Un Bos di Alegria!
E konstrukshon di tèmpelnan tabata un dje prioridatnan di mas haltu di tur profeta for di Profeta José Smith.
“Awor, kiko nos ta tende den evangelio ku nos a risibí? Un bos di alegria! Una voz de misericordia del cielo, y una voz de verdad que brota de la tierra; una voz de alegría para los vivos y los muertos; buenas nuevas de gran gozo.”1
Rumannan, ta kasi imposibel pa skucha e palabranan aki di e Profeta Jose Smith i no haña un sonrisahopi grandi!
Jose su ekspreshon di alegria berdaderamente a kapturá e goso pleno i mahestuoso ku ta den Dios nos Tata Selestial Su gran plan di felisidat, pasó El a sigurá nos, “hende ta eksistí, pa nan por tin goso.”2
Nos tur a grita di goso3 den nos bida premortal ora nos a skucha Dios Su plan di felisidat, i nos a sigui grita ku goso aki ora nos biba segun Su plan. Pero kiko eksaktamente tabata e konteksto pa e deklarashon felis aki di e Profeta? Kiko a stimulá e emoshonnan profundo i sinsero aki?
E Profeta Jose tabata siñando tokante boutismo pa e mortonan. Esaki tabata enberdat un revelashon glorioso ku tabata risibí ku gran goso. Ora miembronan di Iglesia a sa pa promé biaha ku nan por wòrdu batisá pa nan sernan keri ku a fayesé, nan a gosa. Wilford Woodruff a bisa, “E momentu ku mi a tende di dje, mi alma a bula [di] alegria!”4
Boutismo pa nos sernan stimá ku a fayesé no tabata e úniko bèrdat ku Señor lo revelá i restorá. Tabatin hopi otro donnan, òf investiduranan, ku Dios tabata ansioso pa otorgá na Su yunan.
E otro donnan aki ta inkluí outoridat di saserdosio, kombenionan i ordenansanan, matrimonionan ku lo dura pa semper, e seyamentu di yunan na nan mayornan den e famia di Dios, i finalmente e bendishon di regresá kas na e presensia di Dios nos Tata Selestial i Su Yu, JesuCristo. Tur e bendishonnan aki tabata hasí posibel pa medio di e Ekspiashon di JesuCristo.
Pasó Dios a konsiderá esakinan di ta entre Su bendishonnan mas grandi i sanktifiká,5 El a instruí pa edifisionan sagrado wòrdu lantá na unda e por konferí e donnan presioso aki riba Su yunan.6 E edifisionan aki lo ta Su kas na tera. E edifisionan aki lo ta tèmpelnan kaminda e loke ta seyá òf mará na mundu den Su nòmber, dor di Su palabra, i ku Su outoridat lo ta seyá den e shelunan.7
Komo miembronan di Iglesia awendia, algun di nos lo haña ta fásil pa nos pa tuma e bèrdatnan eterno aki komo normal. Nan a bira un di dos naturalesa pa nos. Tin bia ta yuda ora nos mira nan dor di e wowonan di esnan ku a siña tokante nan pa e di promé bia. Esaki a bira evidente pa mi dor di un eksperensia resiente.
Aña pasá, djis promé ku e rededikashon di e Tèmpel di Tokyo Hapon, hopi invitado ku no ta di nos kreensia a hasi un ekskurshon den e tèmpel. Un di e ekskurshonnan a inkluí un lider pensativo di otro religion. Nos a siña nos invitado tokante Tata Selestial Su plan di felisidat, JesuCristo Su ròl di redentor den e plan aki, i e doktrina ku famianan por ta uní eternamente dor di ordenansa di seyamentu.
Na konklushon di e ekskurshon, mi a invitá nos amigu pa kompartí su sentimentunan. Na referensia na e union di famianan—ambos pasado, presente, i futuro—e bon hòmber aki den tur sinseridat a puntra, “E miembronan di bo kreensia ta komprondé kon profundo e doktrina aki ta?” El a agregá, “Esaki por ta un òf e úniko enseñansa ku por uni e mundu aki ku ta asina dividí.”
Esta un opservashon poderoso! E hòmber aki no tabata konmoví simplemente pa e artesania ekskisito di e tèmpel pero mas bien pa e doktrina asombroso i profundo ku famianan ta uní i seyá na Tata Selestial i JesuCristo pa semper.8
Nos no mester ta sorprende, anto, ei hasta ora un persona ku no ta di nos iglesia ta rekonosé e mahestuosidat di lokual ta sosedé den e tèmpel. Lokual por bira komun òf rutina pa nos tin bia ta ta mirá den tur su splendor i mahestuosidat pa esnan ku ta skuch‘é òf mir‘é pa promé bia
Maske ku tèmpelnan a eksistí den pasado, ku e Restorashon di e evangelio di JesuCristo, e konstrukshon di tèmpelnan tabata un di e prioridatnan mas grandi di tur e profetanan for di e Profeta José Smith. I ta fásil pa komprondé dikon.
