Կիրակի առավոտյան նիստ
Քրիստոսի վարդապետության հզոր և առաքինի շրջապտույտը
Հատվածներ
Հոգևոր լիցքը ստեղծվում է «կյանքի ընթացքում, երբ մենք կրկնողաբար ընդունում ենք Քրիստոսի վարդապետությունը»: Այդպես վարվելը, ուսուցանել է Նախագահ Ռասսել Մ. Նելսոնը, առաջացնում է «հզոր առաքինի շրջապտույտ» [Հաղթել աշխարհին և հանգստություն գտնել», Լիահոնա, նոյեմբեր 2022, 97)։ Իսկապես, Քրիստոսի վարդապետության տարրերը, ինչպիսիք են` հավատքը առ Տեր Հիսուս Քրիստոս, ապաշխարությունը, Տիրոջ հետ ուխտի հարաբերության մեջ մտնելը մկրտության միջոցով, Սուրբ Հոգու պարգևը ստանալը և համբերելը մինչև վերջ, նախատեսված չեն կիրառելու որպես մեկանգամյա, ստուգանիշով իրադարձություններ: …
Հիսուս Քրիստոսի հանդեպ մեր հավատքը պետք է ամեն օր սնուցում ստանա: Այն սնուցվում է, երբ մենք ամեն օր աղոթում ենք, ուսումնասիրում ենք սուրբ գրությունները, մտածում ենք Աստծո բարության մասին, ապաշխարում ենք և հետևում ենք Սուրբ Հոգու հուշումներին: …
… Լիցքը նմանապես կառուցվում է, երբ մենք ձգտում ենք հնազանդվել Աստծո օրենքներին և ապաշխարել: …
Քրիստոսի վարդապետության հաջորդ տարրը մկրտությունն է, որը ներառում է ջրով մկրտությունը և հաստատման միջոցով Սուրբ Հոգով մկրտությունը: Չնայած մկրտությունը եզակի իրադարձություն է, մենք նորոգում ենք մեր մկրտության ուխտը կրկնողաբար, երբ ճաշակում ենք հաղորդությունից: …
Երբ Սուրբ Հոգին ավելի մեծ ազդեցություն է գործադրում մեր կյանքում, մենք աստիճանաբար և անընդհատ զարգացնում ենք Քրիստոսանման հատկանիշներ: … Եվ մենք դրա միջոցով հասանելիություն ենք ունենում երկնային զորությանը, որն անհրաժեշտ է մինչև վերջ դիմանալու համար: …
Ես հրավիրում եմ ձեզ ապրել Քրիստոսի վարդապետությամբ կրկնողաբար, անընդհատ ու նպատակադրված և օգնել ուրիշներին իրենց ճանապարհին: