Jesus Christ Bá Jizį́įgo Hazaad dóó Ájíłínígíí Bee
Jesus Christ bina’nitin hodeesyeelgo bik’ehgo hinii’náago, iit’inígíí Diyin Nina’ídláanii t’áá’aaníinii bee bá siizį́įdoo.
Tó bee nihi’dilzį́įhdi, Jesus Christ bizhi’ ak’didiit’ááłgo bee ádeehadidiizih. Dííjį́ binyéhígí éí bénałniihdo Diyin God binááł Biye’ Bizhi’ ak’idadidiit’ááł t’áá aanii nihizaad dóó íít’inígíí bee, t’áá áłahjį’, Jesus Christ t’áá aaníí Christ nilinígíí.
Yisdá’iiníiłii náádiidzáádoo bik’ijį’ America kédaayahdi diné yitaagáago neintin, kóníígo:
“Diyin God dóó Bóhólníihii bizaadísh doo deínóhłta’ da, shą́ą́’ éí ání Christ bízhi’ ák’idadidooht’ááł, éí éí shí shízhi’? Jó díí shí shízhi’ éí akée’di yoołkáłígíí biyi’ bee danihi’dójíi dooleeł;
“Dóó t’áá háíshį́į́ shízhi’ ák’iidoot’ą́ągo, dóó nihoníyáajį’ shina’nitin yik’eh hółíigo, éí akée’di yoołkáłígíí biyi’ yisdádoogááł.”1
President Russell M. Nelson nanhineeztą́ą́’ kóníigo “Yisda’iiníiłii bizhi’ ák’ididiit’ą́ąłgo éí baa hwiilne’go dóó t’áá’ aaníinii bee bá siizį́įdo íil’ínígíí dóó nihizaad bee—éí Jesus t’áá aaníí Christ nilínígíí baa hwiilne’doo.”2
Sodizinjí Jesus Christ Bisodizin yá Naazínígíí aniitahígíí, nihik’i hojidlí dóó íiniizingo nihá ahóót’i’ bee Bóhólníihii bá siizį́ dóó Bízhi’ baa yéelti t’áá’ ałtsogóó yiidááłgo.3 Hodéesyéélgo nihidziil bee Jesus Christ bina’nitin bee hinii’náago, nihiYista’iiníiłii dóó Bízhi’ bee íít’įįłígíí t’áá aaníinii bee nihe’iina’ bee béé hózindo. Áádoo ałdo’, Jesus Christ bá nsiidzį́įgo nihizaad bee yiiniidlánígí baa hwiilne’do, dóó bee baantsííkesígíí, doodai’Jesus Christ bee beehoniilzinígí baa hwiilne’do.
Bóhólníihii t’áá aaníinii bee baa hwiilne’go nihizaad dóó iit’įįłígí bee, Ii’sizį́ Diyinii t’áá aaníinii yaahalne’4 t’áá haáshį́į́ t’áá aaníí shił bee hodoozįįł nizinígí, bijei biyi’dę́ę́’ dóó Jesus t’áá aaníí Christ nilínígíí yantsékeesdo.5
Ła’ kojí sodizinjí da’atahígíí baa ch’íhodeeshááł éí Diyin God yich’į’ ííshjáán ádadólzingo Jesus Christ bízhi’ ák’ideidiit’ą́ągo Bóhólníihii Yaa yádaałti’ dóó t’áá aaníinii yaa dahalne’ Sodizin bee áłah ńdaadleehídi.
Áłtsé baa hodeeshnihígí éí: She’asdzáá, Elaine, bił keyah Spaingo n’áázh 2022 yę́ędą́ą́, Damóogo áłahná’ádleehídi. Naat’áanii bił dahdinishbin dóó she’asdzáá éí yahííje’ígíí yił dahnaháaztą́, asdzáá t’áá náás silį́į́’ léi’ yiighahdoo sidah. Bááh dóó tó ałtso baa áłah azlį́į’go, Elaine baa níyá dóó háíshnik’is bidishní. Shił hoolne’ dóó áníílá díí adzáání, éí doo kojí Sodizinjí atah da, ndi naaki nááhai kojí yahanádáago. Kót’ao sidíts’ą́ą’go, na’ídííłkid ha’át’íísh binahjį’ díí asdzání Diyin God-yoodláago kojį’ nádaahgo nízaago nahoolzhizh. Asdzáání áníílá, “Ayóó shił yá’át’ééh díí áłahnáhdleehgo Jesus Christ baa yádaołti’.”
