El Lo Pone riba Su Skouder i Karga Bo Bai Kas

April 2016

19:1

El Lo Pone riba Su Skouder i Karga Bo Bai Kas

Pa Presidente Dieter F. Uchtdorf

Di Dos Konsehero den e Promé Presidensia

Meskos ku e Bon Pastor ta haña Su karnénan pèrdí, si bo ke djis lanta bo kurason na e Salbador di e mundu, E lo haña bo.

Un di mi rekuerdonan di mi infansia ku ta persiguí mi ta kuminsá ku e zonido leu di e sirena di atake aéreo ku a lanta mi for di soño. Djis despues, un otro zonido, e batimentu i zonido di chapaleta, ku gradualmente tabata zona mas duru, te ora e ta sakudí e airu. Bon di trein pa nos mama, kada un di nos [mucha] ta kue nos tas prepará i kore subi seru na un refugio anti aéreo. Miéntras nos ta hasi purá den e nochi hopi skur, flambeunan bèrdè i blanku tabata kai for di shelu pa marka e ophetivonan pa avionnan ku ta karga bòm. Pa straño ku ta pasa tur hende tabata yama e flambeunan aki Palu di Pasku.

Mi tin kuater aña, i mi ta un testigu di un mundu den guera.

Dresden

No leu for di kaminda mi famia tabata biba tabatin e suidat di Dresden. Esnan ku tabata biba einan tabata testigu di kisas mil bes loke mi a mira. Tormenta di kandela masivo, kousá pa míles di tonelada di eksplosivo, bashá dor di Dresden, a destruí mas ku nobenta porshento di e suidat i laga algu mas ku ruina i shinishi den nan kaminda.

Den un tempu hopi kòrtiku, e siudat ku un tempu tabatin e nòmber di “kaha di hoya” no tabata tei mas. Erich Kästner, un outor Aleman, a skirbi di e destrukshon, “Den mil aña su bunitesa a wòrdu konstruí, den un anochi el a wòrdu destruí.”¹ Durante mi infansia mi no por a imaginá mi kon e destrukshon di un guera ku nos mes hendenan a start hamas por wòrdu superá. E mundu rònt di nos tabata parse kompletamente sin speransa, i sin ningun futuro.

Aña pasá, mi tabatin e oportunidat [a regresá na Dresden. Setenta aña despues di e guera, e ta un biaha mas, un “kaha di hoya” di un siudat. E ruinanan a wòrdu limpiá, i e siudat ta restourá i asta mehorá.

Durante mi bishita mi a mira e Iglesia bunita Luterano Frauenkirche, e Iglesia di Nos Dama. Originalmente konstruí den mil sheteshen, e tabata un di Dresden su hoya briante, pero e guera a redusié na un monton di ruina, Pa hopi aña el a keda den e estado ei, te ora a wòrdu determiná ku e Frauenkirche lo wòrdu rekonstruí.

Piedranan di e Iglesia destruí, a wòrdu wardá i katalogá, i si kaminda tabata posibel esakinan a wòrdu usá den e rekonstrukshon. Awe bo por mira e piedra aki, pretu - kimá markando e murayanan pafó. E “manchanan” aki no solamente ta un rekordatorio di e historia di e edifisio aki, pero tambe un monumento di speransa—un símbolo magnífiko di hòmber su abilidat pa kreá bida di nobo for di shinishi.

Frauenkirche ta un monumento di speransa

Segun mi tabata meditá [riba] e historia di Dresden i maraviá riba e ingeniosidat i determinashon di esnan ku a restourá loke a wòrdu destruí asina kompletu, mi a sinti e dushi influensia di e Spiritu Santu. Sigur, mi a pensa, si bo tuma e destrukshon, ruina, i restunan di un siudat kibrá i rekonstruí un struktura ku inspirá rèspèt ku ta elevá te na shelu, kuantu mas kapas nos Tata todopoderoso ta pa restourá Su yunan ku a kai, lucha, òf ku ta pèrdí?

E no ta importá kon kompletamente destruí nos bida por parse. No ta importá kon skarlata nos pikánan, kon profundo nos amargura, kon solitario, bandoná, òf kibrá nos kurason por ta. Asta esnan ku ta sin speransa, ku ta biba de desesperashon, ku nan konfiansa a wòrdu traishoná, [ku] a entregá nan integridat, òf ku a kita for di Dios por wòrdu rekonstruí. Ku eksepshon di e yunan di perdishon, no tin bida asina destrosá ku no por wòrdu restourá

E notisia di goso di e evangelio ta esaki: dor di e plan eterno di felisidat proveé pa nos Tata Selestial amoroso i dor di e sakrifisio eterno di JesuCristu, solamente nos por wòrdu redimí di nos estado kaí i restourá na puresa, pero tambe nos por surpasá e imaginashon mortal i bira heredero di bida eterno i partisipante di Dios su gloria indeskriptibel.

E Parabel di e Karné Pèrdí

Durante e ministerio di e Salbador, e lidernan religioso di Su tempu a desaprobá ku Jesus tabata pasa tempu ku hendenan ku nan a duna etikèt di “pekador”

Kisas pa nan e tabata parse ku E tabata tolerá òf asta tolerá komportamentu pekaminoso. Kisas nan a kere ku e mihó manera pa yuda pekadornan pa nan arepentí ta pa kondená, ridikulisá, i bergonsá nan.

Ora e salbador a persibí kiko e Fariseonan i eskribanan tabata pensa, El a konta un historia:

“Kua hòmber di [entre] bosonan, ku tin shen karné, si e pèrdè unu di nan, no lo laga e nobentinuebe den e desierto, i bai tras di esun ku ta pèrdí, te ora e hañ’é?

“I ora e hañ’é, e no ta poné riba su skouder, kontentu.”²

Durante e siglonan, e parabel aki tradishonalmente a wòrdu interpretá komo un yamada pa akshon na nos pa trese e karné pèrdí bèk i pa ekstendé na esnan ku ta pèrdí. Miéntras ku esaki ta sigur apropiá i bon, mi ta puntra mi mes ku no tin mas ku esei.

Ta posibel ku Jesus Su propósito, promé i mas importante, tabata pa siña nos di e obra di e Bon Pastor?

E ta posibel ku E tabata testifikando di Dios Su amor pa Su yunan rebelde?

E ta posibel ku E Salbador Su mensahe tabata ku Dios ta kompletamente na altura ken ta esnan pèrdí—i ku E lo haña nan, ku E lo yega na nan, i ku E lo reskatá nan?

Si esei ta asina, kiko e karné mester hasi pa kualifiká pa e ayudo divino?

E karné mester sa kon usa un sekstante (aparato nóutiko pa midi) kompliká pa kalkulá su kordenada? E mester por ta kapas pa usa un GPS pa definí su posishon? E mester di tin e eksperensia pa krea un app ku lo yama pa ayudo? E karné mester aprobashon di un spònser promé ku e Bon Pastor bin reskat’é?

No, Sigur ku no! E karné ta digno di reskate divino simplemente pasó e ta stimá pa e Bon Pastor.

Pa mi, e parabel di e karnénan pèrdí ta un di e pasashinan di mas speransa den hinter e eskritura.

Nos Salbador, e Gran Pastor, konosé i ta stima nos. E konosé i ta stima boso.

E sa ki ora bo ta pèrdí, i E sa unda bo ta. E sa bo doló. Bo petishonnan den silensio. Bo petishonnan den silensio. Bo miedu. Bo lágrimanan.

No ta importá kon bo a pèrdè--- si ta a konsekuensia di bo mal desishonnan òf do di sirkunstansianan [ku ta] for di bo kòntròl.

Loke ta importá, ta ku bo ta Su yu. I E ta stima bosonan. E ta stima Su yunan.

Pasó E stima bo, E lo hañá bo. E lo pone bo riba su skouder, regosihando. I ora E trese bo na kas, E lo bisa na un i tur, “Regosihá ku Mi; pasó mi a haña mi karné ku tabata pèrdí.”³

Kiko nos mester hasi?

Pero, bo por ta pensando, kiko ta e triki? Sigur mi mester hasi mas ku simplemente warda pa wòrdu reskatá.

Miéntras nos Tata amoroso a deseá ku tur Su yunan lo regresá serka Dje, E lo no fòrsa ningun den shelu.⁴ Dios lo no reskatá nos kontra di nos boluntat.

Anto ta kiko nos mester hasi?

Si invitashon ta simpel:

“Bira… na Mi.”⁵

“Bini na Mi.”⁶

“Hala bin mas serka di Mi i Ami lo hala mas serka di bo.”⁷

Esei ta e manera ku nos ta mustra E ku nos ku wòrdu salbá.

E ta rekerí un tiki fe. Pero no desesperá. Si bo no por reuní fe awor aki, kuminsá ku speransa.

Si bo no por bisa ku Dios ta ei, bo por spera ku E ta. Bo por deseá pa kere.⁸ Esei ta sufisiente pa kuminsá.

Despues, aktuando riba e speransa ei, buska e Tata Selestial, Dios lo ekstendé Su amor na bo, i su obra di reskatá i transformá ta kuminsá.

Despues di tempu, lo bo rekonosé Su man den bo bida. Bo lo sinti Su amor. I e deseo pa kana den Su lus i sigui Su kaminda lo krese ku kada stap di fe ku bo tuma.

Nos ta yama e pasonan di fe aki “Obedensia.”

