Շաբաթ ցերեկային նիստ
Եղեք մեկ Քրիստոսի հետ
Հատվածներ
Եկեք Հիսուսի մոտ, Քեյսի Չայլդս
Միասնությունը Քրիստոսի և մեր Երկնային Հոր հետ կարելի է ձեռք բերել Փրկչի Քավության միջոցով։ …
Թեև մկրտության պահանջները խորն են, սակայն զարմանալիորեն պարզ են: Դրանք հիմնականում ներառում են՝ խոնարհություն Աստծո առջև, կոտրված սիրտ և փշրված հոգի, ապաշխարել բոլոր մեղքերից, Հիսուս Քրիստոսի անունը մեզ վրա վերցնել, համբերել մինչև վերջ և մեր գործերով ցույց տալ, որ մենք ստացել ենք Քրիստոսի Հոգուց։
Հատկանշական է, որ մկրտության բոլոր որակավորումները հոգևոր են։ … Աղքատներն ու հարուստները նույն հոգևոր պահանջներն ունեն։
Ռասայական, սեռային կամ ազգային պատկանելության պահանջներ չկան։ …
Նկատի ունենալով մեր «նմանությունը» Աստծո առաջ՝ իմաստ չունի ընդգծել մեր տարբերությունները։ …
… Փրկչի Քավության օրհնությունները ստանալու համար մենք պետք է հաստատապես գործադրենք մեր բարոյական կամքի ազատությունը՝ ընտրելու Քրիստոսին և հնազանդվելու Նրա պատվիրաններին։ …
Ամենակարևոր ընտրություններ կարող են կատարել գրեթե բոլորը՝ անկախ տաղանդներից, կարողություններից, հնարավորություններից կամ տնտեսական հանգամանքներից: …
Երբ մենք բախվում ենք կյանքի շրջադարձերին, շատ իրադարձություններ են տեղի ունենում, որոնք մենք քիչ կամ ընդհանրապես չենք վերահսկում: … Ամենակարևոր ընտրությունների համար մենք ունենք վերահսկողություն: …
Սկզբունքների, վարքագծի, կրոնական արարողությունների և արդար ապրելու հարցերում մենք ենք պատասխանատու: Մեր հավատքն ու երկրպագությունը Հայր Աստծուն և Նրա Որդի Հիսուս Քրիստոսին ընտրություն է, որը մենք ենք կատարում: …
Մենք պետք է ձգտենք ուրիշներին ներառել մեր միասնության շրջանակում: …
Մենք միավորվում ենք Հիսուս Քրիստոսի հանդեպ մեր սիրով ու հավատքով, նաև որպես սիրող Երկնային Հոր զավակներ: Իսկական պատկանելության էությունը Քրիստոսի հետ մեկ լինելն է: