![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd5%2Fa5%2Fd5a500c931c1cbd53b240b535f19365b5cd86fa1%2Fd5a500c931c1cbd53b240b535f19365b5cd86fa1.jpeg/full/!250,/0/default)
Tupã Mborayhu
Ñande Ru ha ñane Rredentor ñande rovasákuri tembiapoukapykuéra reheve, ha ñañe’ẽrendúvo Hembiapokapykuérare, ñañandu renyhẽve ha pypukuve mborayhu porã Ha’ekuéra orekóva.
Ñande Ru Yvagapegua ñande rayhu mbarete ha porãmbaite.1 Imborayhúpe, Ha’e ojapo’akue peteĩ plan, peteĩ rredensiõ ha vy’apavẽ plan, ome’ẽ hag̃ua ñandépe opa oportunida ha góso jahupytyséva, pévape oike opa mba’e Ha’e ha’éva ha oguerekóva2 Kóva oiko hag̃ua, Ha’e oikuave’ẽkuri Ita’ýra Ohayhuetéva jepe, Jesucristo, ñane Rredentor ramo. “Ohayhuetégui Tupã ko múndope ome’ẽva’ekue Ita’ýra peteĩetévape, opavave ojeroviáva guive Hese ani hag̃ua oñehundi, ha oguereko hag̃ua uvei tekove ijapyra’ýva”.3 Imborayhu ha’e peteĩ túva mborayhu potĩ—universal opavavépe g̃uarã, ha personal káda uno-pe.
Jesucristo okomparti Túvandi peteĩchagua mborayhu. Pe Túva ojapo ypyrõguare Iplan tuicha vy’apavẽ rehegua, Ha’e ojerure’akue peteĩme o’actua peteĩ Salvador ramo, ñanerredimi hag̃ua—párte imba’eguasúva upe plan-pe. Jesús oñevoluntariákuri “Ápe che aime, chemondo Chéve”.4 Pe Salvador “ndojapói mbaʼeve ndahaʼéiramo yvóra mbaʼeporãrã; haʼe ohayhúgui yvórape, omeʼẽ meve hekove ogueru hag̃ua mayma yvypórape hendive. Upévare, nomandái avavépe ani hag̃ua oike isalvasiõme”.5
Ko mborayhu divíno omeʼẽvaʼerã ñandéve heta moangapyhy ha jeroviapy, ñañembo’e jave Túvape Cristo rérape. Avave ñandekuéra ndaha’éi ojeikuaa’ỹva Chupekuérape. Ani ñandepy’aheta ñahenói hag̃ua Tupãme, ñañandúrõ jepe naimarangatuiha ñande reko. Ikatu jajerovia Jesucristo misericordia ha méritore ñañehendu hag̃ua.6 Japytáramo Tupã mborayhúpe, menove ñadepende ambuekuéra aprovasiõre ñande guia hag̃ua.
Tupã mborayhu Ndohejareíre Angaipa; Oikuave’ẽ uvei Rredensiõ.
Tupã mborayhúpe oikepaitégui, oĩ he’íva “iñinkondisionalha”, ha kóicha ohechágui hikuái iñakãme, ikatu oimo’ã umi Tupã jehovasa iñinkondisionalha”, ha pe salvasiõ iñinkondisionalha”. Ndaha’éi péicha. Oĩ he’íva “Pe Salvador cherayhu che ha’ehaichaite”, ha kóva ningo añete. Ha katu Ha’e ndaikatúi ñande gueraha Irréinope ñande ha’ehaichaite, “mba’eve iky’áva ndaikatúigui oiko upépe, ni oiko hendive”.7 Ojerresolve raẽva’erã umi ñande pekádo.
Mbo’ehára Hugh Nibley ohechakuaákuri peteĩ ára, pe Tupã rréino ndaikatuiha opyta are, ojehejáramo oike michĩve pekádo jepe: “Michĩvéva ñembyai máncha jepe, he’ise pe ambue múndo ndaha’emo’ãiha ni oñembyikuaa’ỹva ni ijapyra’ỹva. Fálla michĩmi peteĩ edificio, institución, código térã carácter-pe oguerúta mba’evaiete pe eternida pláso pukúpe”.8 Tupã rembiapoukapykuéra “ijestricto”9 pe Irréino ha umi ipype oikóva ikatútagui opyta upépe, ombotove memérõ añoite hikuái ivaíva ha oiporavo iporãva, excepción ỹre.10
Elder Jeffrey R. Holland ohechavaʼekue, “Jesús oikũmby porãvaʼekue heta ñande cultura moderna-pe haʼete hesaráiva: oĩha tuicha joavy upe tembiapoukapy oñeperdona hag̃ua angaipa (Haʼe oguerekoʼakue katupyry opaveʼỹva ojapo hag̃ua), ha pe advertensia ojehejareínte hag̃ua rehe, (arakaʼeve Haʼe ndojapóiva ni peteĩ véce)”.11
Upévare, jepeve umi ñane imperfección ko’ag̃agua, ikatu gueteri jareko esperanza jahupyty hag̃ua “peteĩ téra ha peteĩ tenda”,12 peteĩ tenda Itupaópe, ha upe múndo celestial-pe. Omyesakã porã rire Ha’e ndaikatuicha ohejarei térã oñembyasavi pekádope, Ñandejára oasegura ñandéve:
“Upevére, pe oñearrepenti ha ojapóva Ñandejára rembiapoukapy, oñeperdonáta”13
“Ha opa ára che tavayguakuéra oñearrepentíramo, Che aperdonáta chupekuéra umi hembiapovai cherehe.”14
Arrepentimiento ha grásia divína omyatyrõ upe joavy:
“Penemanduʼáke avei umi ñeʼẽ Amulek heʼivaʼekue Zeezrom-pe, tavaguasu Ammoníah-pe, heʼígui chupe añetehápe Ñandejára outaha orredimi hag̃ua itavayguakuérape, ha katu ndoumoʼãiha orredimi hag̃ua chupekuéra iñangaipakuérape, ha katu orredimi hag̃ua chupekuéra iñangaipakuéragui.
“Ha ohupytýkuri puʼaka oñemeʼẽvaʼekue chupe Itúvare orredimi hag̃ua yvyporakuérape iñangaipágui, upe arrepentimiénto rupi; upévare haʼe omboúkuri hiʼangelkuérape omombeʼu hag̃ua umi mbaʼe pyahu oñeikotevẽva arrepentimientorã, ha péva oporogueraha pe Rredentor puʼakápe, hiʼangakuéra salvasiõrã”.15
Arrepentimento kondisiõ reheve, Ñandejára oipysokuaa poriahuvereko, oipe’a’ỹre mba’eve pe hustísiagui, ha “Tupã ndopái ha’e hag̃ua Tupã”.16
Peikuaaháicha múndo reko ha’e ñañemoĩ Cristo-re, térã “oimeraẽ mba’e méno Cristo”. Ñande époka ha’e Mormón Kuatiañe’ẽ rembiasakue jerrepeti, umi tekove oporombojuruhe’ẽva omoĩ inhústo dominio ambuekuéra ári, ojeguerohory permisida sexual, ha oñemotenonde rrikésa ñembyaty ñande rekove objetivo ramo. Ifilosofiakuéra “ohustifika mbovymi angaipa apo”17, ha heta angaipa apo jepe, ha katu avave ndaikutúi oikuave’ẽ rredensiõ. Kóva ikatu ou pe Cordero ruguy rupive añónte. Mba’e porãve ikatúva oikuave’ẽ umi aty he’íva, “oimeraẽ mba’e méno Cristo” térã “oimeraẽ mba’e méno arrepentimiento” ha’e upe je’e japu, angaipa ndaiporiha, térã oĩramo, amo ipahápe ndorekoiha consecuencia. Ndaroviái ko mba’e orekotaha tuicha péso Huísio Pahápe.18
Ndajahekaiva’erã pe imposible ñaha’ãvo ñarrasionalisa umi ñande pekádo. Ha ambue hendápe, ndajahekaiva’erã pe imposible ñambogue hag̃ua angaipa efecto ñane mérito rupive añónte. Ñañe religión ndaha’éi racionalización rehegua ni peteĩ religión perfeccionismo rehegua, ha katu peteĩ religión rredensiõ rehegua—rredensiõ Jesucristo rupive. Ñaiméramo umi ipeniténteva apytépe, Ijexpiasiõ reheve umi ñande pekádo ojekutu Ikurusúre, ha “illagakuérare ñañemonguera”. 19
Mborayhu Profetakuéra oipotaitéva, Tupã Mborayhu ohechauka.
Ojapo heta ára añesenti impresionádo, ha avei añandu Tupã profetakuéra oipotaitéva mborayhu ñaneatõivo angaipa rehe. Ha’ekuéra noñemokyre’ỹi oporokondena hag̃ua potapýre. Ipotapykuéra añete ohechauka Tupã mborayhu; ha añetehápe, kóva ha’e Tupã mborayhu. Ohayhu hikuái umi oñemboúvape chupekuéra, taha’e ha’éva ha taha’e ha’eháicha umíva. Ñandejáraicha, Hembiguaikuéra ndoipotái avave ohasa’asy angaipa mba’erasykuéra ha umi jeiporavo oĩvaíva rupi.20
Alma oñembou’akue omombe’u hag̃ua arrepetimiento ha rredensiõ mensáhe, peteĩ tavayguakuéra henyhẽva jeja’e’ỹgui, oĩvape dispuesto omuña, ombohasa’asy, ha ojuka hag̃ua jepe umi Cristo-pe ogueroviáva, Alma-pe avei. Péicharõ jepe, ha’e ohayhúkuri chupekuéra ha oipota ojesalva. Omombeʼu rire Cristo Expiasiõ rehegua Amoníah tavayguakuérape, Alma ojerureʼasy: “Ha koʼág̃a, che joykeʼykuéra, che aipota che korasõ mbytete guive, heẽ, tuicha mbaʼepotápe, jepe hasy peve chéve, pehendu che ñeʼẽ, ha pemombo pene angaipakuéra, … ára pahápe peñemopuʼã hag̃ua ha peike [Tupã] pytuʼúpe”.21
Presidente Russell M. Nelson ñeʼẽme, “Ha rojepyʼapyetégui ningo opa Tupã raʼykuérare, romomarandu Hiʼañetegua”.22
Tupã penderayhu; Pehayhúpa peẽ Chupe?
Pe Túva ha Ta’ýra mborayhu reínte oñeme’ẽ ha katu oike pype ñeha’arõkuaa ha umi mba’e oñeha’arõva. Ha’e jey, Presidente Nelson he’i’akue: “Umi Tupã léi oñemokyre’ỹmbaite Imborayhu ijapyra’ỹvare ñanderehe, ha potapy Ha’e orekóvare oiko hag̃ua ñandehegui opa mba’e ikatúva”23
Ha’ekuéra penderayhúgui, napederejaséi Hikuái, “pe peẽ ha’ehaichaite”. Ha’ekuéra penderayhúgui, oipota Hikuái pevy’a ha tosẽporãmba peẽme. Ha’ekuéra penderayhúgui, oipota Hikuái peñearrepenti, ha’e rupi upe tape vy’apegua. Ha katu peẽ peiporavo—Ha’ekuéra orrespeta pende albedrío. Peiporavova’erã pehayhu hag̃ua Chupekuéra, peservi hag̃ua Chupekuéra, peñongatu hag̃ua Hembiapoukapykuéra. Upérõ, Ha’ekuéra ikatúta pende rovasave ha pende rayhuve.
