Te Kamaiu n te Katiteuanaki
Iroun Unimwaane Chi Hong (Sam) Wong
Man te Itingaun
N te aro bwa ti na buoka te Tia Kamaiu, ti na bane ni uaia ni mwakuri n te katiteuanaaki ao n te rau. Aomata ni kabane, ao nakoa n tatabeua nako, ao wewete ni kabane a kakawaki.
Ti aki toki n ongo Beretitenti Thomas S. Monson say, “Karoko irouia ao kamaiuia.”1 E roko n au iango te karaki man te Nu Tetemanti. Bon te katoto ae kororaoi bwa a kanga membwa ao mitinare ni katiteuanaaki ni mwakuri rinanon kauntira ni uoote bwa a na nako ni kamaiu. E kuneaki te karaki ni Mareko 2:1–5. I kunea bwa atatai ake e kabonganai Iesu e reireinira tabeua tuua ke reirei a kaungaira n taainako ao ni kai ota iai.
Teuana te rongorongo n te karaki aei bon te aomata ae te nakibaina, temanna ae aki kona ni kamwakuri n akean te ibuobuoki. Te aomata aei e kona n ti tiku ni mweengana, n tataninga te kamaiu.
N ara bong, e na kona n riki n aron aei. Aman aomata aika kakoroa nanon tabeia mai irouia aia bitiobi ni kawaria, ni mweengana, te mwaane are e aorakina te nakibaina. I kona n uringa temanna ae roko man te Bootaki n Aine, temanna man te kooram n unimwaane, temanna man te Nakoanibonga ae te Aaron, ao, n raonaki ma ake imwaaina, temanna te mitinare ae bwanin ana tai. N tain kauntiran te uoote ae aki maan n nako, imwiin maroroakin kainnano n te uoote, e a tia te bitiobi n anganako “mwioko ni kamaiu”. A anganaki naaka aman tabeia ni buoka te aomata aei. A aki tataninga rokona n taromauri n ti ngaia. A nako ni kawaria ni mweengana. Ana nako ni ukoukoria, ngaia are a nako. Te mwaane are e taekinaki n te Nu Tetemanti e uotaki nakon Iesu. “Ao a [nako] Ina, n uota temanna ae nakibaina, ae uotaki irouia aman aomata” (Mareko 2:3).
“Ao a [nako] Ina, ni uota temanna ae nakibaina, ae uotaki irouia aman aomata” (Mareko 2:3).
Ma, a rangin n ibetutu aomata n te ruu. Aki kona n rin inanon te mataroa. I kakoaua bwa a katai bwaai ni kabane aika a kona n iangoi ma a bon aki kona n rin inanona. Aki nakoraoi bwaai n aron are e baireaki. Iai kakaitara inanon kawaia ni “kamaiu.” Ma aki bwara nanoia. Aki kitana te mwaane ae te nakibaina irarikin te mataroa. A maroroakina te bwai ae na karaoaki imwiina—a na kanga ni uota te mwaane nakon Iesu Kristo bwa e na kamaiuaki. Te mwakuri e buoka Iesu Kristo ni kamaiui tamnei, riki ibukiia, e aki matoatoa. A karaoa te baire—e aki bebete, ma a karaoa nanona.
“Ao ngke a aki kona ni kaania ba e bati te aomata, ao a ieta akun te auti ike E mena i aana Iesu: ao ngke a tia n urua, ao a nna te ne ni wene are e wene iai te nakibaina arei” (Mareko 2:4).
A uotia rake nakon te taubuki. Ni kataua bwa akea te kaintamwarake itinaniku, ae e na kona n ni uotiia ni kabane nakon te taubuki n tabetai. E bae tia n riki n te kawai aei: te ataeinimwaane man ana uoote e na tia n tamwarake moa nakon te taubuki. Ngkai te kairake ngaia ao e onrake n te korakora, e na bon akea a na kanganga iai. Toana n reirei n te mweenga man te kooram n unimwaane ao mitinare aika bwanin aia tai aika a rietata ao ni korakora a bane ni buokia ni butuia mai nano. Aine man te Bootaki n Aine a kauringia bwa a na karaurau ao n angania taeka ni kaunganano. Mwaane a na kanakoa rabunan te taubuki ngkai a teimatoa aine ni karaua nanon te mwaane arei ngke e tataninga kamaiuakina—ao ni manga karekea inaomatana ni kakamwakuri.
