Paoa we i kam long Ol Skripja

12 Skripja blong Taem we Yu Filim …

I kam long Kyla Kaye Hill

Ol Magasin blong Jos

Ol skripja oli fulap long insperesen, nomata olsem wanem we yu filim.

Ol pikja droing i kam long Toby Newsome

Sam yia i pas, Elisabet A., 17, blong Arizona, YSA, i stat blong wari bigwan, mo i stap kam nogud. “Mi filim blong ful dei, evri dei,” hem i talem. “Hem i had long mi blong go tru long dei.”

Blong fanem kamfot, Elisabet i disaed blong ridim ol skripja evri naet. Taem i pas mo hem i stat blong filim se hem i moa hapi.

“Mi save se mi no stap miwan,” hem i talem. “Mi save se God i lavem mi mo i sendem Pikinini blong Hem, Jisas Kraes, we i filim soa long bodi blong yumi, hat i sore, lusum hop mo harem nogud. Tru long ol skripja, mi gat wan strong rilesensip wetem Kraes mo gat wan gud lukluk mo hop long fiuja!”

Elisabet i lanem se ol skripja oli fulap long ol ves mo ol stori abaot olsem wanem hop, pis, mo paoa i kam long Jisas Kraes. Plante long ol fevret skripja hiro blong yumi oli fesem ol situesen wetem jalenj. Mo long evri situesen, oli faenem hop, pis, mo paoa taem oli tanem olgeta i go long Jisas Kraes

Ridim ol skripja bae i no fiksim wanem we yu stap go tru long hem, be ol trutok we oli tijim insaed long ol skripja i save givim yu paoa mo help. Hemia samfala skripja we yu save ridim sapos yu nidim wan insperesen blong yuwan o wan fren. ?Yu yu save faenem sam blong yuwan?

Taem yu …

Harem nogud Doktrin mo Ol Kavenan 68:6

Yufala i stap glad, mo yufala i no fraet, from we mi Lod, mi stap wetem yufala, mo bae mi stanap wetem yufala.

Filim se yu no inaf: Luk 12:6–7

Yufala i luk. Ol hea blong hed blong yufala, be hem i kaontem evriwan From samting ya, yufala i no fraet. Long fes blong hem, yufala i gud moa, i winim plante smolfala pijin ya.

Sem: Aesea 54:8

Be mi mi gat sore long yufala, mo bambae mi lavem yufala olwe gogo i no save finis.

No hapi: Alma 26:27

“Stanap strong wetem fasin blong save wet long taem long ol hadtaem blong yufala, mo bae mi givim sakses long yufala.

Lusum Hop: Moronae7:41

Yufala i gat hop tru long atonmen blong Kraes mo paoa blong laef bakegen long ded blong Hem.

No strong: Ita 12:27

Sapos oli putum tingting blong olgeta i stap daon long fored blong mi, mo gat fet long mi, nao ol samting ia we oli no strong long olgeta, bae mi mekem olgeta oli winim mo kam strong long olgeta.

Wari: Doktrin mo Ol Kavenan 84:88

Mi bambae mi stap long raet han blong yufala, mo long lef blong yufala, mo Spirit blong mi bambae i stap insaed long hat blong yufala, mo ol enjel blong mi oli stap raonem yufala, blong sapotem yufala

Soa long bodi: Ol Sam 30:2

Hae God, yu yu God blong mi. Mi mi krae long yu blong yu givhan long mi, nao yu yu mekem bodi blong mi i gud bakegen.

Fraet: Joshua 1:9

Tingting blong yufala i mas strong mo yu mas stanap strong oltaem. Yu yu no mas fraet, mo tingting blong yu i no mas foldaon, from we mi bambae mi stap wetem yu long weples bambae yu yu go long hem.

Stap yuwan: Jon 14:18

Mi no save lego yufala i stap nomo olsem. Bambae mi mi save kambak bakegen long yufala.

Kros: Moronae 7:48

Prea long Papa wetem evri paoa blong hat, blong yu save fulap wetem lav ia

No save wet longtaem from samting: Doktrin mo Ol Kavenan 100:15

From hemia, leftemap tingting blong hat blong yutufala; from we evri samting bae oli wok tugeta blong gud blong olgeta we oli wokbaot long stret laef