Kainanon te Tamnei ni Koaua
Ni katoa tai ni kakawakin te tataro e kona n riki n tabu ni kabanea te tai ma Tamara, n aran Iesu Kristo, man mwaakan te Tamnei ae Raoiroi.
Inanon te ikakorakora n te maiu ae mamate, ti aki tiku n ti ngaira ni katiaa ara mwakuri, ni buaka n ara buaka, ni kaaitarai mwakuri ni kakaitara ke ni ukori kaeka nakon titiraki. Iesu Kristo e reirei ma te kaikonaki bwa aomata a riai ba a na tataro n aki toki, ma n aki botu.” E tuanga te tia motikia-taeka are e aki mamaka te Atua ao e aki mutiakiania naba aomata. e okioki, temanna te aine ae mate buna e roko iroun teuarei, bubutia n iraki tangana nakon ana kairiribai. Imwina, te tia motikitaeka e iango. Ma n aron mwiin kakaonimakina ao ana bubuti ae eti, te tia motikia-taeka e roko n tokin ana iango, “ma e katabeaiangai te aine ae mate buna aei, N na ira tangana, bwa e aonga n aki kabotuai n rorokona.
Ngkanne Iesu e kabwarabwara:
Ao te Atua tiaki E na bon iri tangaia ake a rineaki I Rouna … ake a tang nako Ina ni ngaina ao ni bong?
“I tuangkami ba E a boni barekia n iri tangaia.”
Ao ngkanne te Uea e anga te titiraki aei: “Ma ngkana E roko Natin te Aomata, ao E na kunea te onimaki i aon te aba, ke E na aki?”1
Te tataro e kakawaki ni karikirakea te onimaki. Ngkana te Uea E na kuneia aomata te Uea ake a rabwakau n tataro n onimaki ao ake a karekea mwiina ae onoti ni katauraoi nakon karekean te kamaiuaki? “Bwa ane e taboa aran te Uea e na kamaiuaki.” 2 Ngaira natin Tamara i Karawa ae tangiraki, ao ti riai ni kukurei ibon iroura n reitiira ma Ngaia ngkana ti tataro “ma te nano ni koaua, ma nanom raoi, karekean te onimaki iroun Kristo” 3 ngkanne mwakuri ni kaeti nakon te kaeka ti karekea mairoun te Tamnei ae Raoiroi. N te onimaki ti tataro, ti ongora, ao ti ongotaeka bwa ti riai n reiakinna n riki n ti teuana ma te Tama ao te Nati.” 4
Te tataro n onimaki e kauka te kawai ni karekei mimitongin karawa ni kanakoi kakabwaia.Te Tia Kamaiu e reirei:
“Bubuti, ao kam na anganaki; ukeuke, ao ane e na reke iroum; karebwerebwe, ao e na kaukaki nakoim:
Kam na bubuti, ao ane kam anganaki; kam na ukeuke ao e na reke iroumi; kam na karebwerebwe ao ane e na kaukaki nakoimi.”5
Ngkana ti kantaningaia ni karekea, ti riai ni bubuti, ukeuke, ao karebwerebwe. Inanon ana ukeuke ibukin te koaua, Iotebwa Timiti e wareware man te boki ae tabu, “Ngkana akea ana rabwakau temanna I buakomi, ao e na butia te Atua ae tituaraoi n angangania aomata ni kabaneia, n aki nguregureakinia ao e na bon anganaki.”6 Ni kaekan ana tataro n onimaki,a uki karawa. Te Atua te Tama ao Natina, Iesu Kristo, a ruo inanon te mimitong ao a taetae nakon Iotebwa Timiti, ni moanaki inanon koron te bong. Te kakai ni kamarurung, mwaakan te kawakinaki, atatai mai karawa, karaoan te ikabwarabure, ao kakawakin te rau bon ibuakon te kaeka are e roko nakoira ngkana ti anga kainanon tamneira ni koaua ”7inanon te onimaki.
