![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F0b%2F4b%2F0b4b9b2b5e4a3b2d4d5f30f07ae03df7980a6463%2F0b4b9b2b5e4a3b2d4d5f30f07ae03df7980a6463.jpeg/full/!250,/0/default)
E Dianan di Milager a Terminá?
Nos enfoke supremo lo mester ta riba e milagernan spiritual ku ta disponibel pa tur Dios su yunan.
Un aña pasá, na otorgamentu den e estado di California, mi a bai ku e presidente di staka pa bishitá Clark i Holly Fales i nan famia den nan hogar. Mi a wòrdu kontá ku resientemente nan a eksperenshá un milager. Ora nos a yega, Clark a bringa pa para i kumindá nos ya komo e tabatin un sosten di lomba, un sosten di garganta, i sosten na su brasanan.
Algu mas ku dos luna promé, Clark, su yu hòmber Ty, i manera un 30 otro hòmbernan hóben i lidernan a sali pa bai un aktividat aventurero di staka, kanando pa yega e kumbre na 4,322 mèter di haltura di e Seru Shasta, un di e puntonan di sero mas haltu den California. Riba e di dos dia di e kaminata pisá, mayoria di e subidónan di seru a yega e tòp—un prestashon eksitante ku tabata posibel dor di preparashonnan di lunanan.
Un di e promé personanan ku a yega pui e dia ei tabata Clark. Despues di sosegá un ratu na rant di e kumbre, e la para i kuminsá kana. Miéntras e tabata hasi esaki, e la trompeká i kai for di e rant di e baranka, sufriendo un kaida di manera un 12 mèter i despues kai for di kòntròl kantu di e inklinashon di eis pa un otro 91 mèter. Di manera remarkabel, Clark a sobrebibí pero tabata seriamente heridá i no tabata kapas di move.
E milagernan ku Clark a eksperenshá durante di e evento troumátiko aki tabata solamente kuminsando. Algun di e proménan ku a yega serka dje “pa kasualidat” tabata un grupo di alpinistanan ku tabata inkluí guianan di reskáte i profeshonalnan di medisina di emergensia. Inmediatamente nan a trata Clark kontra di shòk i a proveé mèdidanan pa tené kayente. E grupo aki tambe “pa kasualidat” tabata tèst un aparato di komunikashon nobo i a manda un petishon di emergensia pa yudansa for di un área kaminda telefònnan selular no por haña un siñal. Un helikòpter chikí inmediatamente a wòrdu mandá direkshon di Seru Shasta for di un lugá situá un ora leu. Despues di dos intento peligroso pero sin suseso pa aterisá na un altura ku tabata pusha e límite di e mashin, i bringando kontra di kondishonnan di bientu traishonero, e piloto a kuminsá un di tres i último intento. Sigun e helikòpter ta serka di un otro ángulo, e bientu “pa kasualidat” a kambia di rumbo i e mashin a aterisá sufisiente largu pa e grupo por a rapidamente i ku doló, pèrta Clark den e kompartimentu chikí tras di e piloto su stul.
Ora ku Clark a wòrdu evaluá na e sentro di emergensia i trouma, tèstnan a mustra ku el a sostené un kantidat di fraktura na su garganta, lomba, repchinan, i pòls; un pulmon borá; i un monton di kòrtánan i raspunan. Un siruhano di neurotrouma renombrá “pa kasualidat” tabata na warda e dia ei; e ta na i hòspital aki solamente un par di biaha pa aña. E dòkter aki despues a determiná ku nunka e no a Wak ningun hende sostené asina tantu daño na nan kolumna vertebral i arteria i biba. Clark no solamente tabata ekspektá di biba, pero tambe gana funshon kompletu di su kurpa. Deskribiendo su mes komo un hende ku no ta envolví den kerensha, e siruhano a bisa ku Clark su kaso ta bai kontra di tur su siñansa sientífiko over di daño di sistema di nervio i por solamente wòrdu deskribí komo un milager.
Sigun Clark i Holly a kaba di konta e relato intenso aki, mi tabata haña e difísil pa papia. E no tabata solamente dor di e milagernan evidente, pero dor di un mas grandi. Mi tabatin un impreshon profundo—un testimonio spiritual—ku Holly i kada unu di e sinku bunita yunan ku tabata sintá den e sala rondó di nan mayornan tin asina fe ku nan por a aseptá kualke konsekuensha ku por tabatin e dia ei i nan ainda lo a prosperá spiritualmente. Clark i Holly i nan dos yunan mayó, Ty i Porter, ta huntu ku nos awe den e Sentro di Konferensha.
Den deliberá over di e eksperensha di e famia Fales, mi a pensa hopi over di e sirkunstanshanan di asina tantu otronan. Kiko ta para di e innumerabel, yen di fe, risibiendo bendishon di saserdosio, ku orashon ta wòrdu hasí pa nan sin fin, tenedó di nan kombenio, yen di speransa, Santunan di delaster dianan kende su milager nunka lo yega? Por lo ménos na e manera ku nan ta komprondé un milager. Por lo ménos na manera ku otronan ta parse di risibí milagernan.
