E Nesesidat dilanti Nos

Pa Bonnie L. Oscarson

Presidenta General di Mujeres Jovenes

Algun di e nesesidatnan di mas signifikante ku nos por satisfasé ta den nos mes famia, entre nos amigunan, den nos barionan, i den nos komunidatnan.

Den dianan resien nos a mira un kantidat grandi di desasternan natural na Méhiko, Merka, Asia, den Karibe, i Afrika. el a saka afó e mihó di e hende ora milnan a bin dilanti pa yuda esnan ku ta den peliger òf nesesidat i kende a sufrí pèrdida. Mi tabata alegrá pa wak e Mujeres Jovenes na Texas i Florida kende, ku hopi otronan, a bisti e T-shirtnan hel di Mannan Ku Ta Yuda i ta yudá limpia kasnan di kos di sushi despues di e horkannan resien. Hopi milnan mas gustosamente lo ker a bai na e sentronan di nesesidat si e no tabata pa e distansia. Na lugá di esaki, boso a ofresé donashonnan generoso pa aliviá sufrimentu. Boso generosidat i kompashon ta inspiradó i manera Cristo lo hasi.

Awe mi kier menshoná un aspekto di sirbishi ku mi ta sinti ta importante pa tur—no importá unda nos ta lokalisá. Pa esnan di nos ku a wak notisia di eventonan resien i a sinti indefenso pa sa kiko pa hasi, e kontesta por ta defakto djis dilanti nos.

E Salbador a siña, “Pasobra esun ku ke salba su bida, lo pèrd’é, ma esun ku pèrdè su bida pa mi motibu, lo salb’é it.”¹ Presidente Thomas S. Monson a bisa di e skritura aki: “Mi ta kere e Salbador ta bisando nos ku sekante nos ta pèrdè nos mes den sirbishi na otronan, tin tiki propósito pa nos mes bida. Esnan ku ta biba pa nan mes so eventualmente ta marchitá i figurativamente pèrdè nan bida, miéntras esnan ku ta pèrdè nan mes den sirbishi na otronan ta krese i floresé—i defakto ta salba nan bida.”²

Nos ta biba den un kultura unda mas i mas nos ta enfoká riba e pantaya chikí den nos man ku nos ta riba e hendenan rònt di nos. Nos a supstituí manda mensahenan i “tweeting” pa defakto mira un hende den wowo i smail òf, ainda mas raro, tin un kombershon kara ku kara. Hopi biaha nos ta mas preokupá ku kuantu siguidó i “like” nos tin ku pone un brasa rònt un amigu i mustra amor, preokupashon, i interes tangibel. Mes asombroso teknologia moderno por ta pa plama e mensahe di e evangelio di JesuCristo i yuda nos pa keda konektá ku famia i amigunan, si nos no ta vigilante den kon nos ta usa nos dispositivonan personal, nos tambe por kuminsá bira paden i lubidá ku e esensia di biba e evangelio ta sirbishi.

Mi tin tremendo amor pa i fe den esnan di boso ku ta den boso hubentut i añanan di adulto yòn. Mi a wak i sinti di boso deseonan pa sirbi i hasi un diferensia den e mundu. Mi ta kere ku mayoria di miembro ta konsiderá sirbishi pa ta na e kurason di nan kombenionan i disípulado. Pero mi tambe ta kere ku tin biaha e ta fásil pa hera algun di e oportunidatnan mas grandi pa sirbi otronan pasobra nos ta distraí òf pasobra nos ta mirando pa maneranan ambisioso pa kambia e mundu i nos no ta wak ku algun di e nesesidatnan mas signifikante nos por satisfasé ta den nos mesun famianan, entre nos amigunan, den nos barionan, i den nos komunidatnan. Nos ta wòrdu toká ora nos ta wak e sufrimentu i gran nesesidat di esnan na e otro parti di mundu, pero nos por ta faya di wak ku tin un persona ku tin mester di nos amistat sintando djis banda di nos den klas.

Ruman Linda K. Burton a konta e storia di e presidenta di Sosiedat di Sokoro di staka kende, trahando ku otronan, a kolektá dekelnan pa hende den nesesidat durante e añanan 90. “E ku su yu muhé a kore un trùk yená ku tur e dekelnan ei for di London pa Kosovo. Riba su kaminda pa kas el a risibí un impreshon spiritual inekibokabel ku a senk hundu den su kurason. E impreshon tabata esaki: ‘Loke bo a hasi tabata un hopi bon kos. Awor, bai kas, krusa e kaya, i sirbi bo bisiña!’”³

Ki bon e ta hasi pa salba e mundu si nos ta neglishá e mester di esnan mas serka di nos i esnan kende nos ta stima miho? Kon hopi balor tei den drechá e mundu si e hende rònt di nos ta kayendo fo di otro i nos no ta tuma notá? Tata Selestial por a poné esnan ku mester di nos mas serka na nos, sabiendo ku nos lo ta mihó kalifiká pa satisfasé nan nesesidatnan.

Tur hende por haña maneranan pa ofresé sirbishi di Kristian. Mi konsehera, Ruman Carol F. McConkie, resientemente a konta mi tokante su nieta di 10 aña Sarah kende, ora el a realisá ku su mama tabata malu, a disidí riba su mes pa yuda. el a lanta su ruman ómuhé chikí, yud’é bisti paña, skeiru su djente, drecha su kabei, i a kome desayuno pa asina su mama por a deskansá. el a hasi e akto simpel di sirbishi aki ketu bai sin a wòrdu pidi pasobra el a wak un mester i a deseá pa yuda. No solamente Sarah a bendishoná su mama, pero ami ta sigur ku e tambe a sinti alegria sabiendo el a hasi e karga di un ser kerí mas lihé i, riba e kaminda, a fortalesé su relashon ku su ruman muhé. Presidente James E. Faust a bisa: “Sirbi otronan por kuminsá na kualke edad. … E no mester ta riba un gran eskala, i e ta e mas nobel den nos famia.”⁴

Muchanan, boso ta realisá kuantu e ta nifiká pa boso mayornan i miembronan di famia ora boso ta wak pa maneranan pa sirbi na kas? Pa esnan den nan hubentut, fortalesiendo i sirbiendo boso miembronan di famia lo mester ta bou di boso prioridatnan mas haltu ora boso ta wak maneranan pa kambia e mundu. Demonstrando kariño i preokupashon pa boso rumannan i mayornan ta yuda kreá un ambiente di unidat i ta invitá e Spiritu den boso hogar. Kambiando e mundu ta kuminsá ku fortalesé boso mes famia.

Un otro area di enfoke pa nos sirbishi por ta den nos famianan di bario. Okashonalmente nos yunan ta hasi nos e pregunta, “Dikon mi tin ku bai Mutual? Simplemente mi no ta saka nada for di dj’e.”

Si mi tabatin un bon momentu di ta un mayor, mi lo kontesta, “Kiko ta laga bo pensa ku bo ta bai Mutual pa algu ku abo ta saka for di dje?”

Mi amigunan yòn, mi por garantisá ku semper lo tin un hende den kada reunion di Iglesia ku bo ta asistí kende ta sinti nan so, kende ta bayendo dor di retonan i mester un amigu òf kende ta sinti ku e no ta pertenesé. Bo tin algu importante pa kontribuí na kada reunion òf aktividat, i Señor ta deseá pa bo wak rònt di bo na hendenan di mesun interes i e ora ministrá manera E lo hasié.

Elder D. . at di Santunan ku lo sostené un pa otro den e ‘kaminda stret i smal kua ta guiá pa eterno bida.’” E ta kontinuá di bisa, “E religion aki no ta konserní solamente ku mes; mas bien, nos ta yamá pa sirbi. Nos ta e wowonan, mannan, kabes, pianan, i otro miembronan di e kurpa di Cristo.”⁵

E ta bèrdat ku nos ta atendé nos reunionnan di Iglesia kada siman pa partisipá den ordenansanan, siña doktrina, i wòrdu inspirá, pero un otro rason hopi importante pa atendé ta ku, manera un famia di bario i manera disipelnan di e Salbador JesuCristo, nos ta kuida otro, enkurashá otro, i haña maneranan pa sirbi i fortalesé otro. Nos no ta solamente risibidónan i tumadónan di loke ta wòrdu ofresé na iglesia; tin mester pa nos ta dunadónan i proveédónan. Mujeres Jovenes i Hombresa Jovenes, otro biaha boso ta na Mutual, en bes di tuma boso selular den boso man pa wak kiko boso amigunan ta hasiendo, stòp, wak rònt, i puntra boso mes, “Ken mester di mi awe?” Por ta bo ta e yabi pa alkansa i toka e bida di un hende igual óf ta duna enkurashamentu na un amigu kende ta ketuketu luchando.

Puntra bo Tata Selestial pa mustra bo esnan rònt di bo ku mester di bo yudansa i inspirá bo riba kon pa sirbi nan mihó. Kòrda ku e Salbador mas biaha tabata ministrá un persona kada biaha.

Nos nieto Ethan tin 17 aña. Mi a wòrdu konmové e verano aki ora el a konta mi ku, inspirá pa su mama su ehèmpel, e ta resa kada dia pa tin un oportunidat pa sirbi un hende. Miéntras nos tabata pasando tempu ku su famia, mi a opservá kon Ethan tabata trata su rumannan ku pasenshi, amor, i kariño i ta yuda su mayornan; i wak pa maneranan pa ekstendé su mannan na otronan. Mi ta impreshoná ku kon konsiente e ta di e hendenan rònt di dj’e i di su deseo pa sirbi nan. E ta un ehèmpel pa mi. Hasiendo manera Ethan ta hasi—invitá Señor pa yuda nos haña maneranan pa sirbi—lo permití e Spiritu pa habri nos wowonan pa wak e nesesidatnan rònt di nos, pa wak e “un” ku mester nos e dia ei, i pa sa kon pa ministrá na dje.

Adishonalmente na sirbi bo famia i bo miembronan di bario, wak pa oportunidatnan pa sirbi den bo besindario i komunidat. Miéntras na sierto tempunan nos ta yamá pa yuda ku un desaster mayor, riba un base dia pa dia nos ta wòrdu enkurashá pa wak pa oportunidatnan den nos propio áreanan pa hisa i yuda esnan ku nesesidat. Resientemente mi a wòrdu instruí pa e Presidente di Area, sirbiendo den un pais kua tin hopi retonan temporal, ku e mihó manera di yuda esnan den nesesidat den otro partinan di e mundu ta pa paga un generoso ofrenda di ayuno, kontribuí na e Iglesia su Fondo pa yudansa Humanitario, i pa wak pa maneranan pa sirbi esnan den nos propio komunidat na unda bo ta biba. Djis imaginá kon e mundu lo ta bendishoná si nos tur sigui e konseho ei!

Rumannan, i spesífikamente e hóbennan, miéntras boso ta birando mas manera e Salbador Jesu Cristo i biba boso kombenionan, boso lo kontinuá pa ta bendishoná ku deseonan pa aliviá sufrimentu i yuda esnan ku ta ménos afortunadamente. Korda ku algun di e nesesidatnan mas grandi por ta nèt dilanti bo. Kuminsá bo sirbishi den boso hogarnan i den boso famianan. Esaki ta e relashonnan ku por ta eterno. Asta si—i por ta spesialmente si—bo situashon familiar ta ménos ku perfekto, bo por hañá maneranan pa sirbi, hisa, i fortalesé. Kuminsá unda bo ta, stima nan manera nan ta, i prepará pa e famia bo kier tin den e futuro.

Resa pa yudansa den rekonosé esnan den boso famianan di bario ku mester amor i enkurashamentu. Apesar di atendé iglesia ku e pregunta di “Kiko mi lo bai saka for di e reunion aki?” puntra, “Ken mester di mi awe? Kiko mi tin pa kontribuí?”

Segun boso ta bendishoná boso mesun famianan i miembronan di bario, wak pa maneranan pa bendishoná esnan den boso komunidat lokal. Sea si bo tin tempu pa sirbishi ekstensivo òf por solamente bo Konferensia General òktober 2017 duna algun ora pa luna, bo esfuersonan lo bendishoná bidanan i tambe lo bendishoná bo den maneranan bo no por kuminsá di imaginá.

Presidente Spencer W. Kimball a siña: “Dios ta tuma nota di nos, i e ta kuida nos. Pero e ta mas tantu dor di un otro persona ku e ta satisfasé nos nesesidatnan.”⁶ aga nos tur rekonosé e privilegio i bendishon e ta pa partisipa den kumpli e obra di nos Tata Selestial miéntras nos ta satisfasé e nesesidatnan di Su yunan ta mi orashon den e nòmber di JesuCristo, amèn.