Ti tataro nakon Tamara, n aran ara Tia Kamaiu, Iesu Kristo, man mwaakan te Tamnei ae Raoiroi, n aron kabaeakiia ngaiia teniman kain taian Atua inanon ara tataro.
Ti tataro nakon Tamara i Karawa ao n tii ngaia ibukina boni Ngaia“te Atua i Karawa, are e korakora ao akea tokina, man akea tokina nakon akea tokina … , te tia karaoa karawa ao aonaaba, ao bwaai ni kabane ake inanoia.” Ngke ara Tia Karikibwai, E anga tuua are ti “riai n tangiria ao n toro irouna, ti ngaia te Atua ae koaua ao e maiu, ao are ngaia are ti ngaia n aomata are [ti] riai n taromauriia.”8
Ngkana ko tataro nakon Tamara i Karawa inanon te onimaki, “e na kabebeteko inanon am tai n rawawata … [ao kam na kona] ni katoonga ana tangira.” 9Beretitenti President Henry B. Eyring e tibwa ana tataro tamana inanon aki irakin te buaka ibukin te kaentia e reireiia ni koaua ibon irouna ana itangitangiri imarenan te Atua ao Natina:
“Ngkana te maraki e rikirake ni korakora, ti kunea n te ingabong iaon bubuani waena irarikin ana kainiwene. E a bon mamaara ni manga okira ana kainiwene. E tuangiira e tabe n tataro ni butia Tamana are i Karawa bukin tera e rang karawawataaki ngke e bon ataia e kataia ni kakaraoa ae raoiroi. E taku e roko te kaeka ae akoi: ‘Te Atua e kainanoiia natina mwaane aika ninikoria.’
“Ao ngaia e teimatoa ni karokoa te toki, ni kakoaua bwa te Atua e tangiria, e ongo irouna, ao e boutokaia. E kakabwaiaaki nakon kaman ataakina ao n aki mwaninga are te Atua n tangira e rang kai reke inanon te tataro.”10
Ti tataro inanon aran Iesu Kristo ibukin kamaiuara iroun Kristo, ao “ba bon akea te arana teuana I ani karawa ae a anganaki aomata, ae ti konaki ni kamaiuaki iai.”11 Ngkana ti nakon te Tama n aran Iesu Kristo ae tabu12 bukina Ngaia ara tia Boutoka ma te Tama ao E karaoi ara bubuti ibukira. 13 E karawawataaki, waanako raraana, ao mate nakon mimitongin Tamana, ao Ana nanoanga n tei ibukira e karekea te kawai ibukira n tatabemaniira ni karekea te rau n te maiu aei ao te maiu ae akea tokina n te aonaaba are e na roko. E aki tangiriira bwa ti na maraki ke n teimatoa ni kataakira riki nakon kainanoaki. E aki tangiriira n rairaki Nakoina ao ni kariaia anaakin rawawatara Irouna, ni kamaoi nanora, ao ni kaitiaka tamneira rinanon Mwaakana ni kaitiaki. Ti aki tangiria ni bakanrerea Arana ni kamatenanoa bwa te taeka. Tataro ni koaua n arana ae tabu Iesu Kristo bon kaotan ara tangira ni kakaitau, ara kakaitau ae akea tokiia, ao matoan nanora n tataro n te aro ae ti te arona. E tataro, ni karaoa ngke e karaoia, ao e riki n ai Arona.
Ti tataro man mwaakan te Tamnei ae Raoiroi bukina “ane e bubuti iroun te Tamnei e bubuti nakon ana kantaninga te Atua.”14 Ngkana ti tataro ma te onimaki, te Tamnei ae Raoiroi e kona ni kawakini ara iango bwa ara taeka ana ineti nakon ana kantaninga te Atua. “Tai bubuti, n te aro are ko na kona ni katoka nanom ni kaibwabwaru, ma bubuti ma te matoatoa ae e aki kona ni kamwaingaki, bwa kam na aki bwaka n te kaririaki, ma kam na beku iroun te Atua ae koaua ao e maiu.”15.
