General Conference
E kontesta Semper Ta JesuCristo.
konferensia general di aprel 2023.
6:20

E kontesta Semper Ta JesuCristo.

Dor di Presidente Russell M. Nelson

Presidente di E Iglesia di JesuCristo di e Santunan di e Delaster Dianan

Kualke pregunta òf problema ku bo tin, e kontesta ta semper hañá den e bida i enseñansa di JesuCristo.

Mi kerido rumannan, nos a wòrdu alimentá spiritualmente durante e lastu dos dianan aki. E músika di koro tabata magnifiko. Esnan ku a papia tabata instrumento pa Señor. Ta mi orashon ku boso lo buska e Spíritu Santu pa guia boso den boso estudio ora boso ta kontemplá e bèrdatnan siña for di e pulpito aki. Nan a wòrdu mandá bèrdaderamente for di shelu.

Aki un siman ta Pasku di Resurekshon. E ta e práktika religioso mas importante pa e siguidónan di JesuCristo. E rason prinsipal ku nos ta selebrá Pasku di Nasementu ta pa motibu di Pasku di Resurekshon. E lès di Ven sigueme di e siman aki lo stimulá bo pa studia e Salbador Su entrada triumfal den Yerusalèm, Su limpiesa di e tèmpel, Su sufrimentu den e Hardin di Getsemaní, Su Krusifikshon, Su Resurekshon Glorioso, i Su aparishon despues na Su siguidónan.1

Saboria e versikulonan sagrado i haña manerasnan ku bo por duna nos Tata Selestial danki pa a manda Su Yu Unigénito.2 Pa motibu di JesuCristo, nos por arepentí i wòrdu pordoná di nos pikánan. Dor di djE, kada un di nos lo resusitá.

Mi ta invitá boso tambe pa studia atrobe e relato di e aparishon di e Salbador na e Nefitanan na e Kontinente Amerikano, manera registrá den 3 Nefi. No hopi promé ku Su aparishon, Su bos a wòrdu skuchá bou di Su pueblo, inkluyendo e palabranan di súplika:

“Lo bo no bolbe na mi, i arepentí di bo pikánan, i sea kombertí, pa mi por sana bo?

“… Ata’ki, mi brasa di miserikòrdia ta ekstendé na bo, i ku ken ku bini, e lo mi risibí”3

Kerido rumannan, JesuCristo ta ekstendé e mesun invitashon na boso awe. Mi ta roga boso pa bin na djE pa E por sana boso! E lo sana boso for di bo pikánan si boso arepentí. E lo sana boso di tristesa i temor. E lo sana boso di e heridanan di e mundu aki.

Kualke pregunta òf problema ku bo tin, e kontesta ta semper hañá den e bida i enseñansa di JesuCristo. Siña mas tokante di Su Ekspiashon, Su amor, Su miserikòrdia, i Su evangelio Restorá di sanasho i, progreso. Bira na djE! SihuiE!

JesuCristo ta e motibu dikon nos ta konstruí tèmpel. Kada un ta Su kas sagrado. Hasiendo kombenio i risibí ordenansanan esensial den e tèmpel, manera tambe bai mas serka djE einan, lo bendishoná bo bida na maneranan ku ningun otro tipo di alabansa por. Pa e rason aki, nos ta hasiendo tur loke ta den nos poder pa hasi e bendishonnan di tèmpel mas aksesibel na nos miembronan rònt mundu. Awe, mi ta gradesido pa anunsiá plannan pa konstruí un tèmpel nobo na e siguiente lokalidatnan:

  • Retalhuleu, Guatemala

  • Iquitos, Peru

  • Teresina, Brazil

  • Natal, Brazil

  • Tuguegarao City, Filippines

  • Iloilo, Filippines

  • Jakarta, Indonesia

  • Hamburg, Alemania

  • Lethbridge, Alberta, Canada

  • San Jose, California

  • Bakersfield, California

  • Springfield, Missouri

  • Charlotte, North Carolina

  • Winchester, Virginia

  • Harrisburg, Pennsylvania

Mi kerido rumannan, mi ta duna testimonio ku JesuCristo ta dirigí e asuntunan di Su Iglesia. Mi ta testifiká ku siguiendo E ta e úniko kaminda pa felisidat duradero. Mi sa ku E poder ta desendé riba Su pueblo di kombenio, “armá ku rektitut i ku e poder di Dios den gran gloria.”4 Asina mi ta testifiká, ku amor pa kada un di boso, den e sagrado nòmber di JesuCristo, amèn.