Buska for di e Mihó Bukinan
Miéntras nos ta studia di e mihó bukinan, nos ta protehé nos mes di e garanan menasante di esnan ku ta buska na kita for di nos raisnan spiritual.
Un mainta trempan, m’a mira un bichi grandi bon kamuflá riba un mata di rosa. For di e manera ku algun di e matanan sin blachi, tabata opvio, hasta pa e opservador kasual ku e bichi a bin ta kome e blachinan tierno manera garanan menasante. Di forma di un Alegoria, mi no por a yuda di pensa ku tin hende ku ta manera e bichi aki; bo ta haña nan rònt mundu, i algun ta bon disfrasá djis pa nos permití nan den nos bida, i promé ku nos sa, nan a kome kita for di nos raisnan spiritual i di nos famianan i amigunan.
Nos ta biba den un dia ku mal informashon tokante nos kreensia ta abundá. Den tempunan manera esaki, un fayo pa protehá i hasi nos raisnan spiritual mas profundo ta un invitashon pa nan kou dor di esnan ku ta buska pa destruí nos fe den Kristu i nos kreensia den Su Iglesia Restourá. Den tempunan di e Buki di Mormon, tabata Zeezrom ku a buska pa destruí e fe di e kreyentenan.
Su akshonnan i palabranan tabata “un trampa di e atversario, kual e … a pone pa gara [e] hendenan, pa e por hasi [nan] dependiente na e, pa e por gara [nan] ku su kadenanan” (Alma 12:6). E mesun trampanan ta eksistí awendia, i si nos no ta vigilando spiritualmente i konstruí un fundeshi sigur riba nos Redentor (wak Helaman 5:12), nos por haña nos mes den gara ku Satanas su kadenanan i wòrdu hiba pokopoko den e kaminda prohibí menshoná den e Buki di Mormon (wak 1 Nefi 8:28)
E Apòstel Pablo a duna un atvertensia den su dia ku ta aplikabel den nos dia: “Pasobra mi sa esaki … di boso mes hende lo lanta, papiando kosnan perverso, pa atraé disípulonan pa bai nan tras” (Hecho 20:29–30).
Su atvertensia i esnan di e profetanan i apòstelnan ta rekordá nos ku nos mester hasi tur loke nos por pa fortifiká nos mes spiritualmente kontra e palabranan di oposishon i mentira. Ora mi ta bishita barionan i stakanan di Iglesia, mi ta wòrdu enkurashá pa loke mi ta mira, skucha, i sinti ora e Santunan ta respondé positivamente i fielmente na e enseñansanan di e Salbador i Su siervonan.
E oumento den opservá di e dia di reposo ta solamente un ehèmpel di miembronan fortifikando nan mes spiritualmente dor di skucha e invitashon profétiko. Fortalesé adishonal ta bisto den e oumento den tèmpel i historia familiar ora famianan ta reuní nan antepasadonan pa medio di ordenansanan di tèmpel. Nos rais spiritual ta bai mas huntu ora orashon personal i familiar sinsero bira bastionnan den nos fe, ora nos arepentí diariamente, buska e kompania di e Espíritu Santu, i siña di nos Salbador i Su atributonan i purba na ta manera E (wak 3 Nefi 27:27).
Nos Salbador, JesuCristo, ta e Lus di e Mundu, i E ta yama nos pa sigui E. Nos mester wak na E tur tempu i espesialmente si tin skuridat i nochinan di tormenta ora e tempestat di duda i insertidumbre, manera neblina, ta lastra. Si e dedenan ku ta mustra for di e “otro banda di e riu di awa, [kaminda] e edifisio grandi i espasio ta [para]” (1 Nefi 8:26) aparentá di ta dirigí riba bo den e aktitut di bofon, denigrante, i hasiendo seña, mi ta puntra pa bo bira bai inmediatamente asina bo no ta wòrdu persuadi dor di astusia i táktikanan pa separá bo mes for di e bèrdat i su bendishonnan.
Sinembargo, esaki so lo no ta sufisiente den e dia aki ora kosnan perverso ta wòrdu papia, skibi i deskribí. Elder Robert D. Hales a siña nos ku “si bo no ta kompletamente komprometé na e evangelio bibiente - bibando e ku tur bo ‘kurason, forsa, mente i poder’ - bo no por generá lus spiritual sufisiente pa pusha saka e skuridat”(“For di Skuridat bai den su Lus Maravioso,” Liahona, yüli 2002, 78). Sigur, nos deseo di sigui Kristu, ken ta e Lus di Mundu (wak Juan 8:12), ta nifiká ku nos mester aktua riba Su enseñansanan. Nos ta wòrdu fortalesé spiritualmente, fortifiká, i protehé si nos aktua riba e palabra di Dios.
Mas grandi e lus ta den nos bida, ménos sobra lo tin. Sinembargo, hasta den un abundansia di lus, nos ta eksponé na hende i komentario ku ta mal representá nos kreensia i ta tèst nos fe. E Apòstel Santiago a skibi ku “e prueba di [nos] fe ta produsí pasenshi” (Santiago 1:3). Ku e bista aki, Elder Neal A. Maxwell a siña ku “un disípulo ku pasenshi … lo no ta sorprendí ni tampoko kibra ora e Iglesia wòrdu mal representá”.(“Pasenshi” [Devoshonal di Universidat di Brigham Young, Nov. 27, 1979], speeches.byu.edu).
Preguntanan tokante e historia i kreensia di nos Iglesia ta lanta. Na unda nos ta bai pa haña e kontesta korekto ta rekerí hopi kuidou. No tin nada di gana den eksplorá e bista i opinion di esnan ménos informá of desenkantá. E mihó konseho a wòrdu duna dor di e Apòstel Santiago: “Si algun di boso falta sabiduria, lag’é pidi Dios”.(Santiago 1:5)
Puntrando Dios mester bin despues di un estudio kouteloso, pasobra nos ta bou di mandato di eskritura pa “buska for di e mihó bukinan palabranan di sabiduria; buska enseñansa, hasta dor di studia i tambe dor di fe”(D&C 88:118). Tin un abundansia pleno den e bukinan aki, skibi dor di lidernan di Iglesia inspirá di shelu i rekonosé, sigur, i eruditonan konfiabel i historia di Iglesia i doktrina. Bisando esaki, ningun ta surpasá e mahestuosidat di e palabra revelá di Dios den skrituranan kanóniko. For di e páginanan fini ei ku pero diki ku bista spiritual, nos ta siña e bèrdat pa medio di e Espíritu Santu i asina ki oumentá den lus.
Presidente Thomas S. Monson a implorá “nos pa studia bou di orashon i skrudiñá e Buki di Mormon kada dia” (“E Poder di e Buki di Mormon,” Liahona, Mei 2017, 87).
Vários aña pasa, miéntras sirbiendo komo presidente di e Mishon Fiji Suva, algun misionero ta tin un eksperensia ku a reforsá den nan e poder di konvertí di e Buki di Mormon. Un dia kayente i húmedo, dos elder a yega na un kas den un pueblo chikí na Labasa.
E bati na porta a wòrdu kontesta dor di un hòmber batí ku a skucha miéntras e misioneronan a testifiká tokante e berasidat di e Buki di Mormon. Nan a dun’é un kopia i invit’é pa lesa i hasi orashon pa sa, manera nan, ku e ta e palabra di Dios. Su kontesta tabata korto: “Mañan mi ta bai piska bek. Lo mi lesa ora mi ta riba laman, i ora mi bin bek, boso por bin bishita mi atrobe.”
Ora e no tabata tei, tabata tin kambio, i algun siman despues, un kompañerismo nobo di eldernan a regresá pa bishita e piskadó. Pa e tempu ei e la lesa hinter e Buki di Mormon, risibí konfirmashon di su berasidat i tabata deseoso pa sa mas.
E hòmber a wòrdu konvertí pa medio di e Espíritu Santu, ku a testiguá di e bèrdat di e palabranan presioso riba kada página di evento i doktrina siña hopi ten pasa i preservá pa nos dianan den e Buki di Mormon. E mesun bendishon ei ta disponibel pa kada un di nos.
E hogar ta e lugá ideal pa famianan studia i kompartí ideanan balioso for di eskrituranan, e palabranan di profeta, i akseso na material di Iglesia riba LDS.org. Einan lo bo haña un abundansia di informashon tokante e tópikonan di evangelio manera e rekuento di e Promé Vishon. Ora nos ta studia for di e mihó bukinan, nos ta protehé nos mes for di e garanan menasante ku ta buska pa morde kita for di nos raisnan spiritual.
Ku tur nos orashon, estudio, i skrudiñá, lo keda ainda algun pregunta sin wòrdu kontesta ainda, pero nos no mester laga e kandela di fe ku ta sende den nos wòrdu paga. Tipo di preguntanan asin’ei ta un invitashon pa traha riba nos fe i no mester karga un momentu engañoso di duda. Ta e mesun esensia di religion pa no tin un kontesta sigur riba tur pregunta, pasobra esaki ta un di e propósitonan di fe. Den e sentido ei, Elder Jeffrey R. Holland a siña nos ku “ora e momentunan ei yega i puntonan ta bin dilanti, e resolushon no tei mesora, tene duru na loke bo sa kaba i para duru te ora konosementu adishonal bin” (“Señor, Mi ta Kere,” Liahona, Mei 2013, 94).
Nos ta mira rondó di nos e goso di hopi ku ta para duru i kontinuamente ta nutri nan rais spiritual. Nan fe i obediensia ta sufisiente pa duna nan gran speransa den nan Salbador, i di esei ta sali gran felisidat. Nan no ta profetisá di sa tur kos, pero nan a paga e preis di sa sufisiente pa por tin pas i biba ku pasenshi miéntras nan ta buska pa sa mas. Liña riba liña, nan fe ta wòrdu ankra den Kristu, i nan ta para duru komo ko siudadano huntu ku e Santunan.
Laga kada un di nos biba di e manera ku e garanan menasante di bichi kamuflá no ta haña lugá, no awe ni nunka, den nos bida p’asina nos por keda “firme den fe di Kristu, hasta ten a final” (Alma 27:27). Den nòmber di JesuCristo, amèn.