Kiko di esnan ku ta sufri di aflikshonnan profundo—físiko, mental, emoshonal—durante añanan òf dékadanan òf henter nan bida mortal? Kiko di esnan ku ta muri asina yòn?
Solamente dos luna pasá, dos pareha kasá ku ta tene rekomendashon di tèmpel, ku tres yunan komo misioneronan di regla i sinku yunan mas entre nan dos, a bai den un aeroplano chikí pa un buelo kòrtiku. Mi tin konfiansa ku nan a hasi orashon pa un buelo safe i a resa ardientemente ora nan aeroplano a enkontrá problemanan maksimal serio promé ku nan a haña aksidente. Niun no a sobrebibí. Kiko ta para di nan?
E bon hendenan i nan sernan kerí tin rason di hasi e pregunta ku a wòrdu puntrá dor di Mormon: “ E dia di milagernan a terminá?1
Mi sabiduria limitá no por splika dikon tin biaha tin intervenshon divino i otro biahanan no. Pero kisas nos ta falta un komprenshon di kiko un milager ta konstituí.
Hopi biaha nos ta deskribí un milager komo ta wòrdu saná sin un splikashon kompletu dor di siensia médiko òf manera evitá peliger katastrófiko dor di aktua riba inspirashon eksplísito. No opstante, definí un milaguer komo “un evento benefisiario tresé dor di poder divino ku mortalnan no ta komprondé”2 ta duna un perfektivo ekstenso den un materia ku karakter mas eterno. E definishon aki tambe ta laga nos kontemplá e ròl vital di fe den e reseta di milager.
Mormon a siña, “Tambe na ningun momentu niun no a organisá milager ku no ta despues di nan fe.”3 Amón a proklamá, “ Dios a proveé un moda pa hòmber, dor di fe, por hasi milagernan poderoso.”4 Señor a revelá na José Smith, “ Pasó Ami ta Dios, … i lo mustra milagernan … na tur esnan ku ta kere riba mi nòmber.”5
Rei Nebukadnesar a soña ku Shadrag, Meshag, i Abed-nego ta adorá e imágennan di oro ku el a pone komo dios, menasando, “Si bo no adorá, lo bo wòrdu tirá … meimei di un fòrnu di kandela kayente.” Despues el a insultá nan ku “Ken ta e Dios ku lo liberá bo for di den mi man?”6
E tres disipel debotonan a bisa: “Si ta asina ta, nos Dios ku nos ta sirbi por liberá nos for di e fòrnu di kandela kayente ... Pero si no, laga sa na bo, O rei, ku nos lo no sirbi bo diosnan.”7
Nan tabata poseé konfiansa kompletu ku Dios por salba nan, “pero si no,” nan tabata tin fe kompletu den Su plan.
Di mes manera, Elder David A. Bednar un biaha a puntra un yònkuman ku a pidi un bendishon di saserdosio, “Si ta e boluntat di nos Tata Selestial ku lo bo wòrdu trasladá den bo hubentut pa e mundu di spiritu pa kontinuá bo ministerio, lo bo tin e fe pa someté na Su boluntat i no wòrdu kurá?”8Nos tin e fe “[pa] no wòrdu kurá” di nos aflikshonnan mortal asina ku nos por wòrdu kurá eternamente?
Un pregunta krítiko pa meditá riba dje ta “Unda nos ta pone nos fe?” Nos fe ta enfoká simplemente riba ke ta wòrdu aliviá di doló i sufrimentu, òf e ta firmemente sentrá riba Dios e Tata i Su sagrado plan i den JesuCristu i Su Ekspiashon? Fe den e Tata i e Yu ta laga nos komprondé i aseptá Nan boluntat sigun nos ta prepará pa eternidat.
Awe mi ta testifiká di milagernan. Ta un yu di Dios ta un milager.9 Risibí un kurpa na Su imágen i semehansa ta un milager.10 E donashon di un Salbador ta un milager.11 E Ekspiashon di JesuCristu ta un milager.12 E potensia pa bida eterno ta un milager.13
Miéntras ku ta bon pa hasi orashon pa i traha pa protekshon físiko i sanashon durante nos eksistensia mortal, nos enfoke supremo lo mester ta riba e milagernan spiritual ku ta optenibel pa tur Dios su yunan. No ta importá nos etnisidat, no ta importá nos nashonalidat, no ta importá kiko nos a hasi si nos arepentí, no ta importá kiko por a wòrdu hasí kontra di nos---nos tur tin akseso igual na e milagernan aki. Nos ta biba un milager, i mas milagernan ta poné mas aleu. Den e nòmber di JesuCristu, amèn.