Eklipse Spiritual
No laga distraishonnan di bida tapa bo lus di shelu.
Na ougùstùs 21 di e aña aki, dos evento eksepshonal a sosodé ku a kaptura e atenshon di hende rònt mundu. E promé tabata e selebrashon di e 90 kumpleaño di nos kerido profeta, Presidente Thomas S. Monson. Durante tempu ei, ami tabata riba asignashon den Área Pasífiko i mi tabata entusiasmá ku e Santunan di Oustralia, Vanuatu, Nueva Zelandia, i Polinesia Franses no tabata solamente na altura di su logro personal aki, pero tambe a regosihá den su selebrashon. Mi a sinti mi fortuná di por a kompartí den nan ekspreshon kaluroso di fe i amor pa e gran hòmber aki. Ki inspirashon di por a mira e konekshon ku e Santunan di Delaster dia ta kompartí ku nan profeta.
Di mes, Presidente Monson, sabiendo di esnan ku ta deseá na bisé pabien, a deskribí e regalo di kumpleaño ideal: “Buska un hende ku ta pasando den un momentu difísil òf malesa òf soledat i hasi algu p’e. Esei ta úniko ku mi ta pidi.” Nos ta stima i sostené bo, Presidente Monson.
Eklipse Solar
E otro evento eksepshonal i selestial riba e mesun dia i a koutivá miónes rònt mundu tabata e eklipse solar total. Esaki tabata promé biaha ku un eklipse asin’ei a marcha riba hinter Merka den 99 aña. Abo a yega di mira un eklipse solar? Kisas mi por deskribí esaki den mas detaye.
Un eklipse solar total ta sosodé ora e luna ta move entre mundu i e solo, kasi blòkia kompletamente kualke lus di e superfisie di solo. E hecho ku esaki por para ta un maravia pa ami. Si bo por imaginá e solo komo e tamaño di un tayer di baiskel, e luna den komparashon lo ta djis mané e tamaño di un piedra chikitu.
Kon por ta posibel ku e mesun fuente di nos kayente, lus, i bida por wòrdu skuresé dor di algu komparativamente insignifikante den tamaño?
Maske e solo ta 400 bia mas grandi ku e luna, e ta tambe 400 biaha mas leu for di e mundu. For di e perspektiva di mundu, e geometria ta hasi ku e solo i luna ta paresé di ta mesun tamaño. Ora nan dos alinea perfekto, e luna ta parse di skuresé e solo kompleto. Amigunan i famianan di mi ku tabata den e zona di eklipse a deskribí kon lus a wòrdu remplasá pa skuridat, e streanan a aparesé, paranan a stòp di kanta. E airu a bira friu, miéntras temperatura den un eklipse por baha te na un 20 grado Fahrenheit (11 grado Celsius).
Nan a deskribí un sentido di temor, asombro, i hasta ansiedat, sabiendo ku eklipse ta trese sierto peliger, Sinembargo, nan tur a ehersé kuidou pa prevení daño permanente na wowo òf “bira siegu dor di eklipse” durante di e evento di eklipse. Siguridat tabata posibel pasobra nan a bisti brel ekipá ku filter di lèns spesial pa protehé nan wowo for di daño potensial.
E Analogia
Den e mesun manera ku e luna chikitu ei por blòkia e solo magnífiko, pagando su lus i kayente, un eklipse spiritual tambe por sosodé ora nos permití opstrukshonnan chikitu i problemátiko yega asina serka ku nan ta blòkia e magnitut, brio, i kayente di e lus di JesuCristo i Su evangelio.
Elder Neal A. Maxwell a hiba e analogia aki mas leu ora e la deklará: “Hasta algu asina chikitu manera e dùim di hende, ora bo pone serka di bo wowo, por hasié siegu na e solo asina grandi. I asina e solo tei ketu. Siegedat ta wòrdu trese riba hende pa nan mes. Ora nos trese kosnan muchu serka, pone nan na promé lugá, nos ta skuresé nos vishon di shelu.”
Klaramente, ningun di nos ke skuresé nos vishon di shelu a propósito òf permití un eklipse spiritual pa sosodé den nos bida. Laga mi kompartí algun pensamentu ku por yuda bo den prevení un eklipse solar di kousa nos daño spiritual permanente.
Brel di Evangelio: Mantené un Perspektiva di Evangelio
Bo ta kòrda mi deskripshon di brel spesial usa pa protehé esnan ku ta wak e eklipse solar pa no daña nan wowo òf hasta siegedat di eklipse? Mirando na e eklipse spiritual pa medio di lènsnan ku ta protehá i suavisá di e Espíritu ta proveé un perspektiva di evangelio, pues protehiendo nos for di siegedat spiritual.
Laga nos konsiderá algun ehèmpel. Ku e palabranan di e profetanan den nos kurason i e Espíritu komo nos konsehero, nos por wak na un lus selestial parsialmente blòkia pa medio di “brel di evangelio” evitando e daño di un eklipse spiritual.
Pues kon nos ta bisti nos brel di evangelio? Aki tin algun ehèmpel: Nos brel di evangelio ta informá nos ku Señor ta deseá pa nos partisipá di e sakramentu tur siman, pa nos studia e skrituranan i tin orashon diario. Tambe nan ta informá nos ku Satanas lo tenta nos i e ta buska pa kita for di nos e albedrio pa medio di distraishonnan i tentashonnan mundano. Hasta den dianan di Yòp, tabata tin eklipse spiritual, deskribí komo: “Nan a topa ku skuridat den dia kla, i kana buska den dia meskos ku den anochi.”
Rumannan, ora mi papia di wak pa medio di e brel di evangelio, mi no ta sugerí pa nos no rekonosé òf diskutí e desafionan ku nos ta enfrentá ora nos ta kana felismente ignorante di e trampanan i maldat ku e enemigu a pone dilanti di nos. Mi no ta papiando di bisti brel di palu – pero hustamente e kontrario. Mi ta sugeriendo pa nos wak e desafionan pa medio di e lèns di e evangelio. Elder Dallin H. Oaks a opservá ku “perspektiva ta e abilidat pa wak tur informashon relevante i relashonnan signifikativo.” Un perspektiva di evangelio ta ekspandé nos bista pa un mirada eterno.
Ora no bisti bo brel di evangelio, bo perspektiva ta oumentá, bo enfoke, bo vishon den bo manera ku bo ta pensa tokante bo prioridatnan, bo problemanan, bo tentashonnan, i hasta bo erornan. Bo ta mira lus mas briante ku bo no por mira sin nan.
Eróneo, no ta solamente e negativo por kousa un eklipse spiritual. Hopi biaha, esfuersonan atmirabel i positivo por wòrdu trese asina serka ku nan ta blòkia e lus di evangelio i trese skuridat. E peligernan aki òf distraishon por inkluí edukashon i prosperidat, poder i influensia, ambishon, hasta talento i donnan.
Presidente Dieter F. Uchtdorf a siña nos ku “kualke virtut ora e wòrdu hiba na un ekstremo por bira un bisio. … Ta yega un punto kaminda logronan por bira baranka i ambishonnan, albatròs rònt di nos garganta.”
Laga mi kompartí den mas detaye ehèmpelnan ku por bira katalisadó pa evitá nos propio eklipse spiritual.
Medionan Sosial
Algun luna pasa mi a papia na un Konferensia di Hende Muhé di BYU. Mi a deskribí kon teknologia, inkluyendo medionan sosial, ta fasilitá kompartí “e konosementu di e Salbador … na tur nashon, famia, lenga, i hende.” E teknologianan aki inkluyendo e página wep di Iglesia manera LDS.org i Mormon.org; aplikashonnan mobil, manera Libreria di Evangelio, Kanal Mormon. LDS Tools, i Palu di Famia: i plataformanan di medio sosial, inkluyendo Facebook, Instragram, Twitter, i Pinterest. E modalidatnan aki ta generá miónes i miónes di mi gusta, kompartí, bishita, twits, i pins i ta hopi efektivo den kompartí e evangelio ku famia, amigunan i esnan ku ta asosiá.
Tur e virtutnan i uso apropiá di e teknologianan aki apesar, tin rísikonan asosiá ku nan, ora trese nan muchu serka, por pone nos den un eklipse spiritual, potensialmente blòkia e brio i kayente di e evangelio.
E uso di medio sosial, aplikashon mobil, i weganan por gasta hopi di nos tempu i redusí interakshon di kara pa kara. E pèrdida di kombersashon personal por afektá matrimonio, tuma e lugá di práktikanan spiritual balioso, i wanta e desaroyo di abilidatnan sosial, espesialmente bou di hubentut.
Dos rísiko adishonal relatá na medio sosial ta e realidat idealisá i komparashon ku ta debilitá.
Hopi (si no ta mayoria) di pòrtrètnan publiká riba medio sosial tin tendensia di mustra bida den su mihó momento – hopi biaha irealístiko. Nos tur a mira imágennan bunita di dekorashon di hogar, lugánan di fakansi maravioso, pòrtrètnan ku sonrisa, preparashon di kuminda elaborá, i kurpanan kasi imposibel pa logra.
Akinan, por ehèmpel, tin un imágen ku bo por mira komo un kuenta di un hende su medio sosial. Sinembargo e no ta kapta e imágen kompleto di kiko ta sosodiendo realmente den un bida real.
Komparando nos propio eksistensia aparentemente averahe ku otronan bidanan bon editá, perfekto manera representá riba medio sosial por laga nos ku sentimentunan deskurashá, envidia, i hasta frakaso.
Un persona ku a kompartí un kantidat di portrèt di su mes a bisa, kisas parsialmente komo broma, “Kiko ta e motibu di ta felis si bo no ta bai publiká esaki?”
Manera Hermana Bonnie L. Oscarson a rekordá nos e mainta aki, éksito den bida no ta bini dor di kuantu mi gusta nos haña òf kuantu amigunan riba medionan sosial òf segundonan nos tin. E tin, sinembargo, di aber ku algu konektá signifikativo ku otronan i agregá lus na nos bida.
Ta di spera, ku nos por siña ta mas real, enkontra mas humor, i eksperensia ménos deskurashamentu, ora nos wòrdu konfrontá ku imágennan ku ta mustra en realidat idealisá i ku hopi biaha ta hiba bon a komparashon ku ta desabilitá
Komparashon aparentemente no ta solamente un señal di nos tempu. Apòstel Pablo a atvertí e hendenan di su tempu pa “nan midi nan mes ku nan mes, i kompará nan mes entre nan mes, no ta sabio.”
Ku asina tantu teknologia apropiá i inspirá, laga nos us’é pa siña, inspirá, alsa, i enkurashá otronan pa bira nan mihónan – en bes di publiká nos mes virtual idealisá. Laga nos siña i demonstrá e uso korekto di teknologia na e generashon kresiente i atvertí kontra peligernan asosiá i e uso destruktivo di dje. Mirando medionan sosial pa medio di e lèns di e evangelio por prevení e di bira un eklipse spiritual den nos bida.
Orguyo
Laga nos atendé e bloke di tropieso bieu ku ta orguyo. Orguyo ta e kontrali di humildat, kua ta e “deseo di someté na e boluntat di Señor.” Ora ta orguyoso, nos tin tendensia di tuma honor pa nos mes den bes di dun’é na otronan, inkluyendo Señor. Orguyo hopi bia ta kompetitivo; e ta e tendensia di buska pa optené mas i presumí ku nos ta mihó ku otronan. Orguyo hopi biaha ta resultá den sintimentu di rabia i odio; e ta kousa un di tene renkor òf di wanta pordon atras. Orguyo ta wòrdu guli den e atributo Kristian di humildat.
Relashonnan, hasta esnan ku famianan serkano i esnan stima, espesialmente ku famianan serkano i esnan stima – hasta entre kasa – ta wòrdu nutri den humildat i frustra dor di orguyo.
Hopi aña pasa un ehekutivo di un tienda grandi a yama mi pa papia tokante di su kompania ku tabata bai wòrdu kumpra dor di un di su kompetidornan. E i un kantidat di empleado di e ofisina prinsipal tabata ekstremadamente ansioso ku nan por pèrdè nan trabou. Sabiendo ku mi tabata bon konosí ku e mènedjer prinsipal di e kompania ku ta bai kumpra nan, e la pidi mi si mi por introdusié nan dos i duna un bon referensia na su nòmber, hasta regla un reunion pe. E la konkluí ku e siguiente deklarashon: “Bo sa kiko nan ta pisa? ‘E humilde lo muri!’”
Mi a komprondé su komentario komo algu mas di djis un humor. Mi a komprondé e humor. Pero tabata tin un prinsipio importante ku mi a sinti ku lo ta di bon uso p’e. Mi a kontest’é, “En realidat, esei no ta loke nan ta bisa. De echo, e ta nèt kontrali. ‘E mansu … lo heredá e mundu’ ta loke nan ta bisa.”
Den mi eksperensia den Iglesia meskos ku den mi karera profeshonal, algun di e hendenan mas grandi, i mas efikas ku ma yega di konosé tabata entre esnan mas mansu i humilde.
Humildat i mansedumbre ta pas den un wante. Ku nos por kòrda ku “ningun ta akseptabel dilanti di Dios, salvo e mansu i humilde di kurason.”
Ta mi orashon ku nos lo purba na evitá e eklipse solar di orguyo i brasa e virtut di humildat.
Konklushon
Den konklushon, e eklipse solar ta bèrdat un fenómeno remarkabel di naturalesa durante kua e bunitesa, kayente, i lus di e solo por wòrdu kompletamente tapa dor di un opheto komparativamente insignifikante, kousando skuridat i friu.
Un fenómeno similar por wòrdu repliká den e sentido spiritual, ora materianan chikitu i insignifikante ta wòrdu trese serka i blòkia e beyesa, kayente i lus selestial di e evangelio di JesuCristo, remplasando e pa skuridat friu.
Brel diseñá pa protehá e bista di esnan den e zona di un eklipse solar total por prevení daño permanente i hasta seguedat. Brel di evangelio ta konsistí di un konosementu i testimonio di e prinsipionan di evangelio i ordenansanan ta proveé protekshon spiritual i klaridat pa esnan eksponé na e peligernan di un eklipse spiritual.
Si bo diskubrí kualke kos ku ta parse di ta blòkia bo felisidat i lus di e evangelio den bo bida, mi ta invitá bo pa wak pa medio di e lèns di evangelio i no permití materianan insignifikante i inkonsekuente skuresé bo bista eterno di e gran plan di felisidat. Den rekuento, lo laga e distraishonnan tapa e lus di shelu.
Testimonio
Mi ta kompartí mi testimonio ku no ta importá e tropieso ku por blòkia nos vishon di e lus di evangelio, e lus tei ketu bai. E fuente di kayente, bèrdat, i brio ta e evangelio di JesuCristo. Mi ta duna testimonio di un Tata Selestial amoroso; Su Yu, JesuCristo; i Su ròl komo nos Salbador i Redentor. Den nòmber di JesuCristo, amèn.