Diné baa haniih
Yiego ei nihik’ihojodlí, k’ad nihił beehozinigii ei Diyin ya yałt’į́ Joseph Smith ei k’ad ́ákeedi hołziihdi Diyin ya yałt’į́.
Shik’is dóó shiláh, díi abinidą́ą́́ nihitah honishłǫ́ǫ́nigii baa’áhéeh nisin. Diyin bich’į́ sodizingo, shik’i jodlį́į́doo.
Shináá’doo hozh’o’bee hoot’į́į́ da. Azée’ííł’į́́ ’ábidishní, “ch’į́hiłkéédigii doo yish’į́į́ da, bidish ní.”
Ńt’ę́ę́, áání jó, “Nináá’ei k’ad sáni silį́į́ ni. Nináá ei doo łágo ’ánidoonił da ni.”
K’ad t’áá bii nishghaago ’ádishłeeł.
Baa nitsekess’igi ła bee nihił hodishní. Diyin ya yałt’į́ Joseph baa ntsekessgo k’ad diwiishiį́ nidiizid. Baa nitsekessgo T́aa ałtsoni dahazlį́į́di Diyin ya yałt’į́ silį́į́ ’ayoo ’anolinii bi naanish ’alyaa doo ya yiizí.
Jesus Christ Bisodizin Bahooghanjí atah daniidlinigii ei yeigo Joseph Smith baa ’ahéeh daniizin. T’áá ashkii nilį́go iinizin haayit’oa ei naa ’ííyisii’igii shaa naajį́ ádidoot’ááł nizingo tsintahgo niya, ei bighan doo t’áá’yídigo, ei Palmyra, New Yorkdi, ei ałtsé yeigo yałt’į́go sodoolzin. (Joseph Smith—History 1:14).
Iidą́ą́’, Joseph nitsédiizgo sodízingo, ya’aashdę́ę́ ’ą́ą́’ádzaa ei k’ad diyingo hozą́ą́nigii Sacred Grove bidoonííd. Naaki diné bitsádinidį́į́go, ałń’ą́ą́go’adinigíí bilaadi’adinidíín jį́honaa’ei ndi biláádi ’ádinidiin. T’ááłá haadziihgo’ani, “(Joseph,) Díí ei Shiye ’ayoi’íínishní. yíniłts’ą́ą́’!” Joseph Smith—History 1:17 Jesus Christ Bina’nitin T’áá Át’é Ninályáhígíí.
Haala, Jesus, nihi yisda’ííníłii doo iina nihá nayoosbą́, ashkii Joseph yich’į́ haadziih dóó dííjį́di ’áhootéh’ígíí niha ą́ą́h ’ayiilaa, “Diné Jehovah yich’į́ haadziih’ígíí ei baa dahwiiní. (“Praise to the Man,”(Éí diné baa dahwiiní.) Hymns, no. 27). Diyin ’ahéehee’ dabidiiní Joseph Smith doo naldzidgo t’iis tahgo niyaa, Palmyra, New Yorkdi.
T’áá doolé’é ’ayoo’ádanoolinii bitah keehwiit’į́, dóó T’áádoolé’é nihee daholǫ́. Shikis, shinaai dóó shitsił dóó shilákeeh. Abinidą́ą́ t’áá’áánii ’ádaat’é’ígíí dóó nizhonigo bee nihik’ihojodlí dóó łą́go nihił beehozin dooleeł’ígíí niha holǫ́, ei k’ad ’akéédi hooziihdi Joseph Smith Diyin Ya Yalitį́ nilį́go biniina.
Nihił beedahozingo hai iitį́nigii nihił beehozin dóó, há’át’į́ biniyé kǫ́ǫ́ hiniiná.
Hai Diyin God nilį́’igii ei nihił beehozin; áádóó Nihi yisda’íiníilii nilį́nigii ałdo nihił beehozin, háala Joseph ei t’iis dáshjáádi niyago naa’íísiiyéé Diyin shaa nedidoo’áál nizingo sodoolzin.
Adahwii’ááhgo ts’idi ’áláádi ’áyoo ’anoolinii dóó nizhonigii diné bił beedahozin dooleeł’igii ei Diyin NihiTáá yá’ąąshdi Hólóonii dóó Jesus Christ ei Joseph yaa ni’áázh, k’ad ákéédi hoolziihgo Diyin binahagha dóó Jesus Christ binaanitin haadidoonííł dóó nahasdzaan bikaa.
