“Maandiko 12 kwa ajili ya Wakati Unapohisi …,” Kwa Ajili ya Nguvu Kwa Vijana, Machi 2024, ukurasa–ukurasa.
Nguvu kutoka kwenye Maandiko
Maandiko 12 Kwa ajili ya Wakati Unapohisi …
Maandiko yamejaa miongozo, bila kujali jinsi tunavyohisi.
Vielelezo na Toby Newsome
Miaka kadhaa iliyopita, Elisabeth A., 17, kutoka Arizona, Marekani, alianza kuwa na wasiwasi, na hali ilizidi kuwa mbaya. “Nilihisi hivyo siku nzima, kila siku,” alisema. “Ilikuwa ngumu kwangu kumaliza siku.”
Ili kupata faraja, Elisabeth aliamua kusoma maandiko kila usiku. Baada ya muda, alianza kuhisi furaha zaidi.
“Nilijua sikuwa peke yangu,” alisema. “Nilijua kwamba Mungu alinipenda na alimtuma Mwanawe, Yesu Kristo, ambaye alihisi maumivu yetu, maumivu ya moyo, huzuni na kukata tamaa. Kupitia maandiko, nina uhusiano wenye nguvu pamoja na Kristo na mtazamo mzuri kama huo juu ya maisha!”
Elisabeth alijifunza kwamba maandiko yamejaa mistari na hadithi kuhusu jinsi gani tumaini, amani na nguvu zinavyopatikana katika Yesu Kristo. Wengi wa mashujaa wetu wa maandiko tunaowapenda walikabiliwa na hali ngumu. Na katika kila hali, walipata tumaini, amani na nguvu walipomgeukia Yesu Kristo.
Kusoma maandiko kunaweza kusitatue yale unayopitia, lakini kweli zinazofundishwa katika maandiko zinaweza kukupa nguvu na ahueni. Hapa kuna maandiko machache unayoweza kutafuta ikiwa unahitaji wazo la kutia moyo kwako au rafiki. Je, unaweza kupata maandiko yako mwenyewe?
Kwa ajili ya wakati unapohisi …
Huzuni: Mafundisho na Maagano 68:6
Kwa hiyo, changamkeni, na msiogope, kwani Mimi Bwana nipo pamoja nanyi, na nitasimama karibu yenu.
Kutotosheleza: Luka 12:6–7
Lakini hata nywele za vichwa vyenu zimehesabiwa zote. Msiogope basi; bora ninyi kuliko mashomoro wengi.
Aibu: Isaya 54:8
Kwa fadhili za milele nitakurehemu.
Enye huzuni: Alma 26:27
Mvumilie mateso yenu kwa subira na nitawapatia mafanikio.
Bila Tumaini: Moroni 7:41
Mtakuwa na tumaini kupitia upatanisho wa Kristo na nguvu ya ufufuko wake.
Dhaifu: Etheri 12:27
Ikiwa wakijinyenyekeza mbele yangu, na kuwa na imani ndani yangu, ndipo nitafanya vitu dhaifu kuwa vya nguvu kwao.
Wasiwasi: Mafundisho na Maagano 84:88
Nitakuwa mkono wenu wa kuume na wa kushoto, na Roho wangu atakuwa mioyoni mwenu, na malaika zangu watawazingira, ili kuwabeba juu.
Kuumizwa: Zaburi 30:2
Ee Bwana, Mungu wangu, nilikulilia, nawe umeniponya.
Kuogopa: Yoshua 1:9
Uwe hodari na moyo wa ushujaa … kwani Bwana Mungu wako yu pamoja nawe kila uendako.
Mpweke: Yohana 14:18
Sitawaacha ninyi yatima: Naja kwenu.
Hasira: Moroni 7:48
Ombeni kwa Baba kwa nguvu zote za moyo, kwamba mjazwe na upendo huu.
Bila Uvumilivu: Mafundisho na Maagano 100:15
Kwa hiyo, mioyo yenu na ifarijike; kwani mambo yote yatafanya kazi kwa pamoja kwa manufaa yao wale watembeao wima.