“Aksesem Paoa blong Hem—Naoia mo Oltaem,” Blong Ol Yut Oli Kam Strong, Maj 2024.
Paoa blong Oltaem
Aksesem Paoa blong Hem—Naoia mo Oltaem
Yu yu klin inaf from paoa mo help blong Jisas Kraes.
Pikja droing i kam long Alex Nabaum
Pikjarem long maen se yu stap wokbaot long bus mo pasem wan yang boe we i foldaon antap long tri mo fas i stap long ol branj blong tri we i trae. Wan long ol branj ia i hevi tumas blong hem i leftemap hemwan.
?Bae yu yu help? ?O yu sidaon fastaem mo tingting sapos hem i nidim yu blong helpem hem?
Yes yu helpem hem! Tingting ia blong no helpem hem kasem taem boe ia i wok from ating bae i no wan gudfala tingting nomo long yu. Be yumi tingting semmak olsem nao abaot yumiwan—be long situesen ia, yumi nao pikinini ia we i stap long nid.
Yu Yu Impoten Blong Man I Sevem Yu
Nomata long ej blong yu, yu yu wan pikinini long ae blong Papa long Heven mo Jisas Kraes. (I tru, yu wan pikinini blong Papa long Heven.) Mo paoa blong yu long saed blong—bodi blong mit mo bun, filing, long saed blong spirit, o long saed blong tingting—oli no komperem wetem blong Olgeta. Plante long yumi i andastanem gud hemia. Be taem yumi foldaon from wanem kaen risen, plante taem yumi filim se yumi no save kasem help kasem taem yumi wok from blong kasem. Hemia i no tru.
Presiden Dieter F. Uchtdorf, bifo olsem Seken Kaonsela long Fas Presidensi i bin tokbaot parabol blong sipsip we i lus long Luk 15.
?Bae sipsip i nidim blong save hao blong yusum hadwok tul blong kalkuletem ples we wan i stap long hem?” hem i askem. ?“I nid blong save yusum wan GPS blong faenem ples we hem i stap long hem? ?I nid blong hem i gat save blong krietem wan ap we bae i singaot from help? ?Sipsip ia i nidim blong wan pablik sponsa i apruvum hem fastaem blong Gudfala Man blong Lukaot long Sipsip i kam blong sevem hem?
“No. !Yes, i no gat nomo! Ol sipsip oli klin inaf from tabu givhan we Gudfala Man blong Lukaot long Sipsip i lavem olgeta.
“Long mi, parabol blong sipsip we i lus i wan stori long evri skripja we i gat moa hop long hem.”1
Wanwan long yumi i save lus from plante defdefren kaen risen. Mo wanwan long yumi, tabu help i stap lukaotem yumi finis.
Help i Stap Oltaem
I gat help i stap blong yumi, i no long taem nomo we yumi sin, be tu taem yumi stap laef long bes we yumi save mekem. Elda David A. Bednar blong Kworom blong Olgeta Twelef Aposol i bin tijim:
“Mi stap tingting sapos yumi no talem tangkyu fulwan from paoa blong Atonmen long laef blong yumi mo mistek blong biliv we yumi mas karem ol hevi samting blong yumi yumiwan nomo —tru long strong tingting long hadtaem, paoa blong wok folem paoa blong wantem mekem, mo disiplin mo wetem klia limit blong ol skil.
“Hem i wan samting blong save se Jisas Kraes i kam long wol ia blong ded from yumi. Yumi tu i nidim blong talem tangkyu se Lod i wantem, tru long Atonmen blong Hem, mo tru long paoa blong Tabu Spirit, blong mekem i moa intresting long yumi— i no blong stap lidim yumi nomo, be tu blong givim paoa long mo hilim yumi.”2
!Yu yu klin inaf blong kasem help blong Hem! Nomata rod we yu wokbaot long hem i no long taem i pas, Jisas Kraes i stanap redi blong wokbaot wetem yu i go.