Siguidónan di e Prens di Pas
Miéntras nos ta lucha pa desaroyá e atributonan manera di e Salbador nos por bira instrumentonan di Su pas den e mundu.
Den kumplimentu di e profesia duná na Zakarias,1 Jesus trionfantemente a drenta den e Suidat Santu koriendo riba un buriku, loke tabata wòrdu konsiderá den literatura [komo] un “símbolo di antaño di e realesa Hudui,” 2loke naturalmente ta pas ku e Rei di reinan i Prens di Pas.3 E tabataondoná pa un multitut di disípulonan den húbilo kendenan a habri nan paña, blachi palma, i otro kolashi riba e ruta aminda Jesus tabata pasa. Nan a alabá Dios, bisando na bos hatiu, “Bendishoná ta e Rei ku ta bini den e nòmber di Señor: pas na shelu, i gloria na e Altísmo.4 I atrobe, “Hosana na e Yu di David: Bendishoná ta esun ku ta bini den e nòmber di Señor: Hosana na altísimo.”5 E suseso mahestuoso aki, ku nos ta selebrá e dia aki konosí komo Djadumingu di Rama, tabata un preludio di goso pa e susesonan inkargabel ku lo sosodé durante e siman fatídiko kulminando den e Salbador Su sakrifisio abnegá i e milager magnífiko di e graf bashí.
Komo Su siguidónan, nos ta Su pueblo pekuliar, yamá pa proklamá Su virtutnan,6promotornan di e pas asina generosamente ofresé dor di DjE i Su sakrifisio ekspiatorio. E pasmta un don primintí na tur ku ta bira nan kurason na e Salbador i biba rektamnete; e tipo di pas aki ta duna nos e fortalesa pa gosa [di] bida mortal i abilitá nos pa wanta e pruebanan doloroso di bo hornada.
Den 1847, Señor a duna e instrukshonnan spesífiko na e Santunan pionero, kende nan tabatin nesesidat di pas pa permanesé kalmo i uní ora nan ta enfrentá difikultatnan inesperá riba nan hornada pa oksidente. Entre otro kosnan, Señor a instruí e Santunan pa “stòp di kontendé kontra otro; stòp di papia malu un di e otro.”7 E skrituranan ta afirmá ku esnan ku ta praktiká obranan di rektitut i ta lucha pa kana den humildat di e Spiritu di Señor ta wòrdu primintí e pas ku nan mester pa sobrebibí e dianan di komoshon den kual nos ta bibando [awe].8
Komo disípulonan di e Prens di Pas, nos a wòrdu instruí pa biba ku “kurasonnan konopá na otro den unidat i den amor [di] un pa otro.”9 Nos kerido profeta, Presidente Russell M. Nelson, resientemente a deklará, “Kontenshon ta violá tur kos ku Señor a para p’e i a siñá.”10 Nos profeta tambe a implorá pa nos hasi tur loke nos por pa stòp konfliktonan personal ku awor ta rasando den nos kurason i den nos bida.”11
Laga nos konsiderá e prinsipionan den kuadro di Cristu Su amor puro pa nos ku nos, komo Su siguidónan, ta buska pa por tin [esaki] pa otro. E skrituranan ta definí e tipo di amor aki komo karidat.12 Ora nos pensa riba karidat, nos mente usualmente ta bira pa aktonan i donashonan generoso pa aliviá e sufrimentu di esnan ku ta eksperensiando difikultatnan físiko, material, òf emoshonal. Tòg, karidat no ta solamente relashoná ku algu ku nos ta duna na otro, pero e ta un atributo di e Salbador i por bira parti di nos karakter. No ta un sorpresa ku Señor a instruí nos pa bisti nos mes ku e lasonan di karidat, “kual ta e lasonan di perfekshon i pas.”13 Sin karidat, nos ta nada.14i nos no por heredá e lugá ku Señor tin prepará pa nos den e manshon di nos Tata Selestial.15
