Faenem Paoa blong Hem

7 Wei blong Kasem Paoa blong Jisas Kraes

I kam long Becca Aylworth Wright

Ol Magasin blong Jos

“Jisas Kraes i paoa blong ol yut.” ?Olsem wanem nao hemia i save kam tru long laef blong yu bitim blong stap talem long toktok nomo?

“Jisas Kraes i paoa blong ol yut.” Hemia i moa bitim wan naesfala tingting. Hem i wan trutok we i gat paoa we ol profet mo ol aposol oli bin tijim¹—be sapos nomo we yumi mekem, sapos yumi mekem, Jisas Kraes i stamba blong paoa blong yumi. ?Be olsem wanem nao bae yumi mekem hemia? ?Olsem wanem nao yumi letem Jisas Kraes i helpem yumi blong kam moa strong? Hemia samfala tingting.

baptaes

Ol pikja droing i kam long Toby Newsome

1 Kasem Paoa tru long fasin blong Kipim ol Kavenan blong Yu

“?Wanem nao i stamba ples blong yumi blong kasem paoa long saed blong spirit, mo olsem wanem nao yumi kasem? Stamba hem i God. Wei we yumi save yusum paoa ia hem i tru long ol kavenan we yumi mekem wetem Hem.”

Elda D. Todd Christofferson blong Kworom blong Olgeta Twelef Aposol, Esrael. 2009 jeneral konfrens (Ensign o Liahona, Mei 2009, 20).

gel i stap ridim ol skripja

2 Kasem Paoa tru long fasin blong Stap Ridim Ol Toktok blong Hem

“Toktok blong God … i gat paoa blong protektem ol Sent … blong olgeta oli save winim Setan, holemtaet strong long gud fasin, mo faenem glad long laef ia.”

Presiden Ezra Taft Benson (1899–1994), “The Power of the Word,” Epril. 1986 jeneral konfrens (Ensign, Mei 1986, 80).

ol skripja

“Ol skripja i save mekem sol we i harem nogud i kam kwaet, i givim pis, hop mo i putumbak tras long yuwan abaot paoa blong yu blong save winim ol jalenj blong laef. Olgeta oli gat bigfala paoa blong hilim ol jalenj long saed blong filing taem we i gat fet i stap long Sevya.”

Elda Richard G. Scott (1928–2015) blong Kworom blong Olgeta Twelef, Oktoba. 2011 jeneral konfrens (Ensign, Novemba. 2011, 6).

Ol Ten Komanmen long ol ston

3 Kasem Paoa tru long fasin blong Kipim Ol Komanmen blong Hem

“Sefti blong yumi i stap long fasin blong sakem sin. Paoa blong yumi i kam taem yumi gat fasin blong stap obei long ol komanmen blong God.”

Presiden Gordon B. Hinckley (1910–2008), “The Times in Which We Live,” Oktoba. 2001 jeneral konfrens (Ensign, Novemba. 2001, 74).

“Sapos we ol pikinini blong man oli kipim ol komanmen blong God, Hem bae i fidim olgeta, mo givim paoa long olgeta.”

1 Nifae17:3.

woman i stap tekem sakramen

4 Kasem Paoa tru long fasin blong Sakem Sin Evri dei

“Tru long fet long Atonmen blong Jisas Kraes mo fasin blong sakem sin blong olgeta, [wanwan] man i kasem paoa mo help blong mekem gud wok we olgeta oli no save mekem sapos oli stap dipen long olgetawan nomo blong mekem.”

Baebol Diksonari, “Grace,” Gospel Laebri.

5 Kasem Paoa tru long fasin blong Stap Lukaotem mo Folem Revelesen

?“Wanem bae i hapen taem yu wantem blong stap harem Hem, lisin gud long Hem mo mekem folem wanem Sevya i bin talem, mo wanem Hem i stap talem naoia tru long ol profet blong Hem? Mi promesem yufala se bae yufala i gat blesing blong kasem moa paoa blong fesem ol temtesen, ol hadtaem, mo ol samting we yufala i no strong long hem. … Mo mi promes se paoa blong yu blong filim glad, bae i kam antap moa iven sapos ol trabol oli kam fulap long laef blong yu.”

Presiden Russell M. Nelson, “Lisin Gud long Hem,” Epril 2020 jeneral konfrens (Ensign o Liahona, Mei 2020, 90).

yang man i stap prea

6 Kasem Paoa tru long fasin blong Prea

“Paoa blong yumi long saed blong spirit i kam strong tru long prea. Taem yumi kaonsel wetem God long evri samting we yumi stap mekem, Hem bae i daerektem yumi blong mekem gud samting.”

Presiden Russell M. Nelson, Oktoba 1984 jeneral konfrens (Ensign, Novemba. 1984, 31).

yut long fored blong tempol

7 Kasem Paoa tru long fasin blong Givim Seves long Tempol

“Plis mekem taem blong Lod long tabu haos blong Hem. I no gat wan samting we bae i mekem fandesen blong yu long saed blong spirit i kam strong moa, be tru long tempol seves mo tempol wosip nomo.”

Presiden Russell M. Nelson, “Putum Taem blong Lod,” Oktoba 2021 jeneral konfrens (Liahona, Novemba 2021, 121).

yang woman

“Mi rili laekem we yumi save aksesem paoa blong Jisas Kraes, be yumi mas lukaotem mo wok folem fet.”

Grace T., 15, YSA

Not

1. Luk Blong Ol Yut Oli Kam Strong: Wan Gaed blong Stap Mekem Ol Joes (2022), 2.