Kunea Nona Kaukauwa

7 Na Sala me Rawati kina na Kaukauwa i Jisu Karisito

Mai vei Becca Aylworth Wright

Mekasini ni Lotu

“O Jisu Karisito e isakisaki ni itabagone.” E rawa vakacava ni yaco oqo me ka dina vei iko ka sega ni malanivosa walega?

“O Jisu Karisito e isakisaki ni itabagone.” Oqo e levu cake mai na dua na vakasama vinaka. E sa dua na dina kaukauwa era vakavulica na parofita kei na iapositolo¹—ia kevaka walega meda vakayagataka, kevaka meda cakava me noda ivurevure ni kaukauwa o Jisu Karisito. Ia meda cakava beka vakacava oya? Eda na vakatara vakacava me vukei keda o Jisu Karisito meda kaukauwa cake? Oqo eso na kena vakasama.

Droini mai vei Toby Newsome

1 Ciqoma na Kaukauwa mai na Maroroi ni Nomu Veiyalayalati

“Na cava na ivurevure ni kaukauwa vaka bula savasava ka vakayalo, ka da na rawata beka vakacava? Na ivurevure sa ikoya na Kalou. Na noda rawa ni yacova na kaukauwa oqori sa ikoya na noda veiyalayalati kei Koya.”

Elder D. Todd Christofferson ena Kuoramu ni iApositolo Le Tinikarua, Epe. 2009 koniferedi raraba (Ensign se Liaona, Me 2009, 20).

2 Ciqoma na Kaukauwa mai na Wiliki ni Nona Vosa

“Na vosa ni Kalou … sa tu vua na kaukauwa me vakataudeitaki ira na Yalododonu … me rawa ni ra vorata na ca, tautauri matua ga ena vinaka, ka kune marau ena bula oqo.”

Peresitedi Ezra Taft Benson (1899–1994), “The Power of the Word,” koniferedi raraba ni Epe. 1986 (Ensign, Me 1986, 80).

Na ivolanikalou e rawa ni vakamaravutaka e dua na yalo veilecayaki, ka vakaceguya, soli inuinui, ka vakalesuya mai na yalodei vua e dua ena nona sasaga me vorata na veibolebole ni bula. E tu kina na kaukauwa levu me veivakabulai ni bolei na lomada ena noda vakabauta tiko na iVakabula.”

Elder Richard G. Scott (1928–2015) ena Kuoramu ni iApositolo Le Tinikarua, Koniferedi raraba ni Oko. 2011 (Ensign, Nov. 2011, 6).

3 Ciqoma na Kaukauwa mai na Muri ni Nona iVakaro

“Na noda taqomaki sa koto ena veivutuni. Na noda kaukauwa sa lako mai na talairawarawa ki na ivunau ni Kalou.”

Peresitedi Gordon B. Hinckley (1910–2008), “The Times in Which We Live,” koniferedi raraba Okot. 2001 (Ensign, Nove. 2001, 74).

“Kevaka era sa muria na ivakaro ni Kalou ko ira na luve ni tamata, ena karoni ira ka vakaukauwataki ira ko koya.”

1 Nifai 17:3.

4 Ciqoma na Kaukauwa mai na Veivutuni e Veisiga

“Ena vakabauta na veisorovaki i Jisu Karisito kei na veivutunitaki ni ivalavala ca, [na tamata yadua] era ciqoma na kaukauwa kei na veivuke mera cakava na vei cakacaka vinaka ka ra sega beka ni rawa ni rawata kevaka era a cakava ena nodra dui sala ga.”

iDusidusi ki na iVola Tabu, “Loloma Soliwale,” Valenivola Vakosipeli.

5 Ciqoma na Kaukauwa mai na Vakasaqarai kei na Muri ni iVakatakila

“Na cava beka ena yaco ni ko vakatudaliga, rogoca, ka muria na ka sa kaya na iVakabula kei na ka e tukuna o Koya ena gauna oqo mai vei ira na Nona parofita? Au yalataka ni ko na vakalougatataki ena ikuri ni kaukauwa mo sabaya kina na veitemaki, veika dredre, kei na malumalumu. … Kau sa yalataka ni nomu gugumatua mo vakila na reki ena vakalevutaki ke yaco mada ga na veika voravora ki na nomu bula .”

Peresitedi Russell M. Nelson, “Mo Rogoci Koya,” koniferedi raraba ni Epe. 2020 (Ensign se Liaona, Me 2020, 90).

6 Ciqoma na Kaukauwa mai na Masu

“Ena vaqaqacotaki na noda laini ni kaukauwa vakayalo ena masu. Ni da veivakasalataki vata kei na Kalou ena veika kece eda cakava, ena dusimaki keda vakadodonu o Koya ki na vinaka.”

Peresitedi Russell M. Nelson, Koniferedi raraba ni Oko.1984 (Ensign, Nove. 1984, 31).

7 Ciqoma na Kaukauwa mai na Veiqaravi ni Valetabu

“Yalovinaka vakarautaka na gauna vua na Turaga ena Nona vale savasava. E sega na ka ena vaqaqacotaka na nomu yavu vakayalo me vaka na veiqaravi ena valetabu kei na sokalou ena valetabu.”

Peresitedi Russell M. Nelson, “Vakarautaka na Gauna vua na iVakabula,” Koniferedi raraba ni Oko.2021 (Liaona, Nove. 2021, 121).

“Au taleitaka dina sara na sala eda rawa ni vaqaqacotaki kina mai vei Jisu Karisito, ia e dodonu meda vakasaqara ka cakacaka ena vakabauta.”

Grace T., 15, Amerika

Me kilai

1. Raica na Me iSakisaki ni iTabagone: iDusidusi ni Vakayaco Digidigi (2022), 2.