Te Boki

Iroun Unimwane Allan F. Packer

Man te Itingaun

Rongorongon te Utu ao te mwakuri n te tembora e riai n riki n tainako bwa mwakoron ara nebo ibon iroura.

Ngke te kairake ae 12 te ririki n Tikauti, I karekea te bwaintangira te mwakoro ni biti ni bwain te Tikauti are i a kaman kainnanoia. Bon te tanai ma rabunana ae moan te tinebu. N te mwananga ni kaembwa are imwina, ti roko n te kaembwa imwiin te roo, ni mwaimwai ao ni mwaitorotoro man te tinoo ae korakora iaon kawain te turein. Te bwai are e roko n au iango bon kauraan teai ae uramwaaka. I waekoa n nako ni korokorea te aroka ae bwaka ma au angara ae boou. Ngke I tataia, I bon un ibukina bwa e aki tara ni korokoro raoi. Inanon uniu, I a mwakuri korakora riki. Ma te un n nano, I okira te kaembwa ma tii tabeua te mwakoro ni kai. Man ana ai temanna, ao e a kaura teai, I kunea te kanganga. I aki kanakoa rabunan te tanai. Ia kona n ribooti, n anne, rabunana e a raeuaki n te tataaki. Te reirei, e tabe au iango ni bwai tabeua.

Ngkai ti mwakuri nakon te karietataki, ti riai ni mwakuri iaon bwaai ni kabane aika a kainnanoaki ao n aki katabeaki ni kabotoa teuana ke uoua aika kainnanoaki ke bwai riki tabeua aika e aki kaineti nako iai. Ukoukoran abanuean te Atua e uotiko nakon te kukurei ao te kimwareirei.¹ Ngkana e kainnanoaki, ti riai n tatauraoi ni bitaki. Teimatoan kaetakin kairua aika a uarereke a karako kammarakiia ao kamwebuaka nakon aro aika bubura kairua iai.

E aki maan nako, Titita Packer ao ngai ti mwananga nakon aba ake tabeua. Ti katauraoi ara bwatibooti ao beebwa riki tabeua. Ti karekei itira, tutuo n te marurung, witia, ao titambwa. Ngke ti roko, beebwa ake tabeua a tuoaki, ao ngke a bane bwaai aika a kinnanoaki n tuoaki, ti a kariaiakaki bwa tina rin.

Te kariaiakaki ibukin te karietataaki kanga ai aron te rin n te aba teuana. Ti riai ni karekei ni kabane ara bwatibooti n te maiu n tamnei. Ti aki katei bwaai aika a tangiraki, ma n tatabeua nako, ti riai ni kakoroi nanoia ni kabane. Te baire ni kamaiu a bane inanona reirei, tuan te aba, tuua, ao otenanti ake a kainnanoaki ibukira ni kabane bwa ti na tau ibukin te karietataaki.² Ngkanne rinanon ana Mwakuri ni Kamaiu [Iesu] Kristo, aomata ni kabane a kona ni kamaiuaki.”³ Te Ekaretia e ibuobuoki ma e aki kona ni karaoia ibukira. Karikara bwa ti na tau ibukin te karietataaki e riki bwa ara iruwa inanon maiura.

Kristo e katea Ana Ekaretia bwa e na buokiira. E a tia ni weteia 15 mwane are ti kamatoaia bwa burabeti, taan mamata, ao taan kaotioti ni kaira te Ekaretia ao n reireiniia aomata. Te Moan Beretitentii⁴ ao Kooram n Abotoro ake Tengaun ma Uoman⁵ titebo te mwaaka irouia ao te kariaiakakai, ⁶ ma tiinia Abotoro5 ake a katabuaki bwa Beretitenti n te Ekaretia. Itingaun a weteaki bwa a na ibuobuoki.⁷ Taan kairiiri aki katei bwaai aika kainnanoaki ibukin te karietataaki. Te Atua ae e karaoia! Taan kairiiri aikai a weteaki bwa a na kamatata, kaungaunga, kaumaki, ao riki ni kauring bwa ti na tiku iaon te kawai.⁸

