“Man blong Lukaot long Sipsip Hem i stap wetem Yu long ol Vale blong Bigfala Fraet,” Blong Ol Yut Oli Kam Strong, Maj 2024.
Paoa long Taem blong Bigfala Wari mo Fraet
Man blong Lukaot long Sipsip Hem i stap wetem Yu long ol Vale blong Bigfala Fraet
Long ol taem we yumi wari, yumi save lisin long voes blong Man blong lukaot long sipsip.
Hae God I Stap Lukaot Gud long Mi Olsem We Mi Mi Sipsip blong Hem, i kam long Yongsung Kim
Wan long ol japta long skripja we plante man i save long hem i Sam 23. Fetful pipol raon long wol long plante relijin oli gohed blong faenem kamfot long ol ves ia we oli raetem plante yia i pas.
Hae God i stap lukaot gud long mi olsem we mi mi sipsip blong hem; nao mi no save sot long wan samting.
Oltaem hem i stap putum mi mi spel gud long ples we i gat gudfala gras long hem. Hem i stap lidim mi mi go long kwaet ples we wota i stap ron smol long hem.
Hem i stap mekem laef blong mi i niuwan bakegen, mo i stap lidim mi long ol stret rod, from we oltaem hem i stap lukaot gud long yumi.
Nating we mi pas long ples we i tudak olgeta, i ples blong ded, be mi mi no save fraet long wan samting, from we yu yu stap wetem mi. Yu stap blokem gud mi long nalnal blong yu mo long wokingstik blong yu, nao mi mi stap sef.
Yu yu mekem rere wan lafet blong mi long fes blong ol enemi blong mi. Yu mekem welkam long mi olsem we yu mekem long wan haeman we i kam long haos blong yu. Yu fulumap kap blong mi i fulap we i fulap gud.
Mi mi save se oltaem long laef blong mi,bambae yu gat sore long mi,mo bambae yu mekem i gud tumas long mi, mo haos blong yu bambae i hom blong mi olwe nomo.
? Yu yu bin luk sipsip bifo finis? Oli no save stap kwaet mo stat blong mekem bigfala noes o muvmuv plante Plante man i save long olgeta long fasin blong no fraet! Mo hemia wan samting we yumi save lan long hem—Lod i save se wanwan long yumi bae i filim se hem i fraet blong samtaem. !I No gat sem long hemia! Hem i pat blong jalenj blong laef blong bodi we i save ded Long oltaem blong bigfala wari olsem, yu save lisin long voes blong Man blong lukaot long sipsip. Hem i stap traem blong gaedem yumi i go long “ol gudfala gras” blong pis mo sefti. Hemia sam wei we Hem i invaetem yumi blong folem Hem.
-
Pikjawan yang woman we i stap ridim ol skripja
Stadi ol toktok blong Man blong lukaot long sipsip—olsem ol tijing insaed long Niu Testeman, 3 Nifae, o Doktrin mo Ol Kavenan. Taem yumi mekem olsem, yumi fidim gud yumi long saed blong spirit mo kam moa strong blong harem save voes blong Hem long fiuja.
-
Pikjayang man i stap prea
Prea long Papa long Heven long nem blong Jisas Kraes long eni taem blong askem kamfot mo pis long laef blong yu.
-
PikjaMama mo gel oli haggem tufala
Akseptem se help blong Sevya i save kam long plante defdefren wei, hemia i ingkludum ol papa mo mama, ol Jos lida, ol fren, mo iven ol dokta mo ol narafala profesonol risos.
-
Pikjaol yang man long jos
Kam Tugeta wetem ol narawan we oli lavem Sevya, olsem long jos o seminari. Hemia i save konektem yumi wetem wan komuniti we i gat lav blong Ol Sent we oli wok tugeta blong folem Sevya mo winim ol problem we i pulum fraet wetem help blong Hem.
Samtaem blong winim fraet long wan longfala rod, i olsem se yumi stap travel tru long wan ples blong ded, olsem we Sam 23 i talem. Nicolas F., blong Brasil, i save testifae se sapos yu gohed blong muv fored, hiling bae kam. Hem i traehad wetem ol filing blong lus mo fraet blong wan longfala taem.
“Mi prea plante blong askem God blong tekem rabis tingting ia aot long maen blong mi, mi stap askem Hem blong tekem aot ol filing ia,” hem i talem. Hem i go tru ol taem we hem i konfius mo fas i stap long ol mistek we hem i bin mekem.
“Mi traem blong faenem paoa blong God, be Mi no filim hiling blong Hem,” Nicolas i talem. Hem i lukluk long ol skripja from ol ves abaot fasin blong winim fraet mo faenem paoa long ol toktok ia. Hem i kasem sapot long mama blong hem mo ol narawan.
Long en, wan aftenun, hem i filim se hem i kam gud fulwan mo hem i talem tangkyu. Hem i luksave hamas hem i bin mekem kasem taem ia.
“Bifo mi filim olsem mi stap long prisen,” hem i talem. “Be naoia mi filim olsem se mi save winim ol faet. Taem mi lukaotem help long Lod, mi filim hop.”
Weta sisen blong laef ia i olsem san long saed blong hil o sado long wan dak vale, yu gat Gudfala Man blong Lukaot long Sipsip, mo Hem bae wokbaot wetem yu. !Hem i lavem yu! Hem bae i helpem yu go tru long hemia. Stap kolosap long Hem, mo Hem bae i lidim yu i go long pis.