Te katabeaki n te kamaiu aei e kainnanoa te kaai ni mwakuri. N taai ni kanganga, e na tangira te babaire raoi ni karuoan te mwaane mai taubukin te auti. A na kaai ni katiteuanaaki ni mwakuri mwaane ake aman n akea te kaokoro. A na bae ni karuoa te nakibaina n te tai ae ti teuana. Ngkana temanna e kabaitiia ni karuoa te robu nakoia ake teniman, e na bwaka te mwaane man ana kainiwene. E aki kona n taua n ti ngaia ibukin mamaran rabwatana.
Ni buoka te Tia Kamaiu, ti bane ni mwakuri ni katiteuanaki ma te rau. Aomata n tatabemaniia ao nakoa ni kabane a bane ni kakawaki. Ti riai ni ikotaki ni mwakuri inanon ara Uea Iesu Kristo.
N tokina, te mwane are te nakibaina e kaweneaki imatan Iesu. “Ao Iesu, ngke E nori aia onimaki, ao E taku nakon te nakibaina, Natiu, a kabaraki am bure” (Mareko 2:5). E nanoangaia Iesu, ao e kamaiua—tiaki ti n te rabwata ma n te tamnei naba: “Natiu, a kabaraki am bure.” E aki raoiroi anne? Tiaki tangira anne bwa e na riki nakoira ni kabane naba? Ni koauana I tangiria.
Iai ae ti ataia ni maiura ae te nakibaina n te tamnei, temanna ae aki kona n oki nakon te Ekaretia bon mai iroun teuanne ke neienne? E kona teuanne ke neienne n riki bwa temanna mai ibuakoia natira, mai irouia ara karo, te buu, ke te rao.
Ngkai a rawata riki mitinare n ana iunite te Ekaretia nako, e riai ibukiia bitiobi ao beretitenti n te mwaanga bwa a na kabongana aia kauntira n te uoote ao n te mwaanga. E kona te bitiobi ni kaoa te membwa n te kauntira n te uoote bwa e na roko ma araia aika a kainnanoa buokaia. Kaain te kauntira n te uoote a na kaai ni karaurau n iango bwa a na kanga ni ibuobuoki. A na kakauongo raoi Bitiobi nakon taian iango ao karaoan te tibwanga.
Mitinare aika bwanin aia tai bon ngaia taan buoka te uoote n te mwakuri ni kamaiu. Bwa kairake ngaia ao a korakora. A tangiria bwa a na karekea araia aomata ake a na mwakuri mangaia. A kukurei ni mwakuri ma membwa n te uoote. A ataia bwa aikai taai ni kakaai aika tamaroa ibukiia. A mamate nanoia ni katea abanuean te Uea. Iai aia koaua ae matoatoa are a na kona n riki kanga Kristo ngkana a iri mwakuri ni kamaiu aikai.
Ni kabaneana, I kan tibwa nakoimi teuana te kaubwai karabaaki ae kuneaki n rongorongon te boki ae tabu. E mena n te kibu 5: “Ngke e nora aia onimaki Iesu” (e kairaki ma katuruturuana). I tuai n nonora aei n taai aika a nako—aia onimaki. Ara onimaki aika ikotaki e na rota naba aroia tabeman.
Antai aomata ake e taekiniia Iesu? A kona n ae naake aman ake a uota te mwaane ae te nakibaina, te mwaane n tingaia, aomata ake a tataro ibukina, ao naake a kakauongo n ana kabwarabwara Iesu ao ni kukurei inanoia bwa e a kaan roko te tai ni kakai. A kona ni kaira te buu, te karo, te nati te mwaane ke te aine, te mitinare, te beretitenti n te kooram, te beretitenti n te Bootaki n Aine, te bitiobi, ao te rao ae raroa nako. Ti kona ni buokira bon iroura. Ti riai n tainako n ingainga ni katabeira ni kakaeia ni kamaiuia aika kainnanoa buokaia.
I kakoaua bwa Iesu Kristo bon Atuan te kakai e tangiriira ni kabane ao iai mwaakana ni kamaiu ao ni katoki aoraki, n te maiu n rabwata ao n tamnei. Ngkana ti Buokia n Ana mition ni kamaiuia tamnei, ngaira naba ti na kamaiuaki. I kakoaua n Arana ae tabu, riki Iesu Kristo, amen.