Ora e Profeta José tabata siña tokante boutismo pa e mortonan, el a revelá un otro bèrdat grandi. El a siña: “Permítaseme aseguraros que estos son principios referentes a los muertos y a los vivos que no se pueden desatender, en lo que atañe a nuestra salvación. Porque su salvación es necesaria y esencial para la nuestra, … ellos sin nosotros no pueden ser perfeccionados—ni tampoco podemos nosotros ser perfeccionados sin nuestros muertos.”9
Manera nos por mira, e nesesidat pa tèmpelnan i e obra ku ta hasí pa esnan bibu i e mortonan ta bira masha kla.
E atversario ta riba un alerta. Su poder ta menasá doe di e ordenansanan i kombenionan realisá den tèmpelnan, i e ta hasi kualke kos pa purba para e obra. Dikon? Pasó e sa di e poder ku ta bin for di e obra sagrado aki. Segun kada tèmpel nobo ta wòrdu dediká, e poder di salbashon di JesuCristu ta eksoandé rònt mundu pa kontrarestá e esfuersonan di e atversario i pa redimí nos ora nos ta bin na djE. Segun tèmpelnan i wardadónan di kombenio ta krese den number, e atversario ta bira mas debil.
Den e promé dianan di e Iglesia, algun lo a prekupá ora anunsiá un tèmpel nobo, pasó nan lo a bisa, “Nos nunka ta kuminsá konstruí un tèmpel sin ku e bèlnan di fièrnu ta kuminsá zona.” Pero Brigham Young ku kurashi a respondé,“Mi ke tende nan zona atrobe.”9
Den e bida mortal aki, nos lo no skapa e guera nunka, pero nos por tin poder riba e enemigu. E poder i forsa ei ta bin di JesuCristo ora nos hasi i mantené kombenionan di tèmpel.
Presidente Russell M. Nelson a siña: “E tempu ta yegando ora ku esnan ku no ta obedesé Señor lo ta separá for di esnan ku si ta hasié. Nos mihó siguransa ta pa sigui ta digno pa drenta den Su kas santu.”11
Aki tin algun bendishonnan adishonal primintí nos pa medio di Su profeta.
Bo tin mester di milagernan? Nos profeta a bisa: “Mi ta primintí bo ku Señor lo trese milagernan E sa ku bo mester ora bo ta hasi sakrifisio pa sirbi i alabá den Su tèmpelnan.”12
Bo tin nesesidat di e poder di sanashon i fortalesa di e Salbador JesuCristo? Presidente Nelson a sigurá no atrobe ku “tur kos ku ta siña den tèmpel … ta oumentá nos komprondementu di JesuCristo. … Miéntras nos ta warda su kombenionan, E ta investí nos ku Su poder di sanashon i fortalesa.” I oh, kon nos lo bai tin mester di Su poder den e dianan ku ta bini.”13
Riba e promé djadumingu di Palma ora JesuCristo triunfantemente a drenta Yerusalèm, un multitut di Su disípulonan “[a] regosihá i [a] alabá Dios ku un gritu … bisando, Bendishoná ta e Rei ku ta bini den nòmber di Señor.”14
Esta apropiá ku riba Djadumingu di Palma 1836, e Tèmpel di Kirtland tabata wòrdu dediká. Na e okashon ei e disípulonan di JesuCristo a regosihá tambe. Den e orashon dedikatorio ei e Profeta José Smith a deklará e palabranan di alabansa aki:
“Oh Señor, Dios Todopoderoso, óyenos … y contéstanos desde los cielos, … donde te sientas en tu trono, con gloria, honra, poder, majestad, [i] fuerza. …
“… Ayúdanos por el poder de tu Espíritu para que podamos unir nuestras voces a las de los fulgurosos y resplandecientes serafines que rodean tu trono, con aclamaciones de alabanza, cantando: ¡Hosanna a Dios y al Cordero!
“Y permite que estos … tus santos prorrumpan en voces de gozo.”15
Rumannan, awe riba Djadumingu di Palma, laga nos komo disípulonan di JesuCristo tambe adorá nos santu Dios i regosihá den Su bondat pa nos. “Kiko nos ta tende den evangelio ku nos a risibí?” Berdaderamente “un bos di alegria!“16
Mi ta testifiká ku boso lo sinti goso mas i mas ora boso drenta e tèmpel santu di Señor. Mi ta testifiká ku boso lo eksperensiá e goso ku E na Su turno tin pa boso, den e nòmber di JesuCristo, amèn.