Ուժ՝ պատրաստվելու և դառնալու համար

Հաջողեք Փրկչի հետ

Դեյվիդ Ա. Էդվարդս

Եկեղեցու ամսագրեր

Փրկիչն օգնում է ձեզ իրականացնել ձեր արդար ցանկությունները ձեր ապագայի համար։

Հիսուս Քրիստոսը գրկում է աղջնակին

«Պատրաստվեք ձեր ապագային»։ Այս ուղերձը կարծես երիտասարդների կյանքում շատ բաների հիմքում է ընկած՝ դպրոցում, եկեղեցում, աշխատավայրում, տանը։ Գուցե սկսեք մտածել՝ «Այո, այո։ Հասկանում եմ»։ Իհարկե, դուք գիտեք, որ ապագան գալիս է, և դուք պետք է պատրաստվեք դրան։ Եվ հոգու խորքում դուք ցանկանում եք ձեր ապագան հիանալի դարձնել։

Դուք սկսում եք հասկանալ ձեր սրտում եղածը։ Սովորում եք, թե ինչ եք իրականում ուզում։ Դուք ցանկանում եք լավ և իմաստալից բաներ անել ձեր կյանքում՝ ձեր հետքը թողնել աշխարհում և այլ մարդկանց կյանքում, ծառայել Աստծուն և ձեր մերձավորներին։ Սկսում եք հասկանալ, որ դա ճիշտ է և ձեզ իսկապես երջանիկ կդարձնի։

Այսպիսով, ահա մի քանի այլ կարևոր բաներ, որոնք պետք է իմանաք, մինչ մեծանում և պատրաստվում եք ապագային.

• Տերը ևս գիտի ձեր սրտում եղածը (տես Վարդապետություն և Ուխտեր 6․16)։ Քանի որ ձեր կյանքի հանդեպ ձեր խորը և անկեղծ ցանկությունները բարի են և արդար, Հիսուս Քրիստոսը ձեզ հետ է, որպեսզի զորացնի ձեզ, մինչ պատրաստվում եք։

• Դուք պարզապես չէք պատրաստվում անել բաներ․ դուք դառնում եք այն, ինչ Երկնային Հայրը և Փրկիչը գիտեն, որ կարող եք դառնալ։

• Դուք կարող եք վայելել ներկան՝ միաժամանակ պատրաստվելով ապագային։ Ձեր կյանքում այս ժամանակը եզակի է, և ձեր կատարած լավ ընտրությունները նախապատրաստում են ձեզ լավ ապագայի համար։

Երբ մտածում եք, թե ինչի համար եք պատրաստվում, մտածեք նաև այն մասին, թե ինչպես է Փրկիչը զորացնում ձեզ ամբողջ ճանապարհին։ Եվ մտածեք, թե Նրա օգնությամբ ով կաող եք դառնալ։

Ինչի՞ համար եք պատրաստվում

Ահա մի քանի օրինակ․

• Ավելի շատ կրթություն

• Տաճարային ուխտեր

• Միսիա

• Ամուսնություն

• Աշխատանք և կարիերա

• Ընտանիք և երեխաներ

• Հարատև աշակերտություն

Երկնային Հայրը և Հիսուս Քրիստոսն ինչպե՞ս են զորացնում ձեզ, մինչ դուք պատրաստվում եք

Ահա մի քանի օրինակ․

1. Նրանք ուղարկում են ձեզ Սուրբ Հոգին, որ կարող է․

   1. Մխիթարել ձեզ։

   2. Առաջնորդել ձեզ։

   3. Ոգեշնչել ձեզ։

   4. Հիշեցնել ձեզ բաներ, որոնք սովորել եք։

   5. Վստահություն ներշնչել ձեզ։

   6. Ձեզ խաղաղություն բերել։

   7. Ցրել ձեր վախերը։

2. Նրանք ոգեշնչում են մարգարեներին ուսուցանել ձեզ հետևյալ միջոցներով․

   1. Գերագույն համաժողով։

   2. Եկեղեցու ամսագրեր։

   3. Հատուկ հեռարձակումներ։

   4. Եկեղեցու կայքեր և սոցիալական լրատվամիջոցներ։

   5. Երիտասարդներին զորացնելու համար. ընտրություն կատարելու ուղեցույց։

3. Նրանք ոգեշնչում են ուրիշներին օգնել և աջակցել ձեզ, ներառյալ․

   1. Ծնողներ:

