សម័យប្រជុំព្រឹកថ្ងៃសៅរ៍
ជ័យជំនះនៃសេចក្ដីសង្ឃឹម
សេចក្តីដកស្រង់
អំណោយនៃសេចក្តីសង្ឃឹមគឺជាអំណោយទានពិសិដ្ឋដ៏មានតម្លៃឥតគណនាមកពីព្រះ ។ …
ពេលយើងពង្រឹងសេចក្ដីជំនឿរបស់យើងទៅលើព្រះយេស៊ូវគ្រីស្ទ យើងមើលឃើញធ្លុះហួសពីការតស៊ូទាំងឡាយរបស់យើងទៅដល់ពរជ័យ និងការសន្យានៃភាពអស់កល្បជានិច្ច ។ ប្រៀបដូចជាពន្លឺមួយភ្លឺចែងចាំង នោះសេចក្តីសង្ឃឹមបំភ្លឺពិភពដ៏ងងឹតនេះ ហើយយើងមើលឃើញអនាគតដ៏រុងរឿងរបស់យើង ។ …
បងប្អូនប្រុសស្រីខ្ញុំអើយ សេចក្តីសង្ឃឹមគឺជាអំណោយទានដែលមានជីវិត អំណោយទានដែលរីកដុះឡើងនៅពេលយើងបង្កើនសេចក្តីជំនឿរបស់យើងទៅលើព្រះយេស៊ូវគ្រីស្ទ ។ … យើងស្ថាបនាធាតុនេះ—ជាភស្ដុតាងនៃសេចក្តីជំនឿរបស់យើង—តាមរយៈការអធិស្ឋាន សេចក្តីសញ្ញាទាំងឡាយក្នុងព្រះវិហារបរិសុទ្ធ ការរក្សាបទបញ្ញត្តិ ការបន្តសិក្សាលើព្រះគម្ពីរ និងពាក្យសម្ដីរបស់ព្យាការីសម័យទំនើប ការទទួលទានសាក្រាម៉ង់ ការបម្រើអ្នកដទៃ និងការថ្វាយបង្គំរៀងរាល់សប្តាហ៍ជាមួយមិត្តពួកបរិសុទ្ធរបស់យើង ។
ដើម្បីពង្រឹងសេចក្តីសង្ឃឹមរបស់យើងក្នុងពេលដែលអំពើទុច្ចរិតកំពុងតែកើនឡើង នោះព្រះអម្ចាស់ដឹកនាំព្យាការីរបស់ទ្រង់ឲ្យសាងសង់ព្រះវិហារបរិសុទ្ធនៅគ្រប់ទីកន្លែងនៅលើផែនដី ។ …
គ្មានការឈឺចាប់ គ្មានជំងឺ គ្មានភាពអយុត្តិធម៌ គ្មានការរងទុក្ខ គ្មានអ្វីដែលអាចធ្វើឲ្យសេចក្តីសង្ឃឹមរបស់យើងចុះងងឹតបានឡើយ ពេលយើងជឿ ហើយកាន់យ៉ាងខ្ជាប់ខ្ជួននូវសេចក្តីសញ្ញារបស់យើងជាមួយនឹងព្រះនៅក្នុងព្រះដំណាក់របស់ព្រះអម្ចាស់ ។ វាគឺជាព្រះដំណាក់នៃពន្លឺ ដំណាក់នៃសេចក្តីសង្ឃឹម ។ …
បងប្អូនប្រុសស្រី សេចក្តីសុខសាន្តដែលបងប្អូនស្វែងរក អាចនឹងមិនបានមកលឿនតាមដែលបងប្អូនចង់បាននោះទេ ប៉ុន្តែខ្ញុំសូមសន្យានឹងបងប្អូនថា ពេលបងប្អូនទុកចិត្តលើព្រះអម្ចាស់ នោះសេចក្តីសុខសាន្តរបស់ទ្រង់នឹងមកដល់ ។
សូមឲ្យយើងចិញ្ចឹមបីបាច់ថែរក្សាសេចក្ដីជំនឿដ៏មានតម្លៃរបស់យើង ដោយដើរទៅមុខជាមួយនឹងពន្លឺនៃសេចក្ដីសង្ឃឹមដ៏ឥតខ្ចោះ ។ ខ្ញុំថ្លែងទីបន្ទាល់ថា សេចក្តីសង្ឃឹមរបស់យើងគឺជាព្រះអង្គសង្រ្គោះរបស់យើងគឺ ព្រះយេស៊ូវគ្រីស្ទ ។ តាមរយៈទ្រង់ សេចក្ដីប៉ងប្រាថ្នាដ៏សុចរិតទាំងអស់របស់យើងនឹងត្រូវបានសម្រេច ។ ទ្រង់គឺជាព្រះនៃសេចក្ដីសង្ឃឹម—ទ្រង់ឈ្នះលើក្ដីសង្ឃឹម ។ ទ្រង់មានព្រះជន្មរស់ ហើយទ្រង់ស្រឡាញ់បងប្អូន ។