T’áá aníigo, Spaindi Sodizinjí da’atahígí ałahnádleehgo Jesus Christ t’áá aaníiniiígí yaa dahalne’ dóó yee nda’nitin.
Naakigóne’ígíí bee nihiłhasne’, éí: Brazil Biłhaz’ą́ądi nishíshnish dóó bikéédęę’, Sodizinjí bi naat’áaniishchííndi naanish shaa deet’ą́. Díí yihxahígíí Ya’iishjáástsoh ndízíidgo Salt Lake Citygóó nii’ná, Damóo áłahna’ádleehígí bił yahaníejah dooígí bił yahiijéé’. Díí áłahazlį́į́’ígí éí doo adą́ bee hodilzingóne’ dóó t’áá aníinii hołbééhózinii bee ahił dahojilne’góne’. Bááh dóó tó dadíníilzingo deidą́ą́’ dóó bik’ijį’, díí sodizinjí da’atahígí t’áá ła’í nizinígo bijéí biyi’doo t’áá’aaníinii bił bee dahózinígí Yisda’iiníiłii dayoodlánígíí dóó yik’eh dahół’ínígíí yee hadahaasdzíí’. Jesus Christ t’éiyá aláahgo baa yáti’go baa áłah dahsiidlíí’. Nihich’į’ hada’iisdzíí’, dóó binahjį bee nhe’oodlą’ bidziil ndaasdlį́į́’. Díí Sodizinji yahííjé’ígíí, t’áá’aaníinii hadeintáago, áłah silį́į’ígíí, éí díí Jesus Christ bi Sodizin Báhooghan t’áá’aaníinii át’éélá dadínóozįįł nt’éé’.
Sodizin báhooghandi áłah néídleehgo ayóo nihik’ihojidlí Jesus Christ t’áá’aaníinii bee ahił dahwiil’ne’go áko Diyin God bił bééhózin baa nihił dahózhǫ́ǫ BiYe’ bízhi’ ák’idadiit’aahígíí.
K’ad, ła’ bee nihił hashane’ Jesus Christ bízhi’ ak’idadiit’ánígíí éí aláadi át’é Bízhi’ binahjį’ ííl’ínígíí bee béé hózin.
Áłtséédą́ą́’ Bini’ant’ą́ą́ts’ózí yę́ędą́ą́’, Elder Jonathan S. Schmitt Feather River California Temple Yuba Citygo Bóhólníihii Bighan níl’į́ binyé ą́ą́’ályaagóó bił ni’áázh. Áadi hashne’go tá’díshéeshgo bee shik’ihojisdli’. Diné ła’ kojí Sodizin yee atahgo, Virgil Atkinson wolyéego, dóó tsosts’id yilt’éego bik’is doo kojí be’oodlą’ ádayósin daígí atahnishí’eezh. K’ad dę́ę’ ałtso baa hadiikáahgo, diyingo ahé’éské ádaalne’ bá haz’ą́ągóne’ Brother Atkinson bik’is ayóó’áyó’ninígíí yaa atídineesdlį́į́’ díí Bóhól’níihii Bighangóne yił yah eekaígíí. Ts’ida t’áá ákohgo bikéé’dóó, asdzání léi’ nidii’na’ dóó áníílá, “T’áá áníiltso Virgil ayóó’ádeíníí’ní. Doo éí kohjí shihidoohkáá nihił níigo yinhinłchééda. Ákondi doo yaa yanízin da yee nihił halne’go. Yoodlánígíí yik’ehgo hiná.”
Díkwííshį́į́ nááhai, Brother Atkinson Christ hinánígí át’ao yik’ehgo hináágo bik’is daboo’į́įgo t’áá áyisí bidziilgo baa halne’. Díí t’áá áyisí t’áá aaníigo beehózin Christ bizhi’ ák’iidiit’ánígí.