“E aki ti kakawaki bwa ti na rabwakau n tataro, ma a uaia ni kakaawaki bwa ti na atai aron karekean te kaeka nakon ara tataro, ni motiraoi nako iai, ni waekoa ni karaoia, ni kona n noora itiakin te taratara ao atatai ma itiakin karaoan te bwai ae ti na karaoia ni boraoi ma ana kantaninga te Atua ao bukina ni kaineti nakoira.”16
Beretitenti Eyring e tibwaua: “I tia ni karekea kaekaan au tataro. Kaekaana akanne a rang mataata bwa tera I tangiria n aki tabe iai ibukina e korakora aki raoiroina ni kainanoa ataakina bwa tera ae tangiria te Atua. Ngkanne bon te kaeka anne mairoun Tamara are i Karawa ae tangiraki e kona n taetae nakon ara iango ma te bwanaa ae maaraara, ma ni beebete ao ni kona ni kateaki inanomi.”17
Ngke te Tia Kamaiu e roko n te On aroka i Ketetemane, Tamneina e rang rawawata nakon te mate. Inanon Rawawatana, ti temanna are E na rairaki nakoina bon Tamana. E bubuti, “Ngkana tao e konaki ao e na nako mai Rou te mangko aei.” Ma E reitia, “Akea au taeka, ma bon ane I Roum.” 18 E ngae akea ana bure, te Tia Kamaiu e weteaki nakon “[karawawataaki] maraki, ao n rinanon te kainnano ni maraki ma te karawawataaki,” n ikotaki ma aorakiia ao mamaaraia Ana aomata. “[E];rinanon te maraki n aron te maiu n rabwata bwa e katoka iaona aia bure ana aomata, bwa e aonga ni kamaunai aia bure n aron mwaakan ana kamaiu.”19 E katenua ana tataro, “Tamau, ke tauaki am taeka.”20Te mangko e aki kanakoaki. Inanon te nanorinano, kakaonimaki n tataro E kakorakoraki n waakirake ao ni kakoroa itiakin Ana mition ni katauraoi ibukin kamaiuaira, riai n rairinanoia, kakoaua, te ongotaeka ao ni karekea te kakabwaia ae akea tokina.
Te kaeka nakon ara tataro e na bon aki kaineti nakon are ti tangiria. Ma inanon tain te kaangaanga , ara tataro a riki ni boutokaa n te tangira ao aamarau ni kan nanoangaaki, ti riai ni kakorakoraki n teirake man bubuaniwaera, ni waakirake ao kakoroi ni kabane bwa tera ti a tia ni katabuiira ni karaoia. Nakoia Ana Aomata aika a maeka inanon taai ni karawawataaki, te Uea e taku, “Kabebetei nanomi … ; bwa ni kabane iriko bon au karikibwai; kam na rau ao ataia bwa Ngai te Atua.”21
Tao ngkana ti tataro n onoti, ma ara utu, n te taromauri, n te tembora, ke te tabo iaara; ngkana ti tataro ma nanora ma nanora uruakin nanora ao te raraoman tamneira ni ukora te kabwarabure, wanawanan karawa, ke bebeten te korakoraaki n teimatoa, ti tataron taainako ma onraken nanora, ni kaan nakon te Atua n reitinako ibukin mwengaraoia koraki ake irarikira. Koauan te nano n anga ma te anua ni kakaitau ibukin mwaitin kakabwaia ao kakaitau ibukin te reirei n te maiu ni karekea te iango ae onoti inanoia ni kamatoaiia n onimakina Kristo, “raneanean te kantaninga,”ao tangiran te Atua ao ni kabaneia aomata.”22
Te tataro bon te bwaintangira mairoun te Atua. Ti aki riai n namakina te bua ke te maroaa. I kakoaua bwa ni kabane tataro ae kakawaki a kona ae tabu are ti kabanea ma Tamara, n aran Iesu Kristo, man mwaakan te Tamnei ae Raoiroi. Ara tataro a riai n nako man te nano ae koaua n anga inanon te onimaki n aron are ti na maeka ma te Atua ao n te bong teuana tina katauraoi nakon te kamaiuaki. N aran Iesu Kristo ae tabu, amen.