Dolele ki na Nona Kaukauwa

Ena Kosipeli i Marika, eda wilika kina me baleta e dua na marama a sega tu ni bula vinaka ena loma ni 12 na yabaki. E dua a tukuna vua me baleti Jisu. Ia, ni sa yaco yani o Jisu ki na nona tauni, a dabe o koya e bati ni gaunisala, ka wawa toka. Ni lako siviti koya o Jisu, a dodoliga yani vakamalua me tara na bele ni Nona icurucuru balavu.

A vakabulai sara o koya ena gauna ga o ya. Ia a sega ni o koya duadua ga a raica rawa na cakamana oqori; A kila talega o Jisu. “A sa kila sara ko Jisu e lomana ni sa lako tani vua na kaukauwa, a sa vuki ena maliwa ni lewevuqa, ka kaya, O cei sa tara na noqu isulu?” (Marika 5:30). Na ivalavala dodonu e rawa talega ni kena ibalebale na kaukauwa. Sa kila sara ga o Jisu ni dua sa rawata na kaukauwa mai Vua. Na ka a cakava ena gauna vata oya me kunei koya, me veivosaki kei koya, ka vakananuma vua na kaukauwa ni vakabauta. A vakatokai koya me “luvena yalewa.” Ena Vukuna, a vakataucokotaki o koya.

Au sa vulica ni dua na masu ni veivakaukauwataki ena sega sara ni tawa saumi mai. Kevaka eda dodoliga yani Vua, ena “yacov[i] [keda] sara” o Koya (raica na Serenilotu, naba 71). Na itukutuku yadua ena mekasini ni vula oqo sa ivakananumi ni dina oya.

Ena Me iSakisaki ni iTabagone: E Dua na iDusidusi ni Digidigi, e ratou vakavulica kina na Mataveiliutaki Taumada ni “iVakabula … sa ikoya na ‘kaukauwa ni itabagone’” ([2022], 2). O na vakataroga beka na sala mo rawata kina na kaukauwa oqori. Sa noqu inuinui ni ko na kunea e dua na ka ena loma ni veitabana oqo ka na muataki iko mo yacovi Koya.

Vakasaqara na veitabana oqo Vakaraica na vosa ni inuinui, vakaraica e dua na ivolanikalou ni kaukauwa, vola na veivakauqeti ka sa biuta e yalomu e dua na veivakauqeti. Ena vukui Jisu Karisito, o na vakataucokotaki talega kina.

iVakatakilakila

Emily Belle Freeman

Ena loloma levu,

Emily Belle Freeman

Peresitedi Raraba ni Goneyalewa