Iñeha’arõmbykuéra tuichavéva ha’e, ñande japorohayhu hag̃ua avei. “Pe ndoporohayhúiva ndoikuaái Tupãme; Tupã ha’égui mborayhu”.24 Juan ohai haguéicha, “Peẽ pejehayhúva, péicha Tupã ñanderayhúramo, ñande avei jajohayhuva’erã”.25
Primaria-gua Presidenta General-kue, Joy D. Jones imandu’a ha’érõguare peteĩ matrimonio imitãva, ha’e ha iména oñehenoihague ovisita ha oministra hag̃ua peteĩ familia heta áño ndouvéiva tupaópe. Iprimera visítape hesakãitékuri ndojererohoryiha chupekuéra. Ñeñanduvai ha heta visita oseporã’ỹva rire, ha heta ñembo’e añete ha jepy’amongeta rire, Hermano ha Hermana Jones ohupyty’akue ñembohovái mba’érepa i-servicio-kuéra, ko Doctrina ha Konveniokuéra vérsope: “Rehayhúta Ñandejára ne Tupãme opa ne korasõ, ne ánga, ha ne mbarete reheve; ha Jesucristo rérape reservíta chupe.”26 Hermana Jones he’iva’ekue:
“Rohechakuaa añetehápe roñeha’ãhague roservi ko familia ha roservi ore obispo-pe, ha katu roñeporandúkuri roservípa hína Ñandejárape rohayhúgui. …
“… Roñepyrũ roha’arõ rovisita hag̃ua ko familia ojehayhúvape, mborayhu rorekóva rupi Ñandejárare (tojehecha 1 Nefi 11:22]. Rojapókuri hína Hese. Ha’e ojapókuri pe hasyva’ekue ndahasyvéima hag̃ua. Heta mése roñembo’y rire okẽme, upe familia ohejákuri rohasa. Ara ohasávo, roñepyrũ roñembo’e ha roguereko ñemongeta horýva evanhéliore. Romongakuaa peteĩ amistad hi’aréva. Jahayhu ha rotupãitũkuri Chupe, Ta’yrakuérape jahayhúvo”.27
Jaikuaávo Tupã ñande rayhupaiteha, ikatu ñañeporandu “Ahayhu porãpa Tupãme? Ikatúpa Ha’e odepende che mborayhúre che adependeháicha Imborayhúre”? Ndaijojamo’ãipa javivisérõ Tupã ñande rayhu hag̃ua, ndaha’éi a pesar umi mba’evai jajapóva ha katu avei, pe oikóvagui hína ñandehegui? O, te’inga’u Ha’e penderehe ha cherehe upe he’iva’ekue, por ehémplo, Hyrum Smith rehe, “Che Ñandejára, ahayhu chupe ikorasõ potĩ haguére”.28 Ñanemandu’ami Juan ñemoñe’ẽ rorýre: “Kóva ningo ha’e Tupã mborayhu, ñañongatu hembiapoukapykuéra: ha hembiapoukapykuéra ndaipohýiri.”29
Añetete, Hembiapoukapykuéra ndaipohýri—péicha’ỹ katu. Umíva ohechauka pe tape ohóva ñemonguera, tory, py’aguapy ha vy’ápe. Ñande Ru ha ñane Rredentor ñande rovasákuri tembiapoukapykuéra reheve, ha ñañe’ẽrendúvo Hembiapokapykuérare, ñañandu hetave ha pypukuve Imborayhukuéra porãmba.30
Kóina peteĩ solusiõ ko ñande ára okóinte oĩvape ñorairõme—pe Tupã mborayhu Mormón Kuatiañe’ẽ rembiasakue ára dorada-pe, Salvador ministério rire oje’e “ndaiporihague joavy upe tetãme, Tupã mborayhu oĩva rupi tavayguakuéra korasõme”.31 Ñañeha’ãvo jahupyty Sion, ñanemandu’a Apocalipsis-pegua promésare: “Ojehovasapyre umi oñongatúva hembipoukapykuéra, ikatu hag̃ua ho’u pe yvyramáta oporomoingovévagui, oike hag̃ua hikuái okẽ rupi, upe tavaguasu [marangatúpe]”.32
Atestifika ñande Ru Yvagapegua ha ñane Rredentor Jesucristo añetére, ha Imborayhu tapiagua ha ijapyra’ỹvare. Jesucristo rérape, Amén.