Díí akéé’di baa hodeeshni, díí íishłaa hait’ao ál’ínígíí Jesus Christ bízhi’ ák’izhdiit’áahgo dóó t’áá aaníinii hołbééhózinígí Bisodizin báhooghan Bizhi’ bee józhíigo.
President Nelson, k’ad Diyin God yáhalne’ii, 2018 yę́ędą́ą́’ ntsaago áłahna’ádleehígíí yich’į’ haadzíí’ “Díí Sodizin Báhooghan Bízhi’ Bee Wójíhígí,” éí: “T’áá aaníí éí bee wójí. Éí éí Bóhólníihii bibeehaz’áanii át’é. Joseph Smith éí binahjį’ Sodizin T’áá Aaníinii Nályáhígíí bizhi’doo bí bizhi’ yee yiyíízhi’da doodai’ Mormon ałdó’ dooda. Yisdá’iiníiłii T’áábí áníílá, ‘Shisodizin báhooghan éí díí akéedi yoołkáłígíí bee wójíi dooleeł, t’áá aaníigo Jesus Christ Bisodizin yá Naazínígíí’ [Diyingo Na’nitin dóó Bee Aha’da’deest’anígíí 115:4].”6
T’áá áníiltso dahnidahidiikai ntsaago áłahazlį́’ídę́ę́’ adaadadiniitą́ągo dóó nihíni’ dabidziilgo Diyin God yáhalne’ii ánihiłninígíí bi’da’diilnííł dóó Sodizin báhooghan bízhi’ ííshjáán ályaaígí k’ad kodóó bee deií níijíido. T’áá íyisíí bee ádaa’áhonisdzingo Sodizin báhooghan t’áá aaníinii beewójíhíí bee yínísh shíigo hahoolzhiizh. Áłtsé bee hahoolzhiizhdę́ę́’, yéego bee ádaa’áhonisdzin dóó doo ałk’idą́ą́’ ánish t’éhą́ą́gi ánisht’éedo nisin. Áłtsé nabiníshtaago, Sodizin Báhooghan bízhi’ ííshjáán ályaaígí bee yíínishshíigo shił yá’át’ééh silį́į́’. Lą́’ídi, díí Sodizin Báhooghan tsį́į́łgo yiníshíi łeh nt’éé’. Baa ntsískeesgo diné daats’í doo yik’eh dahółį́į da doo díí Sodizin Báhooghan bizhi’ yee dayózhíigo dóó ayóó’ániłnééz danízin doo nisin ńt’éé’.
Jó áko, baa ákoniizį́į́’ Sodizin Báhooghan bizhi’ bee yiníshíigo Jesus Christ bizhi’ shił nlįįgo baa yáshti’ dóó Nihista’iiníiłii nilinígíí Bisodizin Báhooghan át’é. Dóó ałdó’ Sodizin Báhooghan bízhi’ bee yíníshíigo, t’áá áłahjį’ Jesus Christ bénashniih dóó bik’ehgo she’iina’ áshį́.
Diyin God yáhalne’ii bik’eh honiil’į́įgo, Jesus Christ t’áá aaníinii Bisodizin Báhooghan bee deínííjíigo, binahjį’ Bóhólníihii bízhi’ ák’idadidiit’ááł.
Díí Damóo abíní, shił hózhǫ́ǫgo t’áá aaníí shił bééhózin President Nelson éí Diyin God yáhalne’ii nilį́ dóó Jesus Christ Bisodizin yá Naazínígíí éí Jesus Christ bina’nitin bee yisda’iideíhii ninályáhígíí át’é. Jooba’ íinisingo t’áá aaníinii bee ádishní Diyin God t’áá aaníí Jesus Christ Biye’ hiná dóó t’áá íyisí Diyin át’é. Diyin God Ałtsé Bá Yizhchinígíí nilį́ dóó T’ááłá’íígí Biye’ át’é, nihi Yisda’iiníiłii dóó Diyingo Nihá Nina’ídláhígíí, dóó Diyin Nihił Hólóónii wolyé.7 Jesus Christ bízhi’ binahjį’, amen.