សម័យប្រជុំរសៀលថ្ងៃអាទិត្យ
ព្រះអម្ចាស់ព្រះយេស៊ូវគ្រីស្ទនឹងយាងមកម្ដងទៀត
សេចក្តីដកស្រង់
ព្រះអម្ចាស់ពិតជាកំពុងពន្លឿនកិច្ចការទ្រង់ ។
ហេតុអ្វីយើងកំពុងសាងសង់ព្រះវិហារបរិសុទ្ធក្នុងល្បឿនដែលមិនធ្លាប់មានពីមុនមកបែបនេះ ? ហេតុអ្វី ? ព្រោះព្រះអម្ចាស់បានបញ្ជាយើងឲ្យធ្វើដូច្នោះ ។ ពរជ័យនៃព្រះវិហារបរិសុទ្ធជួយប្រមូលសាសន៍អ៊ីស្រាអែលនៅទាំងសងខាងនៃវាំងនន ។ ពរជ័យទាំងនេះក៏ជួយរៀបចំមនុស្សដែលនឹងជួយរៀបចំពិភពលោកសម្រាប់ការយាងមកជាលើកទីពីររបស់ព្រះអម្ចាស់ផងដែរ ! …
នេះជាការសន្យារបស់ខ្ញុំចំពោះបងប្អូន ៖ អ្នកដែលស្វែងរកព្រះយេស៊ូវគ្រីស្ទដោយស្មោះត្រង់គ្រប់រូបនឹងរកឃើញទ្រង់នៅក្នុងព្រះវិហារបរិសុទ្ធ ។ …
ខ្ញុំបានរៀនថា សំណួរចាំបាច់បំផុត ដែលយើងម្នាក់ៗត្រូវឆ្លើយគឺ ៖ តើខ្ញុំនឹងប្រគល់ជីវិតឲ្យទៅនរណា ឬឲ្យទៅអ្វី ?
ការសម្រេចចិត្តរបស់ខ្ញុំដើម្បីដើរតាមព្រះយេស៊ូវគ្រីស្ទគឺជាការសម្រេចចិត្តដ៏សំខាន់បំផុតដែលខ្ញុំមិនធ្លាប់ធ្វើ ។ … វាក៏បានជួយខ្ញុំឲ្យឆ្លងកាត់ព្យុះជីវិតផងដែរ ។ …
ខ្ញុំសូមលើកទឹកចិត្តបងប្អូនឲ្យលះបង់ពេលវេលារាល់សប្តាហ៍—ពេញមួយជីវិតដែលបងប្អូននៅមាន—ដើម្បីចម្រើនការយល់ដឹងអំពីដង្វាយធួនរបស់ព្រះយេស៊ូវគ្រីស្ទ ។ …
ព្រះយេស៊ូវគ្រីស្ទបានលើកដាក់លើអង្គទ្រង់នូវអំពើបាប របស់បងប្អូន ការឈឺចាប់ របស់បងប្អូន ការឈឺចិត្ត របស់បងប្អូន និងជំងឺ របស់បងប្អូន ។ បងប្អូនមិនចាំបាច់ទ្រាំទ្រតែម្នាក់ឯងឡើយ ! …
វាមិនឆាប់ក៏មិនយឺតពេកដែរ សម្រាប់បងប្អូនដើម្បីធ្វើជាសិស្សដ៏ស្មោះរបស់ព្រះយេស៊ូវគ្រីស្ទនោះ ។ …
បងប្អូនប្រុសស្រីជាទីស្រឡាញ់ អ្វីដែលល្អបំផុតនឹងមកដល់ក្នុងពេលខាងមុខ ព្រោះព្រះអង្គសង្គ្រោះនឹងយាងមកម្តងទៀត ! អ្វីដែលល្អបំផុតនឹងមកដល់ក្នុងពេលខាងមុខ ព្រោះព្រះអម្ចាស់កំពុងតែពន្លឿនកិច្ចការទ្រង់ ។ អ្វីដែលល្អបំផុតនឹងមកដល់ក្នុងពេលខាងមុខ ពេលយើងបង្វែរដួងចិត្ត និងជីវិតទៅរកព្រះយេស៊ូវគ្រីស្ទ ។