Jesus di un manera perfekto a ehemplifiká loke ta nifika pa poseé e laso di perfekshon i pas, espesialmente enfrentando e susesonan di agonia ku a sosodé promé ku Su martirio. Pensa un ratu riba kiko Jesus mester a sinti ora E humildemente a laba e pianan di Su disípulonan, sabiendo ku un di nan lo traishon’É e mesun anochi ei.16 Òf ora Jesus, oranan despues, ku miserikòrdia a sana e orea di un di e hòmbernan knde nan a kompaná Hudas, Su traidor, pa arest’É.17 Òf asta ora e Salbador, pará dilanti di Pilato, inhustamente a wòrdu akusá dor di e sump saserdotenan i e eldernan, i no a pronunsiá ni un palabra kontra di e akusashonnan falsu kontra di DjE, i ku El a laga e gobernadó Romano asombrá.18
Dor di e tres insidentenan trágiko aki, e Salbador, no opstante ku El a wòrdu kargá ku tristesa i strès [di forma] eksesivo, a siña nos dor di Su ehèmpel ku “karidat tin pasenshi, i ta amabel; … no ta envidiá;… no ta halsa pechu, e no ta buska su mes interes, e no ta wòrdu proboká fasilmente, [i] no ta pensa maldat,”19
Un otro aspekto importante pa enfatisá, i un ku tin implikashon direkto riba nos dis♂pulado i kon nos ta promové e pas di e Salbador, ta e manera kon nos ta trata otro. Durante Su ministerio terenal, e Salbador Su enseñansanan tabata enfoká, no solamente, pero paartikularmente—riba e virtutnan di amor, karidat, pasenshi, humildat, i kompashon—atributonan fundamental pa esnan ku ke bin mas serka di DjE i promové Su pas. Tipo di atributonan asina ta donnan di Dios i ora nos ta lucha pa desaroyá nan, nos lokumnsá wak e diferenshanan i debilidatnan di nos bisiña ku mas empatia, sensibilidat, rèespèt, i toleransia. Un di e señalnan di mas evidente ku nos ta serkando mas na e Salbador i birando mas manera E ta e pasenshi amoroso, i manera amabel ku kual nos ta trata nos semehante, kual sea e sirkunstansianan.
Hopi niaha nos ta mira hende ku ta ekspresá ku komentarionan negativo i asta denigrante tokamte e karakteristikanan persibí, debilidatnan, i opinionnan di otro, mayoria biaha or e tipo di karakteristikanan i opinionnan ei ta diferensiá òf kontradisí kon nan ta aktuá i pensa. Ta hopi komun pa wak e hendenan aki pasa e e tipo di komentarionan aki na otro, ku na nan turno ta ripití loke nan a tende sin di bèrdat sa tur sirkunstansia entorno e situashon. Desafortunadamente media sosial ta enkurashá e tipo di aktitut aki den nòmber di bèrdat relativo i transparensia. Sin restrikshon, kombersashon digital hopi biaha ta kondusí na atakenan personal i disputanan kayente, kreando desapunto, kurasonnan heridá, i plamamentu di hostilidat yen kandela.
Nefi a proetisá ku den e delaster dianan, e enemigu lo rabia i agitá e hendenan na rabia kontra loke ta bon.20 E skritura ta siña ku “tur kos ku ta invitá i ta persuadí na hasi bon, i pa stima Dios, i na sirbi E, ta inspirá di Dios.”21 Di otro banda, “loke ta malu ta bini di diahel; pasobra diahel ta un enemigu di Dios, i ta hringa kontinuamente kontra dje, i ta invita i persuadi na komete pika, i na hasi loke ta malu kontinuamente.”22
Konsiderando e enseñansa profétiko aki, no ta un sorpresa ku di e atversario su tátikanan ta pa agitá enemistat i odio den e kurasonnan di Dios Su yunan. E ta regosihá ora e ta wak hendenan kritiká, redikulisá, i kalumniá otro. E aktitut aki por destruí un persona su karakter, reputashon, i su outo estima, partikularmente ora e persona wòrdu husgá inhustamente. Ta krítiko pa apuntá ku ora nos pèrmití e tipo di aktitut aki den nos bida, nos ta duna espasio den nos kurason pa e enemigu pa sembra e simia di deskòrdia entre nos, ku riesgo di kai den su trampa odioso.