Diyin Bizaad Mormon Binaaltsoos Wolyéhígíí k’ad nihee holǫ́. Diyin Bizaad Mormon Binaatsoos Wolyéhígíí ei hané nizhonigii ’át’é. Jesus Christ Tą́á ’áániigo naana łá baa hané. Joseph hané naalá saad k’ehji naahasdzohgo bee yít’ą́h, Diyin bił holǫ́go ei hané bilagaana k’ehjį́ ’ ayiilaa. áádóó naahasdzaan bikaago diné Diyin baa hané bił beedahozin dooleeł biniyé.
Díí hané ei doo nanitłahgo baa hané, Joseph Smith nizhongo hináágo binaají ’ei ’ayoo ’adeinííní, shilah dóó shik’is nilį́į́ni biighá nisozį́, łá t’áá selkééh niį́di bił nisoozį́.
Díí abindą́ą́ Joseph bimá ei ’ámá nizhoni ’át’é. Joseph hoghandi naadzaa, dóó ́ahoodzaa’igii bimá yee yiłhołné, Lucy Mack Smith ei hané yoosdlaa.
Báá’áhée nisin bighan doo diné bił naazigo, bizhé’é dóó bimá, inda binaai, bitsiłí báadi bił naazį́į́h, naanish bidziłgo bee bik’ihodííniid, Diyin ya yaltį́ silį́į́, dóó Jesus Christ binanitin t’áá’at’é naahasdzaan bikaa ninadooł yeeł.
Díí abinidą́ą́’ ei t’áá’áníí shił beehozinigii ei Jesus Christ ei yisda’íiníilii nilį́ dóó naadzan bikaago yisda’ííníilii nilį́. Shił beehozin NiTáá ya’ąąshdi holǫ́nii dóó Diyin Jesus Christ ei t’áá’aanii Joseph yaa ni’aazh dóó Diyin yá’yalt’į́ prophet dooleełgo i’áyiilaa.
Baa’ahwii nisingo, haayit’oa nizhonigo nihik’ihojodlį́, nihishį́į́ ałdo lá, ’áko deinosin, há’at’í biniyé nahasdzaan bikaago keedahwiit’į́, dóó há’át’į́ biniyé dahiniiná. Kǫ́ǫ́ nahasdzaan bikaago nideikaigo ei yá’át’ééh iinanii bihoo’ááh, t’ááłá náyiłkai bik’éhgo, nihił hozhǫ́, nihaa’áhwiinit’į́, t’áá ’áhwiijį́ báhasht’é adíílneh, hagoshį́į́ ei NihiTaa ya’ą́ą́shdi holǫ́nii dóó Diyin Jesus Christ bił yaa’diidaał.
Shi ei t’áá’áhidę́ę́ shahodziih. Shi k’adéę́’ naat’ééhdiin dóó biaan ashdláá shinaahai. Sha ałchiní ei ’adaaní łada ei ĺą́ ninaahai daaní, ’akonid t’aą ałtso yá’át’ééh. T’áá biinigháágo ei nishonigo ash’į́.
K’adęę’ ashdlaadiin naahai Diyin Bisodizin Bahooghanji ’tah naanishgo sida, nahasdzaan bikaago hadiiya. ’Áko ei nizhonigo shikihojodlłį́į́. Naahasdzan bikaago diné bitahgo ei nizhonigo baa nitsekess. Dahitsaago diné Diyin Bisodizinji ’atah danilinigii béé dahasingo nizhoni.
Shí ei ayóí ’áhíínísh ní. ’Ayóó’ahonoolin, k’ad kǫ́ǫ́ naasokai’igii, nihi nii’ dá nish’į́į́go Diyin Jesus Christ binanitin ałtso hadit’ééhgo niha ninalyaígíí t’ááíiyíisii baa’ahéehosin.
Diyin NihTáá ya’ąąshdi holǫ́ǫ́nii nihiik’íjodlį́ dóó nik’ídiiz’į́į́ K’ad Diyin ’ayoo’o’o’ni dóó binanitin nihijei biih daholǫ́ doo, dóó bibee haz’áánii dóó binanitin bik’eh honii’íí doo bá nineinish doo, Diyin ’ayoi ’adeeniiní, nihi yisda’íiníilii, Diyin God nihił holǫ́ doo. Azhą́ haadi shį́į́ naanináá ndi. Diyin ei nihił holǫ́ doo. Diyin yaa’ąąshdę́ę́ bee ’adził ei nihił holǫ́go kwé’é ’álah niidlį́į́.
K’ad ei Jesus ei t’áá’áánii Christ nilį́nigii shił beehozin. T’áá’áanii yisda’íiníilii nilį́ dóó nihi yisda’naanihdoonił. T’áá’íiyíisii nihikis nilį́. Jesus Christ bízhi’ baa hast’ii binahjį́ ’ádishní, áamen.