   2. Ընկերներ։

   3. Ղեկավարներ։

   4. Ուսուցիչներ։

Ո՞վ է Հիսուս Քրիստոսը օգնում ձեզ դառնալ

Հիսուս Քրիստոսն օգնում է ձեզ ավելի շատ նմանվել Իրեն՝ ավելի նմանվելով ձեր Երկնային Հորը։

Նրանք ուրախանում են ձեր կատարած յուրաքանչյուր փոքրիկ քայլով. յուրաքանչյուր սուրբ գրություն կարդալու, Եկեղեցու յուրաքանչյուր հանձնարարություն կատարելու, դպրոցական յուրաքանչյուր հանձնարարության վրա քրտնաջան աշխատելու, սովորած յուրաքանչյուր քննաթերթիկի, ձեր մասնակցած յուրաքանչյուր փորձառության, արտասանած յուրաքանչյուր բարի խոսի, ձեր կատարած յուրաքանչյուր ծառայության համար, և շատ ավելին։

Փրկչի զորությամբ դուք ավելի լավ պատրաստված կլինեք ձեր ապագայի համար, քան երբևէ կարող էիք՝ առանց Նրա։ Եվ դուք կդառնաք հրաշալի մեկը։

Նախապատրաստվելը Երիտասարդներին զորացնելու համար. Ընտրություն կատարելու ուղեցույց-ի նպատակներից մեկն է։ Այն կարդալը «կօգնի ձեզ պատրաստվել սուրբ ուխտեր կապել տաճարում, պատրաստվել ծառայելու միսիայում և ուրախություն գտնել՝ հետևելով Հիսուս Քրիստոսին ձեր ողջ կյանքում»։ Ապա դուք կարող եք «զորություն ստանալ Նրանից իրագործելու Նրա նպատակները ձեզ համար» ([2022], 2)։

Հիսուս Քրիստոսի ավետարանը․ Ծրագիր դառնալու ․․․

«Պատվիրանները, ավետարանի արարողություններն ու ուխտերը այն ներդրումների ցուցակը չեն, որոնք պետք է մուտքագրենք երկնային հաշվեհամարին։ Հիսուս Քրիստոսի ավետարանը ծրագիր է, որը ցույց է տալիս, թե ինչպես դառնանք այն, ինչ ցանկանում է մեր Երկնային Հայրը, որ դառնանք»:

Նախագահ Դալլին Հ․ Օուքս, Առաջին Նախագահության առաջին խորհրդական, 2000 թ․ հոկտեմբերի գերագույն համաժողով (Լիահոնա, նոյեմբեր 2000, 32)։

Շարունակում ենք պատրաստվել

«Ապագան փառավոր կլինի նրանց համար, ովքեր պատրաստ են և ովքեր շարունակում են պատրաստվել, որպեսզի գործիքներ դառնան Տիրոջ ձեռքում»։

Նախագահ Ռասսել Մ․ Նելսոն, «Հավատքով ընդունել ապագան», 2020 թ․ հոկտեմբերի գերագույն համաժողովի ելույթից (Լիահոնա, նոյ. 2020, 75-76)։

երիտասարդ կին

«Ես երիտասարդ աղջիկների ծրագրին մի որոշ ժամանակ լուրջ չէի վերաբերվում դեռահաս ժամանակ։ Բայց մի օր տեսա մայրիկիս (ով Երիտասարդ աղջիկների ղեկավար էր) երիտասարդների ծրագրի նախագծերի վրա աշխատելիս։ Հիշում եմ, որ նրա օրինակով այնքան ոգեշնչված էի հոգևորապես առաջադիմելու համար, ուստի ես փորձեցի փոխել իմ վերաբերմունքը։

Ես սկսեցի իսկապես ուսումնասիրել, թե ինչ նշանակություն ուներ Հիսուս Քրիստոսի ավետարանն իմ կյանքում։ Տարիների ընթացքում ես վկայություն ստացա, որ Հիսուս Քրիստոսի ավետարանը ճշմարիտ է։ Նույնիսկ կյանքի դժվարին պահերին, երբ ես կողմնորոշվում էի իմ կյանքում պատանեկությունից հետո, մինչ ես շարունակեցի կառչել այն բաներից, որոնք գիտեի, որ ճշմարիտ են որպես երիտասարդ աղջիկ, ես այնքան հոգևոր փորձառություններ ունեցա, որոնք իմ վկայությունը դարձրեցին այն, ինչ կա այսօր»։

Սունդայ Ի․, Միսամիս Օրիենթալ (Ֆիլիպիններ)