129). Wanwan atikol insaed long magasin blong manis ia hem i wan rimaenda blong trutok.

Insaed long Blong Ol Yut Oli Kam Strong: Wan Gaed Buk blong Stap Mekem Ol Joes, Fas Presidensi i tijim se “Sevya… hem i ‘paoa blong ol yut’” ([2022], 2). Sapos yu stap tingting long olsem wanem blong kasem paoa ia. Hem i hop blong mi se bae yu faenem samsamting insaed long ol pej ia we bae i lidim yu blong go from Hem.

Lukluk ol pej ia. Lukaotem ol toktok blong hop, faenem wan skripja blong paoa, raetem daon ol filing long saed blong spirit we i lego wan strong filing long hat blong yu. Tru long Jisas Kraes, yu tu yu save kam oraet fulwan.

Wetem plante lav,

Emily Belle Freeman

Yang Woman Jeneral Presiden