Esei no ta un palabra popular awendia. Pero obedensia ta un konsepto apresiá den e evangelio di JesuCristu pasó nos sa ku “dor di e ekspiashon di Cristu, hinter e género humano por wòrdu salbá, dor de obedensia na e leinan i ordenansanan di e Evangelio.”⁹

Segun nos ta krese den fe, tambe nos krese den fieldat. Anteriormente mi a sita un outor Aleman, ku a lamentá e distrukshon di Dresden. Tambe el a skirbi e frase “Es gibt nichts Gutes, ausser: Man tut es.” Pa esnan ku no ta papia e idioma selestial, e tradukshon ta “No tin nada bon, a menos ku bo hasié.”¹⁰

Abo i ami por papia hopi elokuente di kosnan spiritual. Nos por impreshoná hende ku nos interpretashon inte3lektual profundo di tópikonan religioso. Bo por amplia riba religion i “soña di [nos] manshon ariba.”¹¹ Pero si nos fe no kambia e manera ku nos ta biba---si nos kreensia no ta influensia nos desishonnan diario--- nos religion ta en vano, i nos fe, si e no ta morto, ta sigur ku e no ta bon, i ta den peliger di un eventualmente bin muri.¹²

Obedensia ta e ardu mayó di fe. Ta pa medio di obedensia nos ta rekohé lus den nos almanan.

Pero tin biaha mi ta kere ku nos ta komprondé obedensia robes. Nos por mira obedensia komo un meta riba su mes, mas bien ku un medio pa un meta. Òf nos dal e martin metafóriko di obedensia kontra e ánbelt di heru di e mandamentunan den un esfuerso pa forma esnan ku nos ta stima, dor di keintamentu i batimentu kontinuo, den asuntunan sagrado [i] selestial.

Sin duda den esaki, ku tin tempu ku nos mester wòrdu firmemente mandá pa arepentí. Sigur, ku tin algun ku solamente por wòrdu alkansá di e manera aki.

Pero kisas tin un diferente metáfora ku por splika dikon nos ta obedesé e mandamentunan di Dios. Kisas obedensia no ta tantu e proseso di dobla, trose, i bati nos almanan den algu ku nos no ta. Na lugá di esaki e ta un proseso dor di kual nos ta deskubrí di kiko nos traha en realidat.

Nos a wòrdu kreá dor di e Dios todopoderoso. E ta nos Tata Selestial. Nos ta literalmente Su yunan spiritual. Nos ta trahá di material divino di mas presioso i altamente refiná, i p’esei nos ta karga den nos e sustansia selestial.

Aki na mundu, sinembargo, nos pensamentunan i akshonnan ta keda influensiá ku loke ta korupto, no santu, i impuru. E stòf i sushi di e mundu ta susha nos almanan, hasiendo e difísil pa rekonosé i kòrda nos derechi di nasementu i propósito.

Pero tur esaki por kambia ken nos ta di bèrdat. E divinidat fundamental di nos naturalesa ta keda. I e momento ku nos skohe pa inkliná nos kurason pa nos Salbador stimá i pone pia riba e kaminda di disípulado, tin biaha algu milagroso ta sosodé. E amor di Dios ta yena nos kurason, e lus di bèrdat ta yena nos mente, nos ta kuminsá pèrdè e deseo pa kometé piká; i nos no ke kana mas den skuridat.¹³

Nos ta kuminsá wak obedensia no manera un kastigu, pero komo un kaminda ku ta liberá pa nos destino divino. I gradualmente, e korupshon, stòf i limitashon di e mundu aki ta kuminsá laga kai. Eventualmente, e spiritu presioso eterno di e ser selestial den nos ta keda revelá i un resplandor di bondat lo bira nos naturalesa.

Bo Ta Digno Pa Wòrdu Salbá

Mi kerido Hermanos, mi kerido amigunan. Mi ta testifiká ku Dios ta wak nos manera realmente no ta--- i E ta mira [ku] nos ta digno pa wòrdu salbá.

Bo por sinti ku bo bida ta den ruiná. Bo por a kometé piká. Bo por tin miedu, rabia, yen di doló òf torturá dor di duda. Pero meskos ku e Bon Pastor ta haña su karné pèrdí, si bo djis lanta bo kurason na e salbador di e mundu, E lo haña bo.

E lo reskatá bo.

E lo hisa bo i poné bo riba su skoudernan.

E lo karga bo hiba kas.

Si mannan mortal por transformá piedranan i ruina den un kas bunita di adorashon, e ora ei nos por tin fe i konfiansa ku nos Tata Selestial amoroso por rekonstruí nos. Su plan ta pa kombertí nos den algu hopi mas grandi ku nos a yega di ta---hopi mas grandi ku nos por hamas imaginá nos mes, Ku kada paso di fe riba nos kaminda di disípulado, nos ta krese den e sernan di gloria eterno i infinito goso ku nos a wòrdu diseñá pa bira.

Esaki ta mi testimonio mi bendishon, i mi humilde orashon den e nòmber sagrado di no Maestro, den e nòmber di JesuCristu, amèn.