Si nos n ta kouteloso ku nos pensamentunan, palabranan, i akshonnan, nos por kaba di ta tur bruha dor di e trikinan astuto fr i enemigu, destruyendo nos relashonnan ku e hendenan rondó di nos i esnan ku nos ta stima.
Rumannan, manera Señor Su hendenan pekuliar i promovedornan di Su pas, nos no por pèrmití nos mes e luho di laga e trikinan aki di esun malu tuma lugá den nos kurason. Nos no por karga un karga asin korosiva ku ta destruí sentimentunan, relashonnan, i asta bidanan. E evangeliota representá bon notisia i gran goso.
Naturalmente, nos niun ta perfekto, i sigur,lo tin biaha ku nos ta wòrdu engañá den e tipo di aktitut aki. Den Su amor perfekto i konosementu omisiente di nos tendensianan humano, e Salbador semper ta trata di atvertí nos di e tipo di peligernan ei. El a siñá nos, “Pasobra di e mesun manera ku boso huzga, boso lo wòrdu huzgá; i ku e mesun midí ku boso midi, lo wòrdu midí pa boso tambe.”23
Mi ruman stimá, miéntras nos ta lucha pa desaroyá atributonan manera [esnan] di e Salbador, nos por bira instrumentonan di Su pas den e mundu di akuerdo ku e patronchi ku E Mes a establesé. Mi ta invitá boso pa konsiderá maneranan ku nos por transformá nos mes den hendenan edifiká i ku ta sostené, hendenan ku tin un kurason komprensivo i ku ta pordoná, hendenan ku ta buska e mihó di otronan, semper kòrdando ku “si tin algu virtuoso, amoroso, òf di bon reputashon òf digno di alabansa, esakinan ta loke nos ta anhelá.”24
Mi ta primintí boso ku ora nos ta buska i desaroyá e atributonan aki, nos lo bira mas i mas kordial i sensitivo pa e nesesidatnan di nos semehante25i nos lo eksperensiá goso, pas, i kresementu spiritual.26 Sin duda, Señor lo rekonosé nos esfuerso i duna nos e donnan ku nos mester pa ta mas tolerante i [pa nos tin] pasenshi ku otro su diferensianan, debilidatnan, i imperfekshonnan. Mas ainda, nos lo ta mas apto pa resistí e impulso pa wòrdu ofendí òf pa ofendé esnan ku lastimá nos. Nos deseo pa pordoná, meskos ku e Salbador a hasi, esnan ku maltratá nos òf papia malu di nos ku siguransa lo krese i lo bira parti di nos karakter.
Ku nos awe, riba e Djadumingu di Palma, plama nos pañanan di amor i ramanan di palma di karidat, kanando den e pasonan di e Prens di Pas miéntras nos ta prepará pa selebrá djadumingu, awor e milager di e graf bashí. Komo rumannan den Cristo, laga nos proklamá ku goso, “Hosana na e Yu di David: Bendishoná ta esun ku ta bin den e nòmber di Señor; Hosana den altísimo.”27
Mi ta testfiká ku JesuCristo ta biba i ku Su amor perfekto, ekspresá dor di Su sakrifisio ekspiatorio, ta ekstendé na tur ku ta deseá pa kana ku n‘E i gosa [di] Su pas den e mundu aki in den e mundu ku lo bini. Mi ta bisa e kosnan aki den e nòmber sagrado di e Salbador i Redentor, JesuCristo, amèn.