N are kabwarabwaraaki n te aeniboki ni babairean aron kairan te Ekaretia: “Ni kakoroa bukina ni buokiia aomata nako ao utu bwa a na tau ibukin te karietaaki, te Ekaretia e boboto iaon tibwanga ake a anganaki mai karawa. Aikai are e ikotaki ma buokaia membwa bwa a na maeuakina ana euangkerio Iesu Kristo, ikoikotakiia Iteraera rinanon mwakuri ni mitinare, tabeakinaia aika a rarikin ma ni kainnano, ao karekean kamaiuakiia mate man katean tembora ao karaoakin otenanti aika a kakaokoro.”⁹ Taratara aika aua aikai ao tuua ake tabeua, tuua ao otenanti ake a kainnanoaki ao tiaki mai inanom. Rinanon ana Mwakuri ni Kamaiu Iesu Kristo ao man karaoakin aikai n tatabeua nako, kakoroan nanon te bwai ae kainanoaki ibukin te karietataaki ni karekea te titambwa ae kainanoaki (beba) n rin nakon aba ake tabeua.

N taian te maungatabu aei ti a reireinaki taekan bitaki ake a na buokiira ni kabane bwa ti na tauraoi raoi.

Iai boton taben te utu n te baire ni kamaiu ao anne naba bukina ngkai e aranaki bwa te “baire ni kakukurei are e korakora.”¹⁰ Beretitenti Boyd K. Packer e tia n taekinna, “Bukin te kantaninga ni kabane ae korakora ibukin te waaki ni kakukurei inanon te ekaretia e kangai bwa mwane ao buuia ao natiia a kona ni kukurei ni mweengaia.”¹¹

Beretitenti Spencer  W. Kimball e taku, “Tokanikaira, n tatabemaniira ao n te Ekaretia, e na baireaki man arora ni kakaonimaki ni maiuakinan te euangkerio n ara utu.”¹² Tembora ao mwakuri n rongorongon te utu bon mwakoron maiuakinan te euangkerio n te mweenga. E riai n riki bwa te waaki n te utu nakon waaki ni kakukurei n te Ekaretia.

Iai te kamatata iaon kabouan rongorongon am utu ao te mwakuri n te tembora man te Moan Beretitentii ao te Kooram n Abotoro.¹³ Ami kaeka nakon kamatata aikai e na karikirakea nakoim ao am utu te kimwareirei ao te kukurei.

E taekinaki n Doctrine ao Covenants bwa ana bong te Uea ae korakora e na waekoa n roko. Ngaia are, ti riai n te ekaretia ao ae aomata, ao ae Aika Itiaki ni Boong Aika Kaitira, anga nakon te Uea ara anganano n te raoiroi. Ao ti riai ni kaotia n Ana tembora ae tabu.… te boki are kaoti rekooti ibukiia ara mate, are te boki ae e tau ibukin butimwaeana [iroun te Uea].”¹⁴

Te “boki” aei e na katauraoaki man kabonganaaki n rekootin ara ao otenanti n ana tatabeiti n ana FamilyTree te Ekaretia.

N na tuoi ao ni karini rekooti nakon te tatabeiti aei ibukina bwa I tangiri araia ni kabane naake I tangiriia bwa a na mena n te boki. Tiaki ngkami naba?

Doctrine ao Covenants section 128 e kangai bwa ti aki kona ni kakororaoaki n akeaia [ara bakatibu], ao aki naba kona ni kakororaoaki ara bakatibu ngkana akea ngaira.”¹⁵

Rongorongon te utu e raka riki nakon te riki, tua ibukin bairean ao kanakoan rongorongon te utu, ara, bongin te bong, ao tabo. E raka riki nakon tarakin ianogoan taai aika nako. Rongorongon te utu e karina ae ngkai ngkai ti karaoi oin ara rongorongo. E airi naba taai aika a na roko ngkai ti katei rongorongo n taai aika a na roko rinanoia ara kariki. Te kairake n tina, te katoto, e tibwai rongorongon ana utu ao tamnei ma natina bon karaoan mwakuri n rongorongon te utu.

N aron tauan te toa, irakin bootaki, warekan koroboki aika a tabu, ao te tataro ibon iroum, rongorongon utu ao mwakuri n te tembora e riai n riki n tainako bwa mwakoron ara nebo ibon iroura. Te kaeka irouia ara roronrikirake ao tabeman nakon kakao n taetae ni burabeti e a tia n riki bwa kaunganano ao ni kakoaua bwa te mwakuri aei kona ao e riai ni karaoaki irouia ni kabane membwa n aia ririki aika kakaokoro

Ngke e kabwarabwara Unimwane Quentin L. Cook, “[Ngkai] e a reke iroura ngkai te reirei, taian tembora, ao te rabakau.”¹⁶ Karaoan te mwakuri n rongorongon te utu e a bebete riki ao e tianaki tii ni mwaitiia membwa ake a moanibwaia aio. Te mwakuri e bon abwabwaki ao e kainnanoa te anganano, ma ni kabane a kona ni karaoia, ao e bebete ni kabotauaki ma tabeua te ririki n nako.

Ni buokiia membwa, te Ekaretia e a tia n ikotii rekooti ao ni katauraoi bwaai ni mwakuri bwa e aonga n ae mwaitin te mwakuri e kona ni katiaaki inanon mweengara ke inanon kateitei n ara uoote ao n te tembora. Mwaitin ara kanganga a tia ni kamwawaaki. N aki tabe bwa tera am iango iaon rongorongon te utu n taai aika a nako, e kaokoro ma ae ngkai!

E ngae n anne, iai te kanganga are e aki kona ni kanakoa te Ekaretia. Bon rawan temanna ma temanna ni karaoa te mwakuri aio. Te bwai ae kainnanoaki n te mwakuri ae uarereke bon te iango ao te mwakuri ae uarereke. E aki kainnanoa te tai ae mwaiti. Ti te tai ae uarereke ae teimatoa ae bebete e na karekea te kukurei ae kaineti ma te mwakuri aei. Karaoa te babaire ni karaoa te mwakuri ae uarereke, n reiakin ao n ni butia tabeman bwa ana buokiko. A na buokiko tabeman! Ara ake ko kakaai ao ko uoti nakon te tembora a na riki bwa rekooti ibukin “te boki.”¹⁷

N aron naba te rikirake ni mwaitin iriiria membwa, ti kunea bwa bon tii tabeman membwa n te Ekaretia aika rinnako n tainako ni kakaeakin ao karaoan otenanti n te tembora ibukiia aia utu.¹⁸Te kanganga aei e tangira te bitaki n ara moanibwaia. Tai imanonoa te bitaki, kariaia ao iria! Te bitaki bon mwakoron te babaire ni kakukurei.

Te mwakuri aei e riai ni katiaaki, tiaki ibukin te Ekaretia ma ibukiia ara mate ao ibukira. Ngaira ao ara bakatibu ake a tia ni mate ti kainnanoi bwaai aika tangira n te karietataaki aika a na kakoroaki bukiia.

“Kabaeakiia”¹⁹ ara utu n roro nako e ti kona n riki rinanon taian tembora rinanon otenanti ni kabaebae. Mwaneka iai a beebete: tii kakaea te ara ao uotia nakon te tembora. Inanon te tai ko na kona ni buokiia tabeman ni karaoia naba.

Ma tabeman aika a kariaiakaki n aki iria—ni kabane—a kona ni karaoa aei!

Iai kakabwaia aika a koaua aika a irekereke ma te mwakuri aei. A mwaiti karo ao taan kairiiri aika a tabeaianga ibukin aron te aonaaba n taai aikai ao rootakiia utu ao kairake.

E a tia ni berita Unimwane David A. Bednar: “I kaoia kairake n aomata n te Ekaretia n reiakina ao n rinanon Nanon Eria. … I berita [bwa] kam na katanaki man ana kariiri te kakaitara. Ngkana ko ira nanon ao n tangira te mwakuri ae tabu aei, ko na kawakinaki inanon rorom ni kairake ao inanon nako maiu.”²⁰

Tariu ao mwaneu, e a roko te tai are tina kanakoa iai rabunan ara tanai ao n nako ni mwakuri. Ti riai n aki kareana karietataakira ke ara utu ibukin bwaai aika aki rangin ni kakawaki.

Aio ana mwakuri te Atua, are e na katiaki irouia membwa ao aroia naba aika tiaki membwa, kairake ao kaara, mwane ao aine.

I kainna n taekina te moan kibu n te kuna n anene n taromauri 324, ni bita teuana te taeka:

“Teirake, O [Aika Itiaki] mairoun te Atua

I karaoia man bwai aika uarereke.

Anga nano ao tamnei, ao iango ao korakora

Ni beku ibukin aia Uea Uea.²¹

Iesu Kristo bon te Uea! I kakoaua n aran Iesu Kristo, amen.

Bwai aika a na taraaki

1. Taraa 2 Nibwaai 2:22–25; 9:18; Motiaea 2:41.

2. Tara Kairi nakon Koroboki aika Tabu, “Plan of Redemption”; scriptures.lds.org.

3. Taekan te Onimaki 1:3.

4. Tara Doctrine ao Covenants 107:22.

5. Tara Doctrine ao Covenants 107:23.

6. Tara Doctrine ao Covenants 107:24.

7. Taraa Doctrine ao Covenants 107:25–26.

8. Taraa te Guide to the Scriptures, “First Presidency,” “Apostle,” “Seventy”;scriptures.lds.org.

9. Aeniboki 2: Aron Kairan te Ekaretia (2010), 2.2.

10. Aramwa 42:8.

11. Boyd K. Packer, “The Witness,” Ensign ke Liahona, Meei 2014, 95.

12. Spencer W. Kimball, “Living the Gospel in the Home,” Ensign, Meei 1978, 101.

13. Tara Thomas S. Monson, “Hastening the Work,” Ensign or Liahona, June 2014, 4–5; Henry B. Eyring, “The Promise of Hearts Turning,” Ensign or Liahona, July 2014, 4–5; Russell M. Nelson, “It All Starts with Love” (video), lds.org/prophets-and-apostles/unto-all-the-world/it-all-starts-with-love; Russell M. Nelson, “Adding ‘Family’ to Family History Work” (video), lds.org/prophets-and-apostles/unto-all-the-world/adding-family-to-family-history-work; Russell M. Nelson, “Generations Linked in Love,” Ensign or Liahona, May 2010, 91–94; Richard G. Scott, “The Joy of Redeeming the Dead,” Ensign or Liahona, Nov. 2012, 93–95; Quentin L. Cook, “Roots and Branches,” Ensign or Liahona, May 2014, 44–48; David A. Bednar, “The Hearts of the Children Shall Turn,” Ensign or Liahona, Nov. 2011, 24–27; Neil L. Andersen, “A Classroom of Faith, Hope, and Charity” (address to Church Educational System religious educators), lds.org/broadcasts; Neil L. Andersen, “Find Our Cousins!” (address at RootsTech Family History Conference, Feb. 8, 2014), lds.org/prophets-and-apostles/unto-all-the-world/find-our-cousins.

14. Doctrine ao Covenants 128:24.

15. Doctrine ao Covenants 128:18.

16. Quentin L. Cook, Ensign ke Liahona, Meei 2014, 47.

17. Doctrine ao Covenants 128:24.

18. Taraa Quentin L. Cook,Ensign ke Liahona, Meei 2014, 47.

19. Doctrine ao Covenants 128:18.

20. David A. Bednar, “The Hearts of the Children Shall Turn,” Ensign ke Liahona, Nobembwa 2011, 26, 27;

21. “Rise Up, O Men of God